Faarotikaa Maxaafa 133

Dayyuwwiinxe Jaalala

Tsiyoonixxe Koobaaba’aa Alalle Me’ati woddixxa Daawwitixxa Faaro

1 Dayyuwwi mitte afoo kade’e mitteba hedha

hitta hitta gammachchiisaaxxe, hittatta eloxxe.

2 Tinni dayyumma Aaroonike umonaa’ni areedake’n yaate’e

oddo’weexxe seemmaka handaara gelteemmaxxe

eloke fishshaake ejersiinxe zayiteshshaten.

3 Kunni dayyummatiki mittoomi Herimoonixxe koobanaa’ni Tsiyoonike Tullichchuwwa’ni

butti’a coccobammake wojishshaten;

Ookko Duuchchi Woddik Gootti

ifixxa eebba,

hedhotanna duuchchi woddi’a ajajeedheen.