1 Ee, anke Mageno godoba mittinni hedheennen;

faarsaannen; wo'ma hedhonninna faarsaannen.

2 Koo baganaa, tee masinqoo ke'we

aninna soodimaro dammassannen.

3 Ee, Duuchchi Woddike Goottaa! Gosa gosake ardixxe oddo'n atee saadannen;

Ardi giddonna ati'a galatiinxa faaro farsannon.

4 Duchchii woddixxi atixxi jalala iimatike bayyinni iimi darren;

xuurameessumma atixxinna buttii'ni iimmi qico'ni gelte'eexxen.

5 Ee, Mageno iimati iimi darre ati lummedhi;

butta duchcha'ni gaachchanni atikinna hedhowwaal.

6 Eeta'eetek atiki ardi anjiremaashsha

middixxe atixxe anganni no'oo gargaar;

soodachcho anxa laqi.

7 Mageni galma ifiike'ni hedheexxi hiyyee qici,

«Gammada'nee Sekemika qachcha qoodannon;

Sukootixxa dhooqanna mikannon.

8 Gele'adi anken; Minaasenna anken;

Efireemi anxe gullen;

Yihudanna anxe mootummaxxe bokkon.

9 Mo'aabi ani anshedhannoke gongan;

Eedoomi hana kophe anxa qolaanchannon;

Filisixxeemike arda'ninna inijfachchoti geeraarannon.»

10 Kinjiinke dalla'inni ijaremeeke qachchiba ayyete anee iyyemara?

Eedoomi ayyete anee geesisa?

11 Ee, Magenoo no'oo deete'eetek atetebaa?

Duuchchi Woddike Gootta no'oke sannachchinni welti fuldaabexxon.

12 Manjiink gargaarsi woyi fulabaakeni

naapha no'oke'n middite no'aa uwwi.

13 Mageniinke gargaarsinni injifantannon;

naapha nokanna hirbeesaak isoten.