Faarotikaa Maxaafa 110

Duuchchi Woddik Gootti Fi’leeka Moyanjo

Daawwitixxa Faaro

1 Duuchchi Woddik Gootti anka goottaa

«Atika naapha atixxe lekkake hirbi hunda sa’isano qico’n

anke midda’n offo’l» hiyye.✝110:1 Mat. 22:44; Mar. 12:36; Luq. 20:42-43; Erga. Huj. 2:34-35; 1 Qor. 15:25; Efe. 1:20-22; Qol. 3:1; Ibr. 1:13; 8:1; 10:12-13.

2 Duuchchi Woddik Gootti atixxa hunnaameete siqqichcho

Tsiyoonibaa’n gadhi’a ba’lsaan;

atinna naapha atiki giddo hexxee’e moottatton.

3 Bagedokee fuldattoxxa barra

atik loliink manni feedhii ifixxenni ifi ati’a uwwaan;

soodimariinke gadaammeesanaa’n woyyichchi gaachchanninni ulfaate’e

dargageessumma atixxika haanjine fixeesiinsha adhitatton.

4 «Ati Malketsedeeqike qeesummatike seerishsha

duuchchii woddi’a qeeseten» hiyyeexxi Duuchchii Woddik Gootti kakate’een;

isi yaada ifika jijjiirabaan.✝110:4 Ibr. 5:6; 6:20; 7:17, 21.

5 Dada Duuchchik Gootti atike midda’n hedheen;

isixxe mufexxa barranna moyanjuwwa bulleessaan.

6 Isi gosa gosake arda’n muraan;

bogi bogike umo kade’eemakaara bulleesseexxi renshange’n rensha lebaan.

7 Orii qarqara hexxeexxe muummenaa’n wode’e ha’waan;

tennexxee dhanca’ee me’aan.