1 Ee, Mageno summa atikenni anee anjir;

hunna atixxenninna ani'aa muri; 2 Ee, Magenoo! Soodachcho anxa laqi;

haaso'a ankanna caqasi.

3 Alagi ane'ni ke'eedheen;

manna sodaachchisaak manninna lubbo anxa halse'een.

Mageno mitteelchchonna geessinsebaan.

4 Dugaaten, Mageni anke gargaarsanjon;

Dada Duuchchik Goottinna anee kiphaaken.

5 Naaphi ani'a hedeemmaxxa fuggoxxa Mageni iso'ninni hiissowwaal;

hiyyichcho atike'ni addate'eennen ati insa'nee balleessi

6 Eeyyuunte anxenni tolcha ati'aa shiqishaanenni

Ee, Duuchchi Woddike Gootta ati eloke kaddeetaxxee

summa atika saadannon.

7 Rakko duuchchanaa'ni anee fulchiteettaxxee'e

naaphi ankinna injifatemee'naa ille anxenni uudenneni.✝