Faarsaleeyyetike Sooresi'a Ke'itiinxa Faarsendeexxa Faaro.

1 Butta duuchcha Magenoke illilli hituuni!

2 Isike summike ulfinni'aa faarse;

uulfateeka galatanna isi'a uwwe.

3 Mageno hitinaa qici, «Ati assitetexxi yaanuwwa hittatta manbe'iinxe!

Hunna atixxi yo'oshsha lumoxxe kaddeemmaxxee

atik naaphi atee sodaate'e cuqurto'aan.

4 Buttate'n hedheek duuchchi ati'a heeshshi qokki hiyyaan;

galatiinxe faaronni atee saadaan;

summa atika saanda'n faarsaan.»

5 Ammee, Mageni asseexxa duuchcha uudde;

isi manjiinke belti giddo mambe'a yaane asse'een.

6 Isi abbaayya lameba shate;

edik no'ok annuwwi lekkati bagobaa'ni Yordaanosik galaana foonfeen;

No'onna isi asseexxe yaanexxee gammandeennen.✝

7 Isi Hunna ifixxenni duuchchi wodda moyaan;

ille isixxi gosa gosaka arda hubatee uudaan;

yoonna iso'ni ke'ak manni meenni ifi lummisowwaal.

8 Koo ha'noo gosa gosaki ardi duuchchi Mageno no'oka saadde;

hafuura gikki assitine'e isoo saadde.

9 Isi hedhoti he'nannoshsha heqqe'een;

inbannoshanna assebaan.

10 Magenoo! Ati no'o hega uudeeten;

birretika sibilji finiine'e luqqi hiyyammashsha,

ati no'oo luqqi assittetten.

11 Fonxoro no'oo abiddaashsha assite'e

a'urto ba'onna no'o'n feettette.

12 Manni no'oo hana me'aashsha assitetteni;

giira giddii'ninna lolali giddii'n sa'nenne;

ta'a kinni goddi wo'meexxe bakka'n no'oo iyyedagetten.

13 Ciincatika tolcha adhdhe mine atike'n e'yya'nee'e

werreegennaka werreeganna ati'a shiqishaannen.

14 Kunni werreegi rakkatenna wodda arabi ank haaso'eeke

afo'o ankenaa'n fuleeken.

15 Ha'yo hore ati'a ciinceessannon;

iittanni gedhebiinke korbeessika fishaka tolcha ati'a shiqishaanon;

kormakanna re'etika korbeessuwwa ati'a tolchannon.

16 Mageni ani'a asseexxa duuchcha kulonna'aa Mageno sodaatinaa'neeki duuchchi amme laqqe.

17 Hafuura anka gikki asse'e oodhdhe'e isoo soodatenne;

afo'o ankenninna isoo saadenne.

18 Hujennexxa Cubbo aadde aaga gophe'e,

godoba uggudheennele Dada Duuchchik Gootti soodachcho anxa laqammabaan.

19 Ta'a kinni dhugaaten, Mageni laqe'een;

soodachcho anxanna caqase'een.

20 Soodachcho anxa tuffatebaake,

duuchchi wodda anee eeyya'neek

Mageni isi galatik saademmowwaal.