Faarotikaa Maxaafa 131

Mageno Addatatixxa Soodachcho

Tsiyoonixxe Koobaaba’aa Alalle Me’ati woddixxa Daawwitixxa Faaro

1 Ee, Duuchchi Woddike Goottaa! Ani hollebe’no;

ille anxinninna wele hollati uudebe’noni;

dande’abe’noxxa lumolla yaane yookaan

mambe’aa yaane assebe’non.

2 Yaane kinni ani ifi sammi assenne;

ununa waaldeexxi anno amate’ni sammi hitteexxi luu’mendammashsha

aninna ununa waaldeemmaxxe annoshsha sammi hiyyenne.

3 Koo Isira’eelike ardaa! Ta’anaa’ni duuchchi woddi qico’ni

Duuchchi Woddika Gootta addatti.