1 Gosa gosak ardi duuchchi anga ha'noxxa calle;

hafuura gikki assitine'e Magenokee illillisse.

2 Butta duuchchik ulfateek moyanji

Dada Duuchchik Duuchchi Woddik Gootti sodaachchiisaaken.

3 Isi gosa gosak ardi no'aa hiremaashsha asse;

ardakanna no'o hunda galche.

4 Eeyyaaxxe Ya'iqoobixxe horte'a kubete kade'eka

boga isi no'aa file;

5 Mageni gammashshotixxe illilleettenni,

Duuchchi Woddik Gootti malagati afuufema'naa'a iimi'a aage.

6 Faaroti Mageno saadde; Faaroti isoo saadde;

moyanjo no'oka faaroti jajje; faaroti isoo jajje.

7 Mageni butta duuchchike moyanjo kademmaxxeee

eloxxe faaroni isoo saadde.

8 Mageni gosa gosake arda'n moyanjoken;

Mageni ifixxe woyyite moote hana offo'le'een.

9 Abirihaamike Mageniinke ardinni welti

Gosa gosake ardik ja'laabuwwi bukki hiyye;

buttatik loliink manni Mageniinke kadeemmaxxee

isi yo'oshsha saadeemmeeken.