Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Peu pengi kebam leune de RAMPAUBE de twalu.
RAMPAUBE de twalu.
Hegwang napei dage n kenlum kaizeu so
RAMPAUBE de twa.
RAMPAUBE de twa, a rabo.
Ih a teilung pelane teu eh RAMPAUBE de hetwa peula;
Ih a Tinggwang dage ketwa lei teigai zie Ih kelungtane.
Nangne a lungnet pelane damgai;
nang ne a pui za gade acu tamtok ncütlu.
Ih ncu twa zie,
kedanemene Ih au n bata miswakegah ge kecune.
A rabe ma aide ci hemisüt bam.
A radung n dade hebai dima
a pui ja gade tamtok teune lu,
Ih cika kembai gade lungh di cu kecu dau, Ih cika kebam nang ci.
A pui za gade nang acu ngau;
tingbazie acu kepeudung pelane n laisiukwak gage rauteula,
tingbazie raitu de gwang kemak dwa de.
Ih a teilung pelane teu RAMPAUBE dage lei tei gaizie;
Ih ring kebamtane ketwa lei tei a Tinggwang de twazie.
A lungcet de peu ge pecu pesui lulo,
Ih a sui yizie RAMPAUBE gade.
RAMPAUBE au Tinggwang lie kecu ci lulo;
pa anuide teigai, nah anui au pe gu.
Anui au pe mina nah pe meurünhau.
Twa eh pe kerecaki kirie ga lütlu,
nah pe kigu ga kerüt teu eh lütlu.
Pecu hetwa peulu nah pe zi de samlam beulu.
N samkakkelu samsang daikenzwa gede pemi whung no, Tinggwang!
Minadung n hesiu mie kangga msiu lula.
N kerecaki ga pui nliem kebam gade penui hengyi bam;
nang penuide n suikeyi reuki gade peu sakla.
Kedanemene n da teilung bangbe kebamne;
n keba gade anui keba ngau zie.
Suiyi tingcang gwanglu la
Ih ncu twa zie, RAMPAUBO, kedanemene nang acu kecok gade teucuh kebeune nah a ngauraume depeu acu nuidi kemakne.
RAMPAUBO a Tinggwang, Ih n dage a kengha nggia mra gai,
nah nang acu tei hemi beu.
RAMPAUBO, nang Sheol gade a rabe kelibeu; herau ga nghungdi kera gade nang acu kelibeu.
Ih n bata miswakegahdung peei zie
Ih RAMPAUBE de a nlung pelane le hetwa pwa peu zie;
Ih miswakegah n tadung ha rang zie.
Ih n ziemne a suiyi süt eh lei teizie;
Ih n zi de twa eh lei tei zie, Hutube Tinggwang!
ma pelane ziemne anui Rampaube Jisu Khrista zi gade Peibe Tinggwang de hetwa peu muilu.
Khrista gade Rabe samlam
Peu Tinggwang nah anui Rampaube Jisu Khrista Peibe de hetwa pung kelube tei lulo, Khrista gade ngngwa ket tei kelu gade nreule de kegwang mirabe kilam samlam leune pa anuide samlamgai beuda.
Tinggwang mapeu rangkap gai kelak de ziemne pecu twalo.
Peibe, nnuide kebaa ga kemcimedung de ngngwa mabam gumlu kebuime tei kebeube de twalu kerane. Tinggwang anuide kemui baang gade kelibeu da nah anuide pe Na pe kube hegwangram gage ngngwa gwang beuda, pe dade anuide rikelu, kemaugi kelude bam dida.
Khrista au Ditube
Khrista au ngaula kemak Tinggwang miebe da, damkelu pelane dwa kelabe. Kedanemene pe dade tinggimdung gade nah kideu gade ma pelane damlu, kengaube de nah ngaukemakbe de. Hegwangbamdung mede hegwangramdung mede mapeu teukelame mede kengkieng teu kelamedung, aidungde pelane pa dade nah pe ziemne damgai. Nah pa au ma pelane dwade la, nah pe dage ma pelane keuncüt pwabam.
Nnui matyei zie nah nggei luzie, nnuide hangdeu keyi peu kebeude ziemne nnui RAMPAUBE, nnui Tinggwang de samlam beuzie.
Rampaubo, nang tutiak ga a mzeu rangbeu, nang a teilung kelibeu da!
Ih lamlwatu mahdung ga nghung da, kideu ga kebam riedung le acu kelungta twagwalu;
dede RAMPAUBE a Tinggwang, nang hekwaki kecok gade acu ngngwa nghangdai beu da.
A rabe nnei kedi dau, Ih RAMPAUBE de nsunglu,
nah a kekie, n kemci kerecaki ga nda gwanglu.