Agradecimento pela vida
Agradecer pela vida é reconhecer que cada respiração é dom de Deus. Toda criatura que tem fôlego louve ao Senhor — porque Ele nos formou e nos sustenta com amor.
Enọ Abasi Ete ekọm kpukpru ini ke kpukpru ñkpọ ke enyiñ Ọbọñ ñnyin Jisọs Kraist.
Eyak ñnyin inọ Abasi ye Ete Ọbọñ ñnyin Jisọs Kraist ekọm! Koro Enye ọmọdiọñ ñnyin ke ebuana ñnyin ye Kraist, ke edinọ ñnyin kpukpru mme enọ Spirit emi edude ke enyọñ.
Ekọm enyene Abasi ke enọ Esie emi inua mikemeke nditiñ.
Ndien enyuñ enọ Ete emi akanamde mbufo edot ndinyene udeme ke se Abasi ọkọsuhọde ọnọ ikọt Esie ke Obio Ubọñ uñwana Esie ekọm ke esit idara. Enye ama afak ñnyin osio ke odudu ekim, onyuñ ada ñnyin ke ifure edisin ke Obio Ubọñ edima Eyen Esie, emi otode ke Enye enam ñnyin ibọhọ, oro edi, edifen mme idiọkñkpọ ñnyin.
Ubonñkpọ Emi Kraist Ama Akanam
Kraist edi nsioñwut mbiet Abasi emi ñnyin mikwe ke enyin. Enye edi akpa Eyen eren, emi akande kpukpru mme ñkpọ emi ekebotde. Ekedi ke Enye ke Abasi okobot kpukpru ñkpọ ke Obio Ubọñ Abasi ye ke isọñ, se owo ekutde ke enyin ye se owo mikwe, ye mme odudu spirit, mbọñ, mme akara ukara, ye mme odudu ukara. Abasi okobot enyọñ ye isọñ oto ke Enye, onyuñ ọnọ Enye. Enye ama ododu mbemiso ñkpọ ndomokiet ododu, ndien ke edidiana kiet ye Enye kpukpru ñkpọ ada mme nnen nnen itie mmọ.