Agradecimento
O agradecimento é a linguagem natural do cristão. Em tudo dai graças! A gratidão a Deus transforma a perspectiva, fortalece a fé e produz alegria em todos os tempos.
Dar graças sempre
Em tudo dai graças, porque esta é a vontade de Deus em Cristo Jesus para convosco. A gratidão é atitude fundamental.
dna n ɓəhoɓəhoi vnyanya fye ga amisa; ntuge Shekwoyi ɓəye nu nyi ga fye dna n Kirisiti Yeisu.
fyei ga Shekwoyi Dada amisa ciici, ntu nyahonyahoi ɓo, dna ń əyi Dagayi Yeisu Kirisiti əye.
Fye fa Kirisiti bwugbafu kwa gyibe fyi n əfye adu, shikwonyi fye zhni aga nayi gbmanyi nya nu, a ɓə yi fye fyi n bwugbafu nu. Jesnu fye kwu zhni Shekwoyi amisayi. Fye fa Kirisiti ɓədatnu kwaa sase dna n fye mi n mwa, əsa n fye ɓe aje n nyawui, fyei gnaknyi aje n wyemwai vnyanya dna n anyiásásayii, anyíciciyii jesnu n anyii n ɓa kwnu n Zafnu, fyei kwoanyi ga Shekwoyi ń amisai fyi n əfye adu. Jesnu ɓəhoɓəhoi n fye ɓa zhni, kwo dna n ɓədagbma nu, kwo n ɓəzhni, fye zhni kwo vnyanya dna n Dagayi Yeisu əye, fyei sa Shekwoyi Dada ami dna n wo.
Fye fa Kirisiti bwugbafu kwa gyibe fyi n əfye adu, shikwonyi fye zhni aga nayi gbmanyi nya nu, a ɓə yi fye fyi n bwugbafu nu. Jesnu fye kwu zhni Shekwoyi amisayi.
Fye fa Kirisiti ɓədatnu kwaa sase dna n fye mi n mwa, əsa n fye ɓe aje n nyawui, fyei gnaknyi aje n wyemwai vnyanya dna n anyiásásayii, anyíciciyii jesnu n anyii n ɓa kwnu n Zafnu, fyei kwoanyi ga Shekwoyi ń amisai fyi n əfye adu. Jesnu ɓəhoɓəhoi n fye ɓa zhni, kwo dna n ɓədagbma nu, kwo n ɓəzhni, fye zhni kwo vnyanya dna n Dagayi Yeisu əye, fyei sa Shekwoyi Dada ami dna n wo.
Fye kwu əfyehni ga fyi n aduwazhni ciici, fye kwu zhigwu njesnu fyei sa Shekwoyi ami.
Fye to saaɓo ntu n nyaho ɓo m, ama dna n ɓəhoɓəhoi fye zhniaduwa n wyegyii, n amisai, fyei gna Shekwoyi anya n fye ye.
Louvor e gratidão
Entrai pelas portas com ação de graças. Rendei graças ao Senhor porque Ele é bom e a sua bondade dura para sempre.
Expressões de gratidão
Graças a Deus pelo seu dom inefável! A gratidão se expressa em oração, louvor e generosidade para com os outros.
Amisa ga Shekwoyi ntu əwo nyaga ɓo, n a taa myi n əkwo tnuya nyi m!
Fye ɓa kwu zè anyaɓwai n zokwo dəhodəhoi nabai n fye ɓa myi fya loɓwaya dna n ɓəhoɓəhoi zhni, jesnu ntu əyi ɓo, əfye ɓwaloloiya ɓa ɓe n amisagagai n Shekwoyi aba.
Ama amisa zhni Shekwoyi nya nu! Əwo nu ga yi nasalagyi dna n əyi Dagayi Yeisu Kirisiti.
Mi sa əmi Shekwoyi ami ciici ntu əwo shebmyashi ɓo n wo ncei ga fye dna n Kirisiti Yeisu nyi.
Kpmisnui, mi sa Shekwoyi ami lo dna n Yeisu Kirisiti ntu əfye ɓo vnyanya, ntuge a da əfye gaiciyaganunui əɓo lo vnyanya fyi ń anyì.
Ntuge kwo shikwonyi ɓa ɓə kpe Shekwoyi əye, ɓa to ɓə la wo tu ngye Shekwoyi kwo ɓa sa wo ami m, ama əɓa aɓənubwozhni ɓa kwu gbmiaje jesnu əɓa amama abwugba ɓa kwu fyi wyegbma.
Ntuge n əwo aba nu jesnu ǹ əwoi nu jesnu ntu əwo əɓo nu ń anya vnyanya zhi.
Latu nyalonyalo nya zhni əwo nya nu! Amyi.
Yi kwnuce lo ya sa Shekwoyi ami ciici ntu əfye ɓo, əyi azaje azanugbai n anyikwozai, ntuge kwo bmyalo lonu, shikwonyi əfye gaiciyaganunui gnyilo kwoi mwa n gnaɓeɓe, jesnu yeye n əfye vnyanya ncei lo ga aje nyi, kwo lo kwoi ɓeɓe nu.
Mi sa Shekwoyi ami, əwo n mi zhni əwo tnutnu, ngye she əmi azakwoyi ɓə zhni n tukwovnyi manai nyi, shi mi pa əho əɓo dna n əmi aduwazhni ciici n nyipyei ɓədo n sukwoi.
mi too fa Shekwoyi amisa ntu n əfye ɓo m, mii pa fye ɓo dna n əmi aduwazhni.
Ntucenu, shikwonyi yi ta gwo əbemi nu n kwo ɓa jashna m, fa ya kwu zhni amisayi, ntulonu ya ga Shekwoyi mwamwa gwogwoi n ədnai n ɓəwowoi,
O Fyelisi əza duduyi! N ɓwahoɓwahoi jesnu n zokwo dəhodəhoi, yi kwu əho aɓəzhnizhi ye gyewye, jesnu a da yi lo n mwa zam.
Shi wo ɓə gye ɓa, wa gna, "Fye lo fyei wu əfyehni n apirisiti aba." Nlonu shi ɓa ɓə lo, ɓa kwu kágna ɓwa.
Zaknayi ń əɓa, shi wo ɓə gye wo la kágna ɓwa, wa jezeɓe, woi ci Shekwoyi n bəgye kalá nyai. Wa ɓe wa yashi ń Yeisu apita aba wa sa wo ami; wo ɓə zhni Samariyayi nu.
Yeisu wa nyaɓo, "A to ká aza gna ngwnu-awo nu vnyanya m? Azaje ngwnu-ciwagbmanyi n zhi ń nanu a? Əzaho to jezeɓe wa ci Shekwoyi m, akpəge zhiɓeyi ye?" Nlonu wa gna wo, "Laka ha lo; əho gaiciyaganunui kwo la ho kágna."
Shi wo ɓə gnyi woi lodna ń zhigba, azanugbai ngwnu-awo ń ɓa ɓə ń nayiwnu nyasnai, ɓa ɓe da wo, ɓa kwu gnyiagnyi zhi n tagnyi jesnu ɓa yi wo n bəgye kalái, "Yeisu, Dagayi, gye yi snusnu!"
Shi wo ɓə gye ɓa, wa gna, "Fye lo fyei wu əfyehni n apirisiti aba." Nlonu shi ɓa ɓə lo, ɓa kwu kágna ɓwa.
Zaknayi ń əɓa, shi wo ɓə gye wo la kágna ɓwa, wa jezeɓe, woi ci Shekwoyi n bəgye kalá nyai. Wa ɓe wa yashi ń Yeisu apita aba wa sa wo ami; wo ɓə zhni Samariyayi nu.
Yeisu wa nyaɓo, "A to ká aza gna ngwnu-awo nu vnyanya m? Azaje ngwnu-ciwagbmanyi n zhi ń nanu a? Əzaho to jezeɓe wa ci Shekwoyi m, akpəge zhiɓeyi ye?" Nlonu wa gna wo, "Laka ha lo; əho gaiciyaganunui kwo la ho kágna."
Mi sa əmi Shekwoyi ami nsahosahoi n ma pa əfye əɓo ncei.