Ajuda ao próximo

35 Kwakuva ndikali na njala mukanigavile kya kuliya, ndikali na ng’elu nyenye mkanigavile malenga, ndikali mgenji nyenye mukandiwanuke, 36 ndikali ufula, mukanifyalise mwenda, ndikali mukiwopo na nyeye mukachile kunilola. 37 Baho, avo vanu va sanzi davakamuhigile ng’achale, ‘Mtwa, nde paliki tukakuwena ungehe na njala na nefwe tukakugavila kyakula, awu uveche na ng’elu nefwe tuka kugavila malenga? 38 Nde paliki tukakuwene mgenji na nefwe tukakupokela, awu bila mwenda nefwe tukakugaviye mwenda. 39 Nde paliki tukakuwene ukali mtamwa awu ukali mukiwopo tukachile kukulola?’ 40 Ng’achale dakuvahiga, ‘Ndakyene ndikuvalongela, kila kinu kyemumgitile yumwi va ava lukolo vangu vadodo vevakunifwata nene, mukanigitile nene!’

42 Yeakusuka mgavile, ubihile kumkacha munu yeikwacha kukuachima kinu.

16 Ndeni ndeni, welu venu uvalangachile vanu, neke vagawene magito gyenu manofu, vamunjume Daada venu yeagehe kuluhano.

38 Muvagavile vanu vangi finu fefikela na Nguluvi akuvagavila kyemkela. Mwiwanuka mumawoko gyenu kigelo kye kimemile na kukingindwa mbaka kusukuka, kwakuva kigelo kikila kyemwitumila kwa vangi ndikyo Nguluvi itumila kwa nyenye ndeni."

10 Lipinga lya vanu likahuchile, "Nondee tugite liki?"

11 Yohani avahigile, "Munu yeagehe na myenda givili na amugavile yeihela mwenda na yeagehe na kyakulia na agite ndeni."

33 Muguche umosi venu, mukavagavile vahangala icho sendi. Kuno nde kwivikila akiba mukihondo kyako kuluhano, ukoya seiupwemka, ukoya kuhela muhichi yeivesa kuhicha na kuhela umehe weuwesa kuuwanang’a. 34 Pala peigehe umosi vako, ndipo yeuvecha numbula lyako.

12 Iyi ndi lulagilicho lwangu, Muyikele nyenye kwa nyenye ngita nene pendivakele nyenye.

13 Ng’asi ngomi lya kuvawonesa kuva ukuvakela vaganja vako, ndi kula kufuwa neke vene vikale uwumi.

35 Mufyonda fyendikitile ndikali ndikuvalolesa kuva twing’ang’wa kugita kasi ng’angafu nefwe, neke tuveche kuvatanga wevagehe na sida, chipindi petugitile ndeni tuveche twikwihuka njowo ambacho Mtwa Yesu yumwene akalongile, "Ngiba kutawula kuchumba kwanuka."

36 Paulo peamalile kuloga akafugamile pamwi navo akamlumba Nguluvi. 37 Vonda vakavembile, vakamlaga kwa kumbatila Paulo na kumnonela. 38 Kyekivasugwimiche hilo ni kwa gala njowo chealongile kuva sevakumlola kangi uso vake. Wakahele nave mbaka mu wato.

13 Muvatange vanu va Nguluviinu finu fyenu fyevisaka, muvawanuke vagenji kwa usanzi.

Uvakelese vayago bihile kuyikelesa yumwvene

1 Nefwe yetugehe vagangamala mukumdikila Nguluvi, twing’ang’wa kuvatanga vala vevagehe na ludikilo ludodo. Tubihile kwiyikelesa vavene.

2 Ngita yumwi venu ngaipata utatala mwitange, kwa kugita ndeni mukigita ngita peing’ang’a malagilicho ga Kilisito.

28 Yeakali ihicha, abihile kuhicha kangi ila avange kugita kasi nofu, neke aveche na kinu kya kumtanga munu muhangala.

4 Ubihile kuhocha pakyanya ga makani gyake yumwene, ila ayigumbanikile na njowo cha kumtanga muyage.

Kudikila na Kugagita gyeing’ang’a Nguluvi

14 Vakolo vangu, ikutanga liki munu pealonga agehe na ludikilo, ila seawonesa kwa magito? Ulo ludikilo luwesa wuli, kumulowola? 15 Ngita maama awu mhacha munya myenda gyegisakiye na ihela kyakuliya. 16 Mmonga venu akamlongela, "Muhelele kwa lutengamaso, mkulota lyoto na kugwita," Ngajila kuvagavila finu fyemuhela, ago gakumtanga liki? 17 Makani ago ndi ngita munu kuvecha na ludikilo ngajila magito.

17 Ngita munu ndi mmosi va finu na akomlola muyage ihela kinu, ila seakumtanga, iwesa wuli, kulonga kuva akumkela Nguluvi?