Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
ନାନ୍ ବାଙ୍ଗାଁଦୁମାର୍ଆ, ମିର୍ ନାଙ୍ଗିଁ ଉନ୍ଣ୍ତେ ସିତିଦେର୍; ନାନ୍ ଏର୍କିସାଜିମାର୍ଆ, ମିର୍ ନାଙ୍ଗିଁ ଏରୁ ଉନ୍ଣ୍ତେ ସିତିଦେର୍ । ନାନ୍ ଅରେନ୍ନେମାର୍ଆ, ମିର୍ ନାଙ୍ଗିଁ ମି ଇନ୍ଡ୍ର ବାଡି ସିତିଦେର୍ ।" ନାନ୍ ଡୁମ୍ଡାମାର୍ଆ, ନାଙ୍ଗିଁ ଆଙ୍ଗିଁ ଆରିସ୍କିତିଦେର୍; ନାନ୍ ନବ୍ଆତାମାର୍ଆ, ନାଙ୍ଗିଁ ଜାତୁନ୍ କିତିଦେର୍, ନାନ୍ ଜଇଲ୍ତୁମାର୍ଆ, ନାଙ୍ଗିଁ ସୁଡ଼ୁଦେଙ୍ଗ୍ୱାତିଦେର୍ ।
ଦାର୍ମୁଦିଲୋକୁ ୱାନିଙ୍ଗ୍ ଇନାର୍, ପ୍ରବୁ ! ଏସ୍କାଙ୍ଗ୍ ନିଙ୍ଗିଁ ବାଙ୍ଗାଁଆତିକା ସୁଡ଼ୁଜି କାଦି ଉନ୍ଣ୍ତେଙ୍ଗ୍ ସିତାମାନାପ୍ ? ଏସ୍କାଙ୍ଗ୍ ନିଙ୍ଗିଁ ଏର୍କିସାନିକା ସୁଡ଼ୁଜି ଏରୁ ଉନ୍ଣ୍ତେଙ୍ଗ୍ ସିତାମାନାପ୍ ? ମାରି, ଏସାଙ୍ଗ୍ ଅରେନ୍ନେ ସୁଡ଼ୁଜି ଇଲ୍ତୁ ତେବାଦେଙ୍ଗ୍ ବାଡି ସିତାମାନାପ୍ ? ମାରି ଡୁମ୍ଡାଆତିକା ସୁଡ଼ୁଜି ଆଙ୍ଗିଁ ଆରିସ୍ କିତାମାନାପ୍ ? ଏସ୍କାଙ୍ଗ୍ ନିଙ୍ଗିଁ ନବ୍ଆତିକା ନି ଜଇଲ୍ତୁମାନିକା ସୁଡ଼ୁଜି ନି ଲାକ୍ତୁ ୱାତାପ୍ ? ରାଜା ଇନାନ୍, ନାନ୍ ମିଙ୍ଗିଁ ସତ୍ ଇଜିନା, ଇୟା ନା ତଡ଼ାନ୍କା ଲୋଇରାନ୍ ୱିଜେରିଙ୍ଗ୍ ଇସ୍ରିୱାରି ଉଣ୍ତିଙ୍ଗ୍ ମିର୍ ଆମାକା ୱିଜୁ କିତିଦେର୍, ଆକା ନା ଉଣ୍ତିଙ୍ଗ୍ କିତିଦେର୍ ।
ଜଦି ଏନ୍ ମିଙ୍ଗିଁ ଇନି ଜିନିସ୍ ଲୋସ୍ନାନ୍, ମାନା କିଏନ୍ଣ୍ତା ୱାନିଙ୍ଗ୍ ସିଦୁ । ଏନ୍ ଇନିକା ଉଦାର୍ ଲୋସ୍ତିଙ୍ଗ୍, ୱାନିଙ୍ଗ୍ ଆକା ସିଦୁ ।
ଆୟାୱାଜା ମି ଜାୟ୍ ଲାକ୍ତୁ ତରାଇଆପିତ୍ । ଆରିଙ୍ଗ୍ ମି ସତ୍ପାଣି ସୁଡ଼୍ଜି ୱାର୍ ମି ମୁସ୍କୁପୁର୍ତି ବୁବା ମାପୁରୁଦି ଦନ୍ୟବାଦ୍ କିନାର୍ ।
ଆଇୱାନିଙ୍ଗ୍ ଦାନ୍ ସିଦୁ, ଆଦେଙ୍ଗ୍ ମିଙ୍ଗିଁ ଦାନ୍ ସିନାର୍; ମାପୁରୁ ଅଡିଦୁ ପୁରା କିଜି ତାନିଙ୍ଗ୍ ତିଗ୍ଜି ଦୁକ୍ସି ବର୍ତି କିଜି ମି ଅଟିଦୁ ସିନାର୍; ଇରିଙ୍ଗ୍ ଏମେ ଅଡିଦାନ୍ ଇସାବ୍ କିଜ ଇସାବ୍ କିଦୁ, ଆୟା ଅଡିଦାନ୍ ମିଙ୍ଗିଁ ମାରି ଇସାବ୍ କିନାସିନାର୍ ।"
ଆବେଟ୍ ଲୋକ୍ ୱିଜେରେ ୱାନିଙ୍ଗ୍ ୱେନ୍ବାତାର୍, "ଆରିଙ୍ଗ୍ ମାପ୍ ଇନିକା କିନାପ୍ ?"
ଜୋହନ ୱାରିଙ୍ଗ୍ ଇର୍ଆନ୍, "ଆମାୱାନିଙ୍ଗ୍ ରୁଣ୍ତି ଆଙ୍ଗିଁଙ୍ଗ୍ ମାନେ, ୱାନ୍ ଆମାୱାନିଙ୍ଗ୍ ଇନିକା ସିଲେତ୍, ୱାନିଙ୍ଗ୍ ଉଣ୍ତ୍ରି ସିପିନ୍ ମାରି ଆମାୱାନିଙ୍ଗ୍ କାଦି ମାନାତ୍, ୱାନ୍ ଆଇୱାନିଙ୍ଗ୍ ଆବେ ମିସାକିପିନ୍ ।"
ମିଙ୍ଗିଁ ଆମାକା ମାନାତ୍, ଆକା ପୋର୍ଜି କାକୁର୍ତି ଲୋକାଙ୍ଗ୍ ସିଦୁ; ଆମାକା ସେଏଣ୍ଡ୍ ଆଏତ୍, ଇୟାୱାଜା ମଣି ନିଜେ ନିଜେଦି ଉଣ୍ତିଙ୍ଗ୍ ତିଆର୍ କିଦୁ; ଏମେମାନୁ ଡଙ୍ଗାଁର୍ଏନ୍ ଲାକ୍ତୁ ରେଏନ୍ ମାରି ପିଡ଼ୁକୁ ତିନ୍ଉ, ଇୟାୱାଜା ମୁସ୍କୁପୁର୍ତୁ ନାଷ୍ଟୁ ଆଇ ଦନ୍ ଉଣ୍ତା କିଦୁ, ଇରିଙ୍ଗ୍ ଏମେମାନୁ ମି ଦନ୍, ଆବେବା ମି ମୋନ୍ ।
ନାନ୍ ଏଣ୍ତେସ୍ ମିଙ୍ଗିଁ ଜିବନ୍ନୋତା ମାନା, ମିର୍ ବା ଆୟାୱାଜା ନିଜେନିଜେଦିଙ୍ଗ୍ ଜିବନ୍ନଦୁ, ଇକା ନା ଆଦେସ୍ ।
ନିଜେଦି ସଙ୍ଗ୍ତିଲୋକା ଉଣ୍ତିଙ୍ଗ୍ ନିଜେଦି ଜିବନ୍ ସିନି ବାଦୁଲୁ ଏନ୍ ମାରି ନାଣ୍ତ ପେରି ଜିବନ୍ନୋନିକା ସିଲେତ୍ ।
ପୟ୍ନି ମାଣାନ୍ ଦାନ୍ କିନିମାନୁ ନାଣ୍ତ ୱେଡ଼ିକା ତେବାନାତ୍, ନିଜେ ପ୍ରବୁ ଜିସୁଦି ଇୟା ବାକ୍ୟଦିଙ୍ଗ୍ ଏତ୍କିଜି ଇୟାୱାଜା ନାଣ୍ତ କାସ୍ଟୁଦି ପାଣିଦାନ୍ ମାପ୍ ଆଟ୍ଇ ଲୋକାଙ୍ଗ୍ ସାକା କିନି ଦର୍କାର୍, ଇୟା ବିସୟ୍ତାନ୍ ନାନୁ ୱିଜୁଦିନ୍ ମିଙ୍ଗିଁ ସାରି ତର୍ତାମାନା ।"
ଇୟାୱିଜୁ ମାଟା ୱେର୍ତି ୱେନ୍କା ପାଉଲ ୱାରି ୱାଲେ ମେଣ୍ତେଙ୍ଗ୍ ଗଟ୍କିଜି ପାର୍ତନା କିତାନ୍ । ୱିଜେରେ ଆଡ଼୍ବାଜି ଆଡ଼୍ବାଜି ପାଉଲତିଙ୍ଗ୍ ପମ୍ଜି ନଣ୍ତ୍ଜି ପୋକ୍ତାର୍ । ୱାର୍ ୱାନିଙ୍ଗ୍ ମାରି ସୁଡ଼୍ଦେଙ୍ଗ୍ ଆଟ୍ଏର୍ ଇଜି ୱାନ୍ ଇର୍ହାନ୍ଆକା ୱାର୍ ନାଣ୍ତ ଦୁଃକ୍ ଆତାମାର୍ହାର୍ । ୱାର୍ ୱାନିଙ୍ଗ୍ ପୋକ୍ତେଙ୍ଗ୍ ଇଜି ଜାହାଜ୍ ଲାକ୍ତୁ ସର୍ହାର୍ ।
କ୍ରିସ୍ତବିସ୍ବାସିରି ଦର୍କାର୍ ମାନିକା ସିଦୁ । ମାରି ୱାନି ଲୋକାଙ୍ଗ୍ଁ ସନ୍ମାନ୍ତାନ୍ କୁକ୍ତୁ ।
ବିସ୍ବାସ୍ତୁ ବପୁ ଜେ ମାଡ୍, ୱାର୍ ସାକିସିଲି ବିସ୍ବାସ୍ ତଡ଼ାନ୍ତି ଦୋସ୍ ସାକିସିଲି ଉଣ୍ତିଙ୍ଗ୍ ଲାକ୍ତୁ ଆଦୁ । ଏନ୍ ନିଜେଦିଙ୍ଗ୍ଁ ୱେଡ଼ିକା କିନି ଉଣ୍ତିଙ୍ଗ୍ ବଦା କିମାକିନ୍ ।
ନିଜେନିଜେଦି ବଜୁ ପିଣ୍ତ୍ଦେଙ୍ଗ୍ ଇଜି ସାହାଜ୍ୟ କିଦୁ । ଇକା କିନି ମାଣାନ୍ ମିର୍ କ୍ରିସ୍ତଦି ମାଟା ମାନାନିଦେର୍ ।
ଡଙ୍ଗାଁର୍ଏନ୍ ମାରି ଡଙ୍ଗାଁ କିମାକିନ୍ । ମାରି ସିଲିସାତିୱାରିଙ୍ଗ୍ ଦାନ୍ କିନି ଉଣ୍ତିଙ୍ଗ୍ ଏଣ୍ତେସ୍ ୱାନି ଲାକ୍ତୁ ଇନିକା ତେବାଦେଙ୍ଗ୍ ଆଟ୍ନାତ୍, ଇୟାଉଣ୍ତିଙ୍ଗ୍ ନିଜେଦି କିୟୁଦାନ୍ ନେଗେନ୍ ପାଣି କିଜି କାସ୍ଟୁପାଣି କିପିନ୍ ।
କେବଲ ନିଜେଦି ବିସୟ୍ତୁ ମୋନ୍ ସିଏଣ୍ଗା ଆଇୱାରି ବିସୟ୍ତୁ ବା ମୋନ୍ସିଦୁ ।
ଏ ନା ତଡ଼ାନ୍କୁ ନି ତାଙ୍ଗିଁକି, ଏନ୍ ଜଦି ଇନାନ୍, ନା ବିସ୍ବାସ୍ ମାନାତ୍, ମାତର୍ ପାଣିଦୁ ଆକା ତର୍ଏନ୍, ଆର୍ତିଙ୍ଗ୍ ୱାନି ମାଟାଦି ଇନି ଲାବ୍ ମାନାତ୍ ? ଇୟାୱାଜା ବିସ୍ବାସ୍ ୱାନିଙ୍ଗ୍ ରକିୟା କିଦେଙ୍ଗ୍ ଆଟ୍ନାତ୍ ନୋ ? ଜଦି ଅରେନ୍ ତଡ଼ାନ୍ ସିଲିତିଙ୍ଗ୍ ତାଙ୍ଗିଁକି ୱାତିଗନ୍ଦା ନି ଉଣିତିନିକା ଉଣାମାନାତ୍, ମାରି ମିର୍ ୱାନି ମେନ୍ଧଲ୍ ଦରକାର୍ ପୁରା କିଏଣ୍ଗା ଜଦି ଇନିଦେର୍, ମାପୁରୁ ମିଙ୍ଗିଁ ଆସିର୍ବାଦ୍ କିପିନ୍; ଉଣୁଜିତିନ୍ଞ୍ଜି ନେଗେନ୍ତାନ୍ ମାନ୍ଡ୍ରୁ, ମି ମାଟା ବେକାର୍ ଆଏତ୍ ନୋ ? ବିସ୍ବାସ୍ ଟିକ୍ ଆୟାୱାଜା : ପାଣି ସିଲେତିଙ୍ଗ୍ କେବଲ୍ ବିସ୍ବାସ୍ ସାତିକା ।
ଜଦି ଅରେନ୍ ଜଗତ୍ଦୁ ମାଜନ୍ ଲୋକୁ ତଡ଼ାନ୍ତି କାକୁର୍ତି ସୁଡ଼ୁଜି ବା ୱାନି ଉଣ୍ତିଙ୍ଗ୍ ଦୟା କିଏନ୍, ୱାନିମାନୁ ମାପୁରୁଦି ଜିବନ୍ନୋନିକା ମାନାତ୍ ଇଜି ଏଣ୍ତେସ୍ ୱେର୍ତେଙ୍ଗ୍ ଆଟ୍ନାନ୍ ?
ଆମାକାନ୍ ସିଲିସାତି ଲୋକାଙ୍ଗ୍ ଦୟା କିନାନ୍, ୱାନ୍ ପ୍ରବୁଙ୍ଗ୍ ୱାଡି ସିନାନ୍; ମାରି, ୱାନ୍ ୱାନି ନେଗି ପାଣିଦି ୱାଡି ଡ଼େସି ସିନାନ୍ ।