38 Gu̱xnu̱úlaꞌ i̱ꞌwíin xa̱bo̱ rí guáꞌdáálaꞌ, kajngó ma̱janálaꞌ ga̱jma̱á mbá awan máján, gatíí, xa̱ꞌ, jamí asndo na̱ga̱dí-tígúu gáꞌne Ana̱ꞌlóꞌ. Numuu rí ga̱jma̱á máꞌ awan rí nu̱xna̱laꞌ, ikhaa máꞌ awan rúꞌkhue̱n ma̱giewan ga̱jma̱á rí ma̱janálaꞌ».

10 A̱ꞌkhue̱n watraxi̱í Juáán nene̱ xa̱bo̱:

—Dí jaꞌyoo mu̱ne̱xo̱ꞌ xúꞌkhue̱n rá.

11 Xómáꞌ Juáán niriꞌñúu̱:

—Tsí gíꞌdoo a̱jma̱ kutíin, gaxnúu̱ ne̱ mbá tsí nda̱a̱ kutíin. Tsí gíꞌdoo rí naꞌkho̱, gaxpíꞌtháa̱ ne̱ mi̱khui̱i̱ ga̱jmáa̱ xa̱bo̱ tsí nda̱a̱ rí me̱kho̱.

33 Gu̱ngu̱jwa̱laꞌ rí guáꞌdáálaꞌ jamí gu̱xnu̱úlaꞌ mbúkha̱a̱ rúꞌkhue̱n tsí ngíníi. Xkuaꞌnii gúne̱-májánlaꞌ mbá ama rí tsíꞌne wayuu ná ma̱ti mbúkha̱ꞌlaꞌ, jamí dríga̱ꞌlaꞌ rí gíꞌdoo guéño numuu ma̱gi̱xi̱i mikhuíí ná rí tsíyámuu ne̱, ná tsíto̱ꞌo̱o̱ ku̱ꞌwá, ni máꞌ ñu̱u̱ ruxi tsíne̱-gámbu̱ún ne̱. 34 Numuu rí ná guáꞌdáálaꞌ dríga̱ꞌlaꞌ rí gíꞌdoo guéño numuu, ikhín máꞌ gáꞌne a̱kia̱nꞌlaꞌ rí ma̱juwalaꞌ mangaa.

12 Ríge̱ꞌ ñajuun rí na̱xna̱-ñájwanlaꞌ: Mbá xúgiáanꞌlaꞌ ga̱galaꞌ ju̱ya̱-mijnálaꞌ, xómá rí nandoꞌ ja̱ya̱ꞌlaꞌ ikhúúnꞌ.

13 Ndawa̱a̱ i̱mba̱a̱ꞌ tsí phú i̱tha̱án nandoo jaꞌñúú xa̱bo̱ xó rí xa̱bo̱ tsí naxnáxe̱-mina̱ꞌ rí ma̱ja̱ñúu ga̱jma̱á numúú iyanga̱jwe̱e.

35 Jámba̱ miꞌtsú ni̱sngálaꞌ rí xkuaꞌnii jaꞌyoo mu̱ñajunlóꞌ kajngó ma̱goo mu̱mbáñúúlóꞌ tsí ndaꞌñúú, jamí ma̱rmáꞌáan a̱kia̱nꞌlóꞌ ajngáa rí niꞌthán Táta̱ Jesús: "I̱tha̱án máꞌ gagi xtáa tsí naxná xó rí tsí na̱grui̱gú"».

36 Ído̱ wámbo̱o̱ Páblo̱ niꞌthán ajngáa rúꞌkhue̱n, a̱ꞌkhue̱n nismáti̱go̱o̱ jamí niꞌthán-jáñuu̱ Ana̱ꞌlóꞌ gajmíi̱ mbá xúgíin xa̱bo̱ buanuu tsúꞌkhue̱n. 37 A̱ꞌkhue̱n mbá xúgíi̱n phú nu̱mbi̱ye̱e̱ꞌ, xúꞌkhue̱n máꞌ nduya̱raꞌaa̱ Páblo̱, jamí nu̱raꞌníi̱ inuu. 38 Jamí phú nadaa a̱kuíi̱n ga̱jma̱á numuu ajngáa rí niꞌthán Páblo̱, rí ni miꞌtsú náxúyáa̱. A̱ꞌkhue̱n nigóo̱ ga̱jma̱á nindxu̱u̱ asndo ná nijngúu̱n awúun guꞌwá-rguwa.

13 Gu̱mbáñúúlaꞌ xa̱bi̱i Ana̱ꞌlóꞌ ga̱jma̱á rí ndaꞌñúú. Ga̱juwa-na̱ma̱ñalaꞌ rí mu̱drígúun ná guꞌwálaꞌ xa̱bo̱ tsí naguwá i̱mba̱ janíí.

1 Ikhaa jngó, ikháánꞌlóꞌ tsáanꞌ wéje̱-gúkúu a̱kia̱nꞌlóꞌ ná inuu Ana̱ꞌlóꞌ, jaꞌyalóꞌ rí mu̱mbáñúúlóꞌ tsí wabiin, ra̱ꞌkhá máꞌ i̱ndo̱ó mu̱ꞌne̱lóꞌ rí na̱ni̱gua̱ꞌlóꞌ ikháánꞌlóꞌ.

2 Gu̱mbáyú-mijnálaꞌ ído̱ rí guáꞌdáálaꞌ gaꞌkho̱ rí phú gakhe̱, numuu rí xkuaꞌnii mu̱ne̱-mbáníílaꞌ rí niꞌsngáá Krísto̱.

28 Tsí ninindxu̱u̱ ku̱ꞌwá, náxáꞌne-kúwe̱e̱ꞌ rá, rí gañajwii̱n ga̱jma̱á ñawúu̱n kajngó ma̱gi̱ꞌdoo̱ rí maxnúu̱ tsí ndaꞌñúú.

4 Mu̱xúꞌyálaꞌ i̱ndo̱ó máꞌ rí ndaꞌyálaꞌ ikháanꞌlaꞌ, rí ga̱xná-gamiéjwanlaꞌ rí ndaꞌñúú i̱ꞌwíin mangaa.

14 A̱ngui̱nꞌ, xí mbáa naꞌthán: «Ikhúúnꞌ wéje̱ a̱kui̱nꞌ ná inuu Ana̱ꞌlóꞌ», jamí nda̱a̱ nitháan rí máján iꞌnii̱, nda̱a̱ mbá jayu rí gámbáyúu̱ rúꞌkhue̱n. Rí xkuaꞌnii wéje̱ a̱kuii̱n ná inuu Ana̱ꞌlóꞌ, ma̱xáꞌngo̱o̱ rúꞌkhue̱n ma̱ꞌne-jríya̱a̱ꞌ. 15 Ga̱ju̱ma̱ꞌlaꞌ rí mbáa dxájwalóꞌ, xa̱biya̱ o a̱ꞌgo̱, nda̱a̱ xtíñuu̱ jamí nda̱a̱ rí mi̱khui̱i̱, 16 jamí mbáa tsí ikháanꞌlaꞌ naꞌthúu̱n: «Ana̱ꞌlóꞌ gáꞌne-tsakun-rámááꞌ ná mi̱dxu̱uꞌ. Athúwaanꞌ xtíñaaꞌ rí mika jamí atseꞌtso ma̱gi̱ꞌmaaꞌ». Nda̱a̱ rí gámbáyúu̱ ajngáa rúꞌkhue̱n, xí tsíxnúu̱ rí ndaꞌyóo̱. 17 Xkuaꞌnii máꞌ mangaa xa̱bo̱ tsí i̱ndo̱ó máꞌ naꞌthán rí wéje̱ a̱kui̱in ná inuu Ana̱ꞌlóꞌ, jamí tsíꞌnii̱ nimbá rí máján, nda̱a̱ mbá jayu numuu naꞌthée̱n rí wéje̱ a̱kuii̱n ná inuu Ana̱ꞌlóꞌ.

17 Xí mbáa xa̱bo̱ gíꞌdoo rí ma̱xtáa-muu ndaꞌyoo rí dxájuu na̱nguá gíꞌdoo rí ma̱xtáa-muu, jamí na̱nguá imbáyúu̱, á nandoo xa̱bo̱ tsúꞌkhue̱n jaꞌyoo dxájuu xómá nandoo Ana̱ꞌlóꞌ jaꞌñúú xa̱bo̱ rá.