Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Kʉshangwa monyafwa nzala momwanyɨha kalyo, monyafwa nyotha momwanyɨha metsi w’ɨshoma, nyabyaga mugeni momwanyikokya. Nyabyaga ndumbu momwanyambikya, nyabyaga mukoni momwaya nyilungula, nyabyaga mo muliki momwitsa nyɨlolako." Aho abathʉnganene bandamʉshʉbɨtsya bathɨ: "Nyinya-kowethʉ, kɨro ki kyo thwakʉshʉngaga uwirire mothwakʉha kalyo, kʉtse ufwire nyotha mothwakʉha metsi w’ɨshoma? Kɨro ki kyo thwakʉshʉngagamo mugeni na mothwakukokya, ndumbu na mothwakwambikya? Kɨro ki kyo thwakʉshʉngaga ʉlɨ mukoni kʉtse uminirwe mothwayakulungula?" Omwamɨ andashʉbɨtsyabo athɨ: "Kwenene enyɨbabwɨra, obʉlɨ kɨndʉ mwakoleraga mʉgʉma w’oko bagala bethʉ balere kʉtsɨbʉ aba, n’ingye mwakoleragakyo."»
Mʉndʉ amakʉshaba nɨwamʉha, na mʉndʉ amashondya ɨyɨbweka kw’ɨwe uthamukangaya omʉgongo.»
Na kuthyo ekyakakala kyenyu kɨkoletsye embere s’abandʉ, kʉbʉshɨ mw’ɨshʉnga ebɨbʉya omʉkola abandʉ basingye Thatha wenyu yo ʉlɨ mo lʉbʉla.
Mʉgende omʉhana nemwe mwandahabwa. N’ebyo mwandahabwa byandabya nibilengire kʉbʉya, nibishokire, nibithenganibwe, kandɨ nibyotswire kʉbʉya mo bɨthonga byenyu. Nga k’omʉnalengera abandɨ, nemwe kuthyo ko Gongo andabalengera.»
Honyuma kw’aho omuhindano oyo mwabʉtsya Yoani athɨ: «Thʉyɨre thʉthɨ?» Yoani mwashʉbɨtsyabo athɨ: «Omʉndʉ oyo uwithe kʉ ngɨmba ibiri ahe yo uthawithe yo lʉgʉma. Na yo uwithe kʉ kalyo naye akole athyo.»
Yesʉ mwashʉba negena athɨ: «Mʉgʉtsye ebɨndʉ byenyu, n’esofaranga sathoka kʉbyo mʉhetho abatsene. Mʉyɨkometsye mbɨko sɨtɨndakʉle. Nɨ omo lʉbʉla mo mʉgende omʉbɨka obushoki bʉthɨndahwe. Nɨ aho, ɨho, ho omwɨtsɨ athangahika n’enʉndʉ ithangabihya. Kʉshangwa aho halɨ obushoki bwenyu, ho hanabya n’emɨthɨma enyu.»
Erithegeko lyo nyɨbaha lye lɨno: mʉtsɨɨrane bagʉma kʉ bandɨ nga ko nyabatsɨɨraga.
Hathalɨ mʉndʉ yo uwithe lwanzo lʉnene kʉlenga yo ʉhana obʉyɨngo bʉwe bʉshana n’abira bʉwe.
Mo byoshi ebyo, nyagendaga enyibakangya ko lɨtholere nɨthwagenda othʉkola kʉtsɨbʉ bʉshana thʉbone ekyangawathikya abathayikotsitsye. Mʉgende omwɨbʉka ko Nyinya-kowethʉ Yesʉ mwanegena athɨ: "Yo ʉhana yo ʉnagashanɨrwa kʉlenga yo ʉhabwa."»
Polo abere amamala ɨnegena ebɨnwa ebyo, mwafʉkama hagʉma n’aboshi na mwashaba Gongo. Abandʉ boshi mobathanga ɨyɨgʉsha mo minwe yɨwe, n’ɨmʉfʉmbatha nɨabalɨra kʉtsɨbʉ. Babyaga n’obuliye kʉshangwa Polo mwabwɨrabo athɨ bathɨndashʉbe mʉloleko. Honyuma kw’aho mobamʉherekeretsya ihika ahalɨ obwatho.