Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
माखे मताद प्रभुए रिया तरफा ते मिलोई,
जो सर्ग ओर तरतिया खे बनाणे वाल़ा ए।
परमेशर म्हारा शरण लणे री जगा ओर तागत ए,
हमेशा मुसीबता रे बखते मताद करने खे त्यार रओआ।
पर परमेशर मेरी मताद करने वाल़ा ए;
यहोवा मेरी रक्षा करने वाल़ा ए।
तार्मिक माणूंए खे यहोवा आपू बचाओआ,
मुसीबता रे बखते से तिना रा मजबूत गढ़ ए।
प्रभु तिना माणूंआ री मताद करी की तिना खे बचाओआ;
से तिना खे दुष्टा ते छुड़ाई की तिना री रक्षा करोआ,
कऊँकि सेयो तेसरी शरणा रे आई रे।
ओ प्रभु, ओ मेरे उद्धारकर्ता,
मेरी मताद करने खे फुर्ती कर!
ओ म्हारे उद्धारकर्ता परमेशर, आपणे नाओं री महिमा रिया तँईं म्हारी मताद कर;
ओर आपणे नाओं रे मुताबिक आसा खे छुड़ाई की म्हारे पाप टखी दे।
प्रभु तन्य ए,
कऊँकि तिने मेरी बिनती सुणी।
प्रभु मेरी तागत ए ओर ढाला जेड़ा मेरी रक्षा करोआ;
तेस पाँदे परोसा राखणे ते मेरे मनो खे मताद मिली री,
इजी री खातर मेरा मन खुश ए
ओर मां गाणा गायी की तेसरा तन्यवाद करना।
जे प्रभुए मेरी मताद नि कित्ती ऊँदी,
तो थोड़ी जिया देरा बीचे आऊँ मरी जांदा।
कऊँकि आऊँ तेरा परमेशर यहोवा ए, मां तेरा दाँणा आथ पकड़ी की बोलणा, "डर नि, मां तेरी मताद करनी।"
तैं माखे आपणे उद्धारो री ढाल देई राखी
ओर तेरी नरमाई माखे बढ़ाओई।
ओ सब मईणत करने वाल़ेयो! और बोजे की दबे रे लोको, मांगे आओ, मां तुसा खे राम देणा।
आऊँ पिते ते प्रार्थना करूँगा और तेस तुसा खे एक ओर मददगार पेजणा, ताकि से तुसा साथे सदा रओ।
ईंयां ई पवित्र आत्मा बी आसा री मताद करोआ जेबे परमेशरो पाँदे आसा रा विश्वास कमजोर ओआ। कऊँकि आसे नि जाणदे कि प्रार्थना किंयाँ करनी चाईयो। पर पवित्र आत्मा आपू ई एड़िया आहें परी-परी की, जो बखाण नि करी सकदे, आसा खे बिनती करोआ। परमेशर जो आसा रे मनो खे परखणे वाल़ा ए, ये जाणोआ कि पवित्र आत्मा रा मकसद क्या ए। कऊँकि से पवित्र लोका खे परमेशरो री इच्छा रे मुताबिक बिनती करोआ।
तैं आपणियां समजा रा साअरा नि लणा,
बल्कि पूरे मनो ते यहोवे पाँदे परोसा राखणा।
तुसे जो कुछ बी करोए तिदे यहोवे खे याद राखो,
ओर तेस तुसा खे सई बाट दखाणी।
आपणी सारी चिन्ता तेस पाँदे ई सेटी देओ, कऊँकि से तुसा रा त्यान राखोआ।