Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Anee gargaaraaki iimmtanna butta dadeeke
Duuchchi Woddike Goottani.
Mageni no’oke dalla’anna no’oxxe hunnan;
rakko no’o’ni geltaxxee duuchcha’n no’oke shiqike gargarsanjon.
Dugaaten, Mageni anke gargaarsanjon;
Dada Duuchchik Goottinna anee kiphaaken.
Qulliyyetee anjirensha Duuchchi Woddik Gootti darre’nten;
rakkoti woddanna golli insa’neek isoten.
Duuchchi Woddik Gootti insa’nee gargaraan; insa’nee wodaan;
fuggaaleeyyetixxe anganaa’ninna insa’nee mucuqe fulchaan; insa’ne isoo gollake asse’neemmaxxee’e insa’nee’e anjiraan.
Ee, Dada Duuchchike Gootta, anke anjiraloo!
Rakke’e anee gargaari.
No’oo anjrtattoke Ee, Magenoo! Ulfinna atike summikee hite no’o gargaar;
atike summi’a hitee no’o anjir;
cubbo no’oxxeenna araarem.
Soodachcho anxa laqeemmaxxee
Duuchchi Woddiki Gootti saademowwaal.
Duuchchi Woddiki Gootti hunna anxenna anxe wonten;
anee gargaare gammachchiisemmaxxee isoo addataannen;
faarotinna isoo galateeffataannen.
Duuchchi Woddik Gootti anee gargaara gopheele
iikki woddi silaan reyemmak manni hedhemmaba me’eennan.
‹Meecco’o sodaattoxxe, alaaltoxxe,
middixxa atixxa anga abide atee gargaarannon›
Hiyya’n atee jajjabeessaneeki,
ani Duuchchi Woddike Gootta Mageno atiken.
Anjirtaaxxa atixxa wonte ani’a uutette;
anee kiphphee lummissette.
«Ha’no ba’oo ha’urteek duuchchi anibaa amme! Ani ha’noo hafuura adhdhisannon.
Ani Aabii kadhatannoni: Isinna ha’nonni welti duuchchi wadda hedhaaka wele dayyeessallo ha’no’a uwwaan:
Iittanni Hafuur ifi gonphe no’oxxe’n no’o’o gargaraan; no’o hitta soodata haasissaqico ege’nagonbe’no; Hafuur kinni tennete hiyyeme haaso’emabaake ornni no’oxxa bado aadinoti no’o’a sodataan. Qalbe no’oxxa qorqooraak Magen Hafuurnka yaada ege’nedhen; tinninna kaddaachchi Woyyichchi Hafuur Manjixxe fedhisha woyyolete insa’nexxa bado insa’ne’a soodatamaxxeten.
Mitte godobinni Duuchchi Woddika Gootta addati,
ifixxe ege’na’ninna mee irkati.
Assitattoxxe duuchchinni isoo ege’ni,
isinna ati’a ora atika toggi assaan.
Isi ha’no’aa hedaammaxxee ha’noo wixxixxi assitaaxxa iso’ni hunne.