Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Ngauraume de keku
Nnui siu luda rang kegai aide, ‘Nang n kidabe de hunglu nah n ngauraume de ngkaulu.’ Dede Ih nnui dage ranggai la, nnui ngauraume de hunglu nah nnuide tei keherei kelame ziemne kielu,
A aja au aide da, nnui hangge ge de ku lulo kecu Ih nnuide keku nzwa.
Kereku lu, tingba de nna bamdi delu
Mipau magede pung so, ketket de kereku kecu pau de gwale. Kedanemene pe kidabe de hung kelabe de hezaibe teicang luda.
Peu anui hangge ge kecude pe kidabe ziuyi ziemne pe suiyi teilu, pecu teingkieng beulu kerane.
Nah nnui tei kecu pelane de peu keku gade teilu.
Nah peu Rampaube de nnui hangge gede nah mileune de kereku kecude teingkiee nah kepui tei kelube tei lulo, anui keku nnui ziemne kepui tei kebam nzwa.
Kecungkegai sam kekambe
Peu caihereiswacing kereku bam jüja lu. Mide hegia kecude nsungta diso, kedanemene aide gade, midungge cimene tinggimgwame de hegialu dilu. Hebaangme de nsunglu, nnui penuide ngngwa kebam nzwa cet eh. Mine teikeherei kelame de nsunglu, nnui penuide nzangbam kecu nzwa cet eh.
Ciciu liede, kesanglaisiu ga raupwa kela nzwa nnui hezai kedi de, "Nang nkatei ncu keku nzwa n kidabe de kuzie," de kecu de teicang lucai, nnui teihemi da.
Bamkeraide nnui kereku recakdi mene kereku lu, kedanemene keku kemau kekiee gumlu lalu.
Ciziemne, Tinggwang ne kedetkelume ge, mci nah pekume tei eh, mide ngau kenggia, keku, mizai kehenah, kenciep nah helungketie teu bah lulo. Hangge ge dade nnui lungtie lu nah ngaugia pwa hangge ge dage peulu, magade mige mikeda ge de ncam lacai; Rampaube nnui mau gi kebeu nzwa, nnuide mi mau gi beu maisia. Dede ma aidungde pelane reu, keku de teu bahlu, cide ma pelane kang ncüt kelube da. Nah peu Khrista lungciepbe de nnui lung teu kelabe teilo, cipau lungciep de gage nnuide de qupwa pum ge teilu delu. Nah twa eh lalu.
Kereku lu
Nnui raitu gade siukelu samlia de au aide; anui hangge gede kereku lu maisia.
Keheibede pe sinabe de ngaurau kelame au dapketsetme, nah dapketsetme au kelungta kering peda bam la kemak nnui cibam. Aide gade anui keku ci lula: Khrista anui ziemne pe teilung kaibeu. Nah anuide sinamedung ziemne anui teilung kaibeu maisia.
Aide gade anui keku ci lula: Khrista anui ziemne pe teilung kaibeu. Nah anuide sinamedung ziemne anui teilung kaibeu maisia.
Tinggwang keku nah anui keku
Akumedung, hangge gede kereku lugo, kedanemene keku au Tinggwang dade gwanglu, nah keheibe de mide ku kelabe au Tinggwang dade lungh gwang nah Tinggwang de cila. Keheibe de mide kula kemakbe au Tinggwang de ci ma, kedanemene Tinggwang au keku lu.