Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Nyɛ nuɔ nɛ a deɔ ke, ‘Moo suɔ o huɛmɛ nɛ o nyɛ o he nyɛli.’ Se i ngɛ nyɛ dee ke, Nyɛɛ suɔ nyɛ he nyɛli nɛ nyɛɛ sɔle ha nihi nɛ peeɔ nyɛ yayami ɔ.
I ngɛ nyɛ kita woe kaa nyɛɛ suɔ nyɛ he kaa bɔ nɛ i suɔ nyɛ ɔ.
Nyɛɛ wo nyɛ he hiɔhi tsuo, nɛ nyɛ ko hɛɛ nɔ ko hiɔ. Nɛ nyɛ kpɛti suɔmi ɔ se nɛ ko po. Ejakaa nɔ nɛ suɔ e nyɛmi ɔ, e yeɔ Mawu mlaa amɛ tsuo a nɔ.
Wa ti nɔ tsuaa nɔ nɛ di e nyɛmi kpakpa peemi se, konɛ e ye ke bua lɛ nɛ e pi si ngɛ hemi kɛ yemi ɔ mi ngɛ Nutsɔ ɔ mi.
Nɛ nyɛɛ pee nɔ́ tsuaa nɔ ngɛ mi mi jɔmi kɛ suɔmi mi.
Nutsɔ ɔ nɛ ha nɛ nyɛ hyi tɔ kɛ suɔmi kɛ be nɔ, nɛ nyɛɛ suɔ nyɛ he kɛ nɔ tsuaa nɔ kaa bɔ nɛ wɔ hu wa suɔ nyɛ ɔ.
Nyɛ ha nɛ anɔkua nyɛmi suɔmi nɛ hi nyɛ kpɛti. Nyɛ ko kpa nihi nubwɔ peemi; ejakaa kɛ gu enɛ ɔ peemi nɔ ɔ, nihi pee bɔfohi nubwɔ nɛ a li. Nyɛ kai nihi nɛ a wo mɛ tsu ɔ, nɛ nyɛɛ pee nyɛ he kaa nɔ́ nɛ nyɛɛ kɛ mɛ tsuo nɛ ngɛ nɔ́ nae ɔ nɛ. Nyɛ kai nihi nɛ a ngɛ mɛ yi kpɛti wae ɔmɛ, ejakaa nyɛ le nɔ́ nɛ a ngɛ nae ɔ.
Ke nyɛ ye wa Nutsɔ ɔ mlaa nɛ e wo ngɛ Ngmami ɔ mi nɔ, nɛ deɔ ke, "Moo suɔ o nyɛmi nɛ o ye kɛ bua lɛ kaa bɔ nɛ o suɔ mo nitsɛ o he nɛ o hyɛɔ o he nɔ" ɔ, lɛɛ nyɛ pee saminya.
Titli ɔ, nyɛɛ suɔ nyɛ he saminya, ejakaa suɔmi haa yayamihi fuu a nɔ.
Akɛnɛ Mawu hla nyɛ, nɛ e pee nyɛ nimli hehi ngɛ suɔmi agbo nɛ e ngɛ kɛ ha nyɛ he je ɔ, nyɛ na mi mi jɔmi, mɔbɔ nami, he si bami, kpoo peemi kɛ tsui si tomi kɛ ha ni kpahi hu. E he hia we kaa nyɛ je nyɛ he si nɛ a na nyɛ, se nyɛɛ na nɔ́ ngɛ a he ngɛ kpoo peemi kɛ tsui si tomi mi. Ke sane ko ba nyɛ kpɛti ɔ, nyɛ na tsui ha nyɛ si bi nɛ nyɛ kɛ pa nyɛ he. Kaa bɔ nɛ Nutsɔ ɔ kɛ pa nyɛ ɔ, ja a nɔuu nyɛ hu nyɛɛ ngɔ kɛ pa nyɛ si bi.
Se titli ɔ, nyɛ ha nɛ suɔmi nɛ fiɔ asafo mluku ɔ kulaa kɛ peeɔ kake ɔ nɛ kpaka nyɛ. Nyɛ ha Kristo he jɔmi ɔ nɛ hi nyɛ tsui mi, ejakaa enɛ ɔ he nɛ a tsɛ nyɛ kɛ ba ngɛ kaa e Nɔmlɔ tso ɔ he níhi, nɛ nyɛɛ le si nami daa kɛ daa.
ejakaa munyu nɛ a kɛ ha wɔ kɛ je sisije ji kaa waa suɔ wa si bi.
Nɔ tsuaa nɔ nɛ sume e nyɛmi ɔ, nɔ gbelɔ ji lɛ, nɛ nyɛ le kaa nɔ gbelɔ ko be neneene wami ngɛ e mi. Kɛ gu Kristo e gbenɔ nɛ e gbo kɛ ha wɔ ɔ mi ɔ, wa le nɔ́ nɛ ji suɔmi pɔtɛɛ. Lɔ ɔ he je ɔ, e sa kaa wɔ hu wa gbo ngɛ wa nyɛmimɛ Kristo se nyɛɛli a he.
Kɛ gu Kristo e gbenɔ nɛ e gbo kɛ ha wɔ ɔ mi ɔ, wa le nɔ́ nɛ ji suɔmi pɔtɛɛ. Lɔ ɔ he je ɔ, e sa kaa wɔ hu wa gbo ngɛ wa nyɛmimɛ Kristo se nyɛɛli a he.
Anyɛmimɛ, nyɛ ha nɛ waa suɔ wa he, ejakaa suɔmi je Mawu ngɔ, nɛ nihi nɛ suɔmi ngɛ a mi nɛ a mi mi jɔ ɔ, e tsɔɔ kaa a ji Mawu bimɛ nɛ a le Mawu. Se ke nɔ ko be suɔmi nɛ e mi mi jɔɛ ɔ, e tsɔɔ kaa e li Mawu, ejakaa Mawu ɔ suɔmi i.