34 Oontꞌa bareek gayiit wasi aniiw hookna: taktak areeyaana. Ani bareekna areeyaneet toonaatiit, aflaay baraakna han ibakii taktak areeyaana. 35 Baraak taktak areeteeneek, aflaay uudehay kassaah anii kwiriyaatay tikatiineet toona iikan iyadna." idi.

12 Taan bataah aniit tiwasi ikatiin: Ani areeyani hookna, baraak han taktak areeyaana.

13 Tak yꞌaraweeyooh jillaay umidhhanooh iniiwihoob, oonaayka winka reer kiihaay.

11 Toon tudiigwat baraak tibadootee timaasiwna: taktak areenayeet toonaati.

14 Hinin isanaayeen areenayeet toonaati sabbii, tuyatii umidhhan ookiik hasamnaneet toona nikteen. Baaꞌareeyayka tuyati akriri whii daayiini.

16 Bak aree uureer naan ikatiyeeb nikteen: Yasuuꞌa Umasiih hini jillaay umidhhanooh nuuniya. Hinin han isanaayeen jillaay umidhhanoon niyaweet toonaati. 17 Gaal han miraay ibariyeek, aree malya oosan shanhayt barii rheetiit nꞌakwmanaatiib dehaay biidꞌiyeek, Ukwaasanaay uureer kak bariiyooh daayiini? 18 Yꞌaraanay, hinin bhaliyee tari miidalaabii binꞌareenay laakiin ishagaamtiiwwa usidkiiwwa areenayeet toonaati.

7 Yꞌarawaanay, aflaay taktak areenayeet toonaatu, uureer Ukwaasanaay yꞌiini. Areeyiiniibka Ukwaasanaay faraay ikati, aree Ukwaasana ikteen.

10 Uun baruuh ooreer ikati: Ukwaasana areenaayi sabbii kiiki, laakiin baruuh areeya hoon akay tumaagtuun afoomtinyi jillaay Wꞌoorooh diigwatiya. 11 Yaa yꞌarawaan, Ukwaasana winneet areeya hoon akay, hinin han taktak areenayeet toonaati. 12 Gaal han Ukwaasana rhaab kiiki, laakiin hinin taktak areenayeek, Ukwaasana hoon kwanri aree ureerooh hoon timmiisiini.

20 Hinin Ukwaasana areenay niyadeek, laakiin isanaayeenwa tikwaateenwa neerbeek, gwisreeb nikati. Isanaayeehwa tikwaateehwa ibaruuh rhaab ikatiyeeb biiꞌareeyayeek, Ukwaasana ubaruuh rhaab biikaayeeb, kaꞌareeya. 21 Toon tuwasi Umasiih yhii hoon: Ukwaasana areeyiiniibka isanaayeehwa tikwaateehwa han ibakii areeyiini.

10 Isanaayeet taktak areeyaana. Oodehay eeraw igarooyeekna mhakwal hamooysaana.

8 Udeenook diimaab kwisiya. Taktakeeb ooreeri deen oobhaat soorarimna. Oodehay eeraw areeyiiniibka Ukwaasana sinaakraab ikati.

8 Aakhar, kassaakna taktaki geeb hiddaab kwiriina. Shiboobna, isanaayeet areesamaana, nꞌakwmanaayaana aree baatatageegaana.

8 Kastooh toonaati mhakwal, ibakii winneet taktak areeyaana, uureer gwidaat maagnaay giigsiini akay, ibakii taktak areeyaana.

9 Baraakna taktak areeteeneet toonaatiib dehookna nikatibeet toona shanhatiyaat dehaay kinbari. Ukwaasana taktak areeteeneet toona allamiya hookna.

1 Sanaayeetwa kwaateetwa taktakeeb wꞌareeti soorarimna. 2 Igirbaani wꞌamnaasti baabaadhiinna, een iweer gwadi kanaab baakay imalak amnaasiyaan. 3 Abiiyaakna beentooy tiifiit toonaatiit, whabsiib eefeen baliib shꞌaana. Tilhanay ugarooyookna ooknaay haay hissiyaab toonaatiit, yꞌamag atweeriyaab baliib han shꞌaana.

14 Uureer naatiika daayiikaabu, aree baruuh naatka daayiib hiddaab hankwiir.

37 Yasuuꞌa bariiyooh dehaay, "Wꞌankwana Ukwaasanaayook kassooh uginꞌiisook, kasseeh infiseesook, kassooh ugirmaayiisook, areeyaa! 38 Tuun batuuh tiwasi tehankaaneetu aree toowinkaat tikati. 39 Tumalya batooh tꞌiiteetu; ushawwook ugarooyiitook areeyaa.

8 Awooh sidiku, tehadꞌaayeeti hag eektabeeb eefeeb teetriimneet tuuna daayiitu. Aaktab "Ushawawook ugarooyiitook areeyaa." iyadna.