Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
«Ani ha’no’n haarooka ajaja uwwaannen; kunninna ha’no weli’aanni weli eetino’aate; yoona ani ha’noo eeyyennashshann ha’noonna weli weli eeyye. Ha’no welinn weli eetineexxe kaddoole hordofeeyye anxe kaddineexxa manni duuchchi tenne’ni ege’naan.»
Ajaji ankinna, Ani ha’noo eeyyanneshshani ha’noonna weli’anni weli eetinaashshaten.
Manji hedho ifixxa jaaluwwa ifikee sa’isseexxi uwwatenaa’n saxxaaxxi eeyya hexxebaan.
Siretinaa’n laqqineexxi weli’anni weli eeno hita’neexxi erga tenneten.
Dayyuwwa no’oka eenannaxxee reyotinaa’n hedhotibaa fonfennexxa egennennen; jaalala afebaak duuchchi reyo giddo hedheen.
Yessuusi Kiristoosi hedho ifixxa no’o’a sa’isseexxi uwweemmaxxee jaalala maachcho kaddeexxa tenne’ni egennannon; no’onna hedho no’oxxa dayyuwwa no’okee sa’issine uwwa hasissaan. Ayyinna karra afeenni hedheexxi dayyi rakkataa wodda afeexxi marara gophoole Mageniinxi jaalala hittata isi giddo hexxaa? Tee oose, hujetinna dhugaatite malee’e haaso’ikinna afo’i callinni weli eenonnoqqe’e.
Anke jaaluwwa jaalala Mageniiba’nite kaddeemmaxxee’e weli’aanni weli eeno; eeyyaak duuuchchi Magenokenaa’ni ilemeeken; isi Magenokanna ege’naan.
Jaalalate hiyyoo; no’o Mageno eenennexxeete kaddebaangi isi no’oo eeyyeexxi no’oxxe cubboxxe bira’a Balto ifika no’aa ergatiten.
Anke jaaluwwa Mageni no’o iitta eeyyeexxinni no’onna weli’aanni weli eeyya hasissaan. Magenoo uudeek hara ayyinna hedhebaan; weli’aanni weli eenonnole kinni Mageni no’onni hedhaan; jaalala isixxinna no’o’ni wo’mate kaddaan.
Ayyinna Mageno eeyyaanneni hiyya’ni dayyo ifika giba’noole isi dharichchaken. Uuda’neeka ifika dayyo eeyya’nebaak uudabaaka Mageno eeyya dande’abaan. Tennexxee Kiristoosi no’aa uwweeki ajaji Magno eeyyaak dayyo ifikanna eeyyowwaal hiyyaaken.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Dayyuwwinsha wel wel jabeesitine eeyye; mitte wele umo ifikenaa’n sa’isat wel wel ulfeesse.
Weli’aan weli eeyyat gadhidarre ayyik liqinna ha’no’n hedhoqe’e; wele manjo eeyaak isi seera muuxeekenn.
Udumitaaxxe’n ha’no duuchchiing, mitte yaadinni hedhdhe; mitti mittiinxa rakko ifixxishsha asseexxi uudowwaal; dayyummatixxe jaalalanni weli eeyye; ba’lakenna o’waloke kadde.
Jaalala heddo cubbo buqqammaxxee duuchchiinxi iimi darre weli’anni weli eeyye.
Dayyoomiinxee jaalalaxxe ayyinna ha’no’a borreessa hassissabaan; tinninna ha’noo umo ha’nogininni weli’aanni weli eeyya Magenokenaa’n baratine’een.
Weli’aani weli dayyuwwiinsha weli eeyye. Keessumma adhdha deetinoqqee; mitti mitti tenne assaa wodda egennebaang erganna keesunse’een. Usuremeeka manna insa’nenni welti usurendineeshsha hexxine insa’ne hedde; iittanni manjiinxe anga’n rakko adhdheekaara ha’no rakko ifi’a adhdhitina’neesha kaddine’e insa’nee hedde.
Tenne duuchchi iimi darre duuchchiinxe yaane’a wo’ma mittumma iyyedaggaxxa jaalala oddo’we!
Yessuusinna hiyyeexxi iso’n hiise haaso’ee qici, « ‹Gootta atika Mageno wo’ma qalbenni, wo’ma lubbonninna wo’ma heduminni eeyi› Taakakinna duuchchingenaa’n sa’aak ajaji konneten. Iikki langakinna konnende labaaken; kunninna, ‹Wele manna ifike umishsha eeyi› hiyyaaken.
Woyyichcha maxaafa’ni, «Jaalo ifika umo ifikishsha assite’e eeyyi!» hiyyemme borreessemmeeka ulfichcha seera muuxxinoole eloxxe assate’ni hexxineen.