Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
"Ɓəgbetu woiwoyi nu n mi ga fye: Fye ye n ajei. Ntulonu ɓəshishi nu fya ye n ajei, ngye shi mi kwu ye n fyei nyi, N dəyei nu n zahozahoyi ɓa kpe nge fye zhni əmi amwutuyi nu, n fya yé n ajei."
Əmi ɓəgbetu nu nyi: Fye wu aje yeye ngye shi mi kwu yeye wu fye nyi.
Əzaho to n yeye yaakwo ədoi lo n du dəye m: əza waa əwo wyewyeyi yashi ntu əwo anugwnudo ɓo m.
Dəye nu zhni ɓədatnu n fye ɓə wo n kpmisnui: Nge yi wu aje yeye.
Yi kwu kpe nu nge yi la kwnu n əfyi lo wyewyeyi, ntuge yi ye lo n ajei. Zahozahoyi n wo ta wu yeye lo m, wo ye dnalo n əfyi.
Zokwo nu nyi n yi kpe ənya əye n kwo gyi yeye: Yeisu Kirisiti ɓə la əwo wyewyeyi ga ntu əyi ɓo. Njesnu yi gwo ya kwu əyi awyewyeyi ga ntu əyi azaje ɓo n əyi amapwii. Ngye n əzaho n anyaɓwai ya zhi lo wa gye əwodo kwo mapwi n dna n anyisnagyi, ama to wa wna wo snusnu m, Shekwoyi yeye dnalo n əza yi n wunanu a? Anugwnudo ayeyeyi, yi to wu yeye n aɓədagbmai nu kwo aɓəda dai m, ama fyi n əyi aɓəzhni njesnu dna n gaiciyanunui.
Anugwnudo ayeyeyi, fye fa ya wu aje yeye, ntuge yeye gbmi n Shekwoyi nu. Zahozahoyi n wo wu yeye, a la wo shna ma nu dna n Shekwoyi, jesnu wo kpe Shekwoyi əye lo.
Dəye nu zhni yeyewu: toge yi ɓə ye Shekwoyi nu m, ama nge əwo nu ɓə ye yi jesnu wa tnu n əwo Nugwnui n zhni tagba nyagbmi ntu əyi aleifyi zo ɓo. Anugwnudo ayeyeyi, shikwonyi Shekwoyi wo kwu yeye wu yi nsnu nlai nyi, yi ɓə gwo ya wu aje yeye ce. Əza to lo n wo shni Shekwoyi əwyegye m; ama n ya wu aje yeye Shekwoyi dnalo nu n yi jesnu əwo yeye kwo kwu nu fyi n əyi.
Zahozahoyi n wa gna nge wo ye Shekwoyi lo, ama woi gwodu woi wnunu n əwo əzadoi kwo mapwi, wo zhni katayi nu. Ntuge zahozahoyi n wo to wu əwodo kwo mapwi yeye m, aza n wo gye ɓa əwye lo nyi m, wo taa wu Shekwoyi yeye; əwo n wo ta gyewye lo nyi m. Njesnu wo la ɓəgbetu ye ga yi: Əzahozahoyi n wo ɓa wu Shekwoyi yeye, ɓəshishinu wa wu əwodo n əwo mapwi yeye.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Fye kwu əfyehni ga fyi ń aje akwnu dna ń yeye. Əza wo ga əwo ədo mwamwa n du əwohni.
Fye to kwu zhi n atai shi m, akpəge yeyewu əta, ədo n taa zo kwo gba nyi m, ntuge zahozahoyi ń wo wu azaje yeye wo kwu owa nu.
N kpmasnu, əfye vnyanya, fye kwu zhi n bwugbai gbmanyi, fye kwu zhni asnusnugyeyi. Fye ye n ajei, fye ɓwa bwugba n ajei, njesnu na atukwoi gbàgbài.
Əɓo n kwo dulo vnyanya, fye wu aje yeye n loloi, ntuge yeye kwu aleifyi bəgyé pwuanya.
Nsaiye ntu n əfye yeye ɓo ga aje, kwo to gwo ya shna nyaho ka ga fye m, ntuge əfye n əfyehni, Shekwoyi wo kwu wu fye nge fye ye n ajei.
Azanugbai n anyikwozai, fye gwodu fyei wu aje yeye. Fye to zamwi, n azhiɓeyishii m, ntuge ɓəzhni ye pya nu zhni aza ɓa shi amaləka to ɓai kpe m. Fye gwodu fyei pa aza yi ɓo n ɓa fyilo n zhalu nyi, ngye fye kwnufyi lo n ɓai nu. Njesnu aza yi n a wna ɓa əsnu ngye fye gyeazhnì lo n fyehni.
Jesnu kpe n alu amanai ye vnyanya, fye kwu yeye kpe, n əkwo nu ye ɓa ɓədo ń abagbmanyi dna n ɓwadodna nunui.
Yeisu wa dnaɓəgbe: " ‘Ye Dagayi əho Shekwoyi n əho bwugbai vnyanya jesnu n əho wyewyeyii vnyanya jesnu n əho ədui vnyanya.’ Dəye nu zhni kpmisnuyi jesnu ɓəgbetu dudui. Njesnu baayi wulo ngye əkwo nu: ‘Ye əho kwnuzhiyi ngye əhohni.’
Ndei ɓəhnihni nu ge, fye kwu owa dnagbmai shiɓwa n kwo kafyilo ń Shekwoyi Nyakagyigyiyi nyi, "Wu əho kwnuzhiyi yeye she ho ye əhohni nyi," ho zhni əɓo nu n kwo dnalo n zokwo.