Amor incondicional

O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.

Amor sem condições

Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.

8 Vuno honi Njambi nasholola cizango cendi cakama kuli yetu, omo ha ntsimbu ije tuapuile tuvaka vupi kaha Kilistu uatutsililile!

Romanos 5:8

7 Cinapu cuma cacikalu cikuma kuuana muntu atava kutsila muka vusunga. Cipuevene nguavo casa kupua cacasi kuuana muntu uje atava kutsila muntu uacili. 8 Vuno honi Njambi nasholola cizango cendi cakama kuli yetu, omo ha ntsimbu ije tuapuile tuvaka vupi kaha Kilistu uatutsililile!

Romanos 5:7,8

23 vantu voshe vanalingi vupi, kaha vakele kulahako na vumpau vua Njambi. 24 Vuno honi vana vapuisa vaka vusunga kuli Njambi ha vuana vua kavumbi ka Njambi kuhitila muli Yesu Kilistu, uje navapatula.

Romanos 3:23,24

35 Nkuma iya asa kutuhangununa ku cizango ca Kilistu? Nkuma tuyando indi vukalu, nkuma mapakeso indi njala, nkuma kuhutua indi vushonde, indi kutsa?

Romanos 8:35

16 Muomu Njambi uazangele vaka mavu cikuma ngeci uahanene Munendi umolika, linga uoshe atsiliela muli ikeye keti akanonge vuno honi akale na muono uayaye.

João 3:16

3 Muavusunga vene tuva voshe tuafuile ngue vakevo ha ntsimbu imo, kaha tuayoyele vene ngue ku cisemua ca mashungu etu a vuntu. Tualingile vije vuntu vuetu na visinganieka via vuntu viakele nakutonda. Muomu ku cisemua cetu ca vuntu ngue vantu voshe, tuapandele kuyanda ku vutenu vua Njambi.

4 Vuno honi Njambi uapua ua cikeketima cikuma, kaha na cizango cendi hali yetu capua cakama cikuma, 5 ngeci omo tuatsile mu Cimbembesi muomu yakuhona kuononoka cetu, kaha uatunehele ku muono hamo na Kilistu. Kaha munovoka ha ngozi ya Njambi.

Efésios 2:3-5

4 Vuno honi omo ya ngozi na cizango ca Njambi Muyoyesi uetu viasholokele, 5 ikeye uatuovuele. Keti ngue ku vilinga vietu vavenia viakusungama vitualingile houe, vuno honi muomu ya cikeketima cendi vavenia ngeci tunovoka, kuhitila mu Cimbembesi Uakulela uje uatukushile linga tupue tuvavaha nakuuana muono uauha. 6 Njambi uetilile Cimbembesi Uakulela hali yetu muvuingi kuhitila muli Yesu Kilistu Muyoyesi uetu,

Tito 3:4-6

Amor eterno

Com amor eterno te amei. O amor de Deus é mais largo, mais alto e mais profundo do que podemos compreender.

9 Omu mukemo cizango ca Njambi ua cimuesele hali yetu. Ngeci Njambi uatumine munendi umo lika ha mavu, linga tuyoye kuhitila muli ikeye.

1 João 4:9

10 Hali eci cikeco cizango, keti ngue nguavo yetu tuazangele Njambi, vuno honi ikeye uatuzangele kaha uatumine Munendi kupua nkombelo ha vipi vietu.

1 João 4:10

19 Tuazanga, muomu ikeye uatuzangele ha kulivanga.

1 João 4:19

16 Muomu yeci tuazivuka cizango, ngeci uahanene muono uendi hali yetu, kaha netu tuapande kuhana miono yetu hali vamuanetu.

1 João 3:16

Amar como Deus ama

O amor é paciente e bondoso. Amai os vossos inimigos. O amor incondicional se expressa no perdão e na compaixão.

4 Mu cizango muakala kusimpa na ngozi, mu cizango kumuakele cipululu kaha naua mu cizango kumuakele kulihalesa cipue kulivua. 5 Mu cizango kumuakele kushaula, mu cizango kumuakele kulizanga yove vavenia, cipue kuniengua, mu cizango kumuakele nkulundundu.

1 Coríntios 13:4,5

6 Mu cizango kumuakele kuvuahelela ha viuma via vupi, vuno honi muakala kuvuahelela ha viuma via vusunga. 7 Mu cizango muakala kuliniunga, mu cizango muakala lutsilielo ku viuma vioshe, mu cizango muakala kutsiliela viuma vioshe, kaha muakala lukakateya ku viuma vioshe.

1 Coríntios 13:6,7

Cizango ku vitozi

43 "Munevu muje vahandekele nguavo, ‘Zanga mukueni, kaha zinda citozi cove.’ 44 Vuno honi njimileka nguange, zangeni vitozi veni, kaha lombeleleni vaje valina kumipakesa, 45 linga mupue vana va Ishueni uje ali muilu. Muomu ikeye akatuisa litangua liendi kuli vaka vupi na kuli vaka vucili, kaha akanokesa kalunga kuli vaka vusunga na kuli vaka kuhona vusunga. 46 Muomu nga muzanga lika vaje vamizanga, kaha vuana muka mukauana? Nkuma omu keti mukemo muvakalingila vaka kutambula lisimu ndi? 47 Kaha nga mulihinduisa lika na vamuanoko, kaha mualisezela haka na vakueni? Nkuma omu keti mukemo muvakalingila na vaje keti Vayunda ndi? 48 Nankuma yeni munapande kupua vaka kusungama, ngue muje Ishueni ua muilu uapua uakusungama."

Mateus 5:43-48

Zangeni vitozi veni

27 "Vuno honi njimileka yeni vaka kunjivuilila nguange, zangeni vitozi veni, lingeni muacili kuli vaje vamizinda, 28 kuisuleni vaje vamisinga, kaha lombeleleni vaje vali nakumiyandesa.