Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Diekye afɔ niabla suoto nii kamɛ asaa;
afɔ nialoso mi faasiisa di yaami olofofɔtɔ kamɛ.
Kɔtansa fɔ diekye fɛɛbla mi di lɛyɛkɛ le niɛbla ni ɔkpɛ kamɛ;
sɛkpɛ lɛfɔ lɛbla ɔkpɛ,
n-ye nya amuu nwaa.
Akufi nii ditale fɔ lewofasaa
di obe wɔ baabla mi ni di kawofakɔ.
Obe wɔ baaloso mi baakyasa ni di kasɔ nwu kakyofokɔ,
anu lɛfɔ lanya suoto nii se manadibla nii.
Ayi amuu fɛɛtɛɛ nii
faakpana nya faakpee di kukũ lɛfɔ kamɛ
di obe wɔ di kuonwii lɛma ditawɛ nii.
O Yaa, mmle di disibu lɛfɔ lefũ mi ni kɔya!
Mmle di lɛpɔ lɛma nte ni!
Nle mmle ninle dii le di Saate nwu lɛbla ni nɛ;
bita bunya suoto lɛyɔɔ buɔpɔ ninni.
Tuo wo mmle buɔka ni ayi loo nwaa,
alɛ buawɛ ninumbe otu.
Diɛyɔ ni di kalofokɔ nii letika fɔ anu;
faalofo mi faakyeko yaami olofofɔtɔ kamɛ.
Kamatansa fɔ obe lele.
Lɛsaa ninwii kɔkaalɛ Saate nwu,
nni ninle nle komiɛ ni nɛ:
alɛ kasiɛ di Saate nwu leyo kamɛ
di nkpa nii ayi amuu kamɛ,
alɛ kanya Saate nwu sɛlɛ,
alɛ kawolaa nwɔ di olekatakɔ nɔɔ kamɛ.
Kafɔɔ afɔ niadiki mi di olofofɔtɔ kamɛ;
afɔ niata latika fɔ disi
bia di yaami lɛnyɛɛ suoto.
Diayɔ ni di kalofokɔ baayɔ mi baatika fɔ di suoto;
diayɔ ni di yaami kafutu kamɛ fale Yaa nii.
Lapɛ ɔlaa lakaalɛ obi wɔ mmle, ni di SAATE nwu latɛɛ lɛsaa le lakaalɛ nwɔ ni nɛ.