1 Nnya Adam kɔna kukũ ɔlaa ninle nko mmle nɛ.

Obe wɔ di Yaa labla ni otii yi, aabla nwɔ di nnwɔɔ Yaa letembi kanya. 2 Osuɔtɔ ku ɔsanko aabla ma, ni aawii ma lɛyɔɔ nɛ. Di dii le aabla ma nii, ni aalɛɛ ma alɛ, <<Otii>> nɛ.

3 Obe wɔ di Adam lafũ ni alɛɛ kɔlafa afosi atiɛ yi, ni aalofo obisuɔtɔbi wɔ niadie nwɔ ni di letembi nɔɔ kanya, ni aatika nwɔ leyooto alɛ Set nɛ. 4 Baalofo Set baaloo ni kamaa, Adam lafũ alɛɛ alafa anɛ, ni aakple aalofo babisuɔtɔbi ku babi sankobi bamba nɛ. 5 Adam lasiɛ nkpa aafũ alɛɛ alafa anaasĩ afosi atiɛ fiɛ aakpi.

6 Obe wɔ di Set lafũ ni alɛɛ kɔlafa alɛɛ anɔɔ, ni aalofo Enos nɛ. 7 Di obe wɔ aalofo Enos aaloo nii, Set lafũ alɛɛ alafa anɛ alɛɛ akuɛnsĩ, ni aakple aalofo babisuɔtɔbi ku babisankobi bamba nɛ. 8 Set lasiɛ nkpa aafũ alɛɛ alafa anaasĩ lefosi-anyɔ fiɛ aakpi.

9 Obe wɔ di Enos lafũ ni alɛɛ afosi anaasĩ, ni aalofo Kenan nɛ. 10 Di obe wɔ aalofo Kenan aaloo nii, aafũ alɛɛ alafa anɛ lefosi-anɔɔ ni aakple aalofo babisuɔtɔbi ku babisankobi bamba nɛ. 11 Enos lafũ alɛɛ alafa anaasĩ alɛɛ anɔɔ fiɛ aakpi.

12 Obe wɔ di Kenan lafũ ni alɛɛ afosi akuɛnsĩ, ni aalofo Mahalalel nɛ. 13 Di obe wɔ aalofo Mahalalel aaloo nii, aafũ alɛɛ alafa anɛ afosi ana ni aakple aalofo babisuɔtɔbi ku babisankobi bamba nɛ. 14 Kenan lasiɛ nkpa alɛɛ alafa anaasĩ alɛɛ lefosi fiɛ aakpi.

15 Obe wɔ di Mahalalel lafũ ni alɛɛ afosi akuɔ alɛɛ anɔɔ, ni aalofo Yared nɛ. 16 Obe wɔ aalofo Yared aaloo nii, Mahalalel lafũ alɛɛ alafa anɛ afosi atiɛ, ni aakple aalofo babisuɔtɔbi ku babisankobi bamba nɛ. 17 Mahalalel lasiɛ nkpa alɛɛ alafa anɛ afosi anaasĩ alɛɛ anɔɔ fiɛ aakpi.

18 Obe wɔ di Yared lafũ ni alɛɛ kɔlafa afosi akuɔ alɛɛ anyɔ yi, ni aalofo Enok nɛ. 19 Obe wɔ aalofo Enok aaloo nii, Yared lafũ alɛɛ alafa anɛ, ni aakple aalofo babisuɔtɔbi ku babisankobi bamba nɛ. 20 Yared lasiɛ nkpa alɛɛ alafa anaasĩ afosi akuɔ alɛɛ anyɔ fiɛ aakpi.

21 Obe wɔ di Enok lafũ ni alɛɛ afosi akuɔ alɛɛ anɔɔ yi, ni aalofo Metusela nɛ. 22 Obe wɔ aalofo Metusela aaloo nii, Enok lasũmu Yaa osie kanya alɛɛ alafa atiɛ, ni aakple aalofo babisuɔtɔbi ku babisankobi bamba nɛ. 23 Enok lafũ alɛɛ alafa atiɛ afosi akuɔ alɛɛ anɔɔ. 24 Mmle okle di Enok lasũmu ni Yaa oso, aayɛ, diekye Yaa lakpaa nwɔ aasifiko.

25 Obe wɔ di Metusela lafũ ni alɛɛ kɔlafa afosi anɛ alɛɛ akuɛnsĩ yi, ni aalofo Lamek nɛ. 26 Obe wɔ aalofo Lamek aaloo nii, Metusela lafũ alɛɛ alafa akuɛnsĩ afosi anɛ alɛɛ anyɔ, ni aakple aalofo babisuɔtɔbi ku babisankobi bamba nɛ. 27 Di nkpa nɔɔ mmuu osiɛ kamɛ, Metusela lasiɛ nkpa alɛɛ alafa anaasĩ afosi akuɔ alɛɛ anaasĩ fiɛ aakpi.

28 Obe wɔ di Lamek lafũ ni alɛɛ kɔlafa afosi anɛ alɛɛ anyɔ yi, ni aalofo obisuɔtɔbi nɛ. 29 Ni aatika nwɔ leyooto alɛ Noa nɛ. Ni aabuɛ alɛ, <<Obi wɔ mmle makpee wo kɔnɛɛ kaafutu di ɔkpɛ ku dibuo le buɔnya ni kaasɔ ka mmle di Saate lɛkpaani nii.>> 30 Aalofo Noa aaloo nii, Lamek lafũ alɛɛ alafa anɔɔ afosi anaasĩ alɛɛ anɔɔ ni aakple aalofo babisuɔtɔbi ku babisankobi bamba nɛ. 31 Di nkpa nɔɔ mmuu osiɛ kamɛ, Lamek lasiɛ nkpa alɛɛ alafa akuɛnsĩ afosi akuɛnsĩ alɛɛ akuɛnsĩ fiɛ aakpi. 32 Obe wɔ di Noa lafũ ni alɛɛ alafa anɔɔ sɛmaa, ni aalofo Sem, Ham ku Yafet nɛ.