1 Nle mmle ninle Noa babisuɔtɔbi suoto ɔlaa nɛ, Sem, Ham ku Yafet. Baalofo babisuɔtɔbi baata ma di ntu layii kasɔ dialoo ni sɛmaa.

2 Yafet babisuɔtɔbi ninle

Gomer, Magog, Madai, Yawan, Tubal, Mesek ku Tiras.

3 Gomer babisuɔtɔbi ninle:

Askenas, Rifat ku Togama.

4 Yawan babisuɔtɔbi ninle:

Elisa, Tarsis, Kitim batii ku Dodanim batii 5 (Batii ba mmle kamɛ di nnle be ninsiɛ ni di lekpo kotoko ladie baakye nɛ, ku nfaabi lɛma ku sele ate ate nɛ.)

6 Ham babisuɔtɔbi ninle:

Kus, Misraim, Put ku Kanaan.

7 Kus babisuɔtɔbi ninle:

Seba, Hawila, Sabta, Raama ku Sabteka.

Raama babisuɔtɔbi ninle:

Seba ku Dedan.

8 Kus lalofo Nimrod wɔ niataka aabale ni kpɛtɛ siene kaasɔ ka mmle suoto. 9 Aabale kpantɛ sientɛ di Saate anu. Nkpo oso mambuɛ alɛ, <<Kpantɛ sientɛ di Saate anu fɛ Nimrod okle nɛ.>> 10 Sɛka nɔɔ ole kasɔ kakyekɔ niale Babel, Erek, Akad ku Kalne di Sinar* kasɔ suoto. 11 Aadie kaasɔ nwu suoto aasifi Asiria, nfa aalaabudi sekpoo se mmle nɛ. Niniwe, Rehobot-Ir, ku Kala 12 ku Resen wɔ ninte ni di Niniwe ku Kala obo ninle ni okpoo kplɛ nɛ.

13 Misraim lalofo

Ludi batii, Anami batii, Lehabi batii ku Naftuhi batii, 14 Patrusi batii, Kasluhi batii, mma kamɛ di Filisti batii ladie nii ku Kaftorit batii.

15 Kanaan lalofo

obi nɔɔ kasale Sidon ku Het, 16 ku Yebusi batii, Amori batii, ku Girgasi batii, 17 ku Hiwi batii, Arki batii, Sini batii, 18 ku Arwadi batii, Semari batii ku Hama batii.

Nni sɛmaa, Kanaan batii kafaabi labakpɛ. 19 Kanaan batii kɔmɛ layɔ di Sidon dialaafe di Gerar ku Gasa, diasifi dialaafe di Sodom ku Gomora, Adma ku Seboim, diasifi dialaadu Lasa.

20 Nnya mma mmle ninle Ham babisuɔtɔbi di nfaabi lɛma kanya ku sele, di nsɔ ku nnle lɛma nɛ.

21 Baalofo babisuɔtɔbi kafɔɔ baata Sem, nnwɔ niale ni Eber babi bamuu ɔwa ku Yafet obilɛma nɔɔfole.

22 Sem babisuɔtɔbi ninle:

Elam, Asur, Arfasad, Lud ku Aram.

23 Aram babisuɔtɔbi ninle

Us, Hul, Geter ku Mas

24 Arfasad lalofo Sela,

ni di Sela kolofo Eber nɛ.

25 Babisuɔtɔbi banyɔ baalofo baata Eber:

Ɔkasale leyooto niale Peleg, diekye di obe nɔɔ kamɛ baasɛ nsɔ nɛ. Obilɛma leyooto ninle Yoktan nɛ.

26 Yoktan lalofo:

Almodad, Selef, Hasarmawet, Yera, 27 Hadoram, Usal, Dikla, 28 Obal, Abimael, Seba 29 Ofir, Hawila ku Yobab. Mma mmle bamuu niale Yoktan babisuɔtɔbi nɛ.

30 Kasiɛkɔ lɛma ladie bia Mesa dialaase di Sefar abokote di kufĩ katunkɔ.

31 Nnya mma mmle ninle Sem babisuɔtɔbi di nfaabi lɛma kanya ku sele, di nsɔ ku nnle lɛma nɛ.

32 Nnya mma mmle ninle Noa babisuɔtɔbi, di nfaabi lɛma di banantii lɛma kanya, di nnle lɛma kamɛ nɛ. Di mma mmle kamɛ di nnle ladie diasamii kaasɔ suoto di ntu oyii sɛmaa nɛ.