Aniversário de idoso

RAMPAUBE de rikelume de peu ranglo

1 RAMPAUBE de ketwa peu lo, pa au yi lu,

nah pe samsang samkak au kelungta bamla.

24 Aipau benai RAMPAUBE pe bata teigai;

anui renga zie nah aika anui sui yizie.

Nsipie eh RAMPAUBE au yi kecu cilulo

1 Ih RAMPAUBE de twa muila zie,

pe ketwa a mui ga lamui zie.

7 RAMPAUBE a kengkieng nah a hegeu;

a nlung pecu nlumla, nah Ih kengha ngaulu da.

Cine a nlung sui yisütlu,

nah Ih pecu lei tei eh twa zie.

7 Nang a nlung de suiyi peusi dida

mi kedame penui mei nah zau keheci kekiee ge ngau keludau suiyi ngaukelu swade kiee eh.

11 Nang acu kering lampuibe ledeu beu da; nang kela ga au misui keyi le pui; n ba zetle ga kelungta misui keyi bam!"*

4 RAMPAUBE dade Ih mage kiela, nah Ih cide peei zie:*

Ih a teilung pelane RAMPAUBE kiga lunghlu kerane,

RAMPAUBE keyi de pie kerane

nah pe kerecaki gade Ih macet ncoklu kerane.

12 Cine anui teilung pielu kera anuide ledeu beulo

ciu eh anui maci eh lungh lu kerane.

31 Mipeutam kepu au kendu peurwa ge;

cide au petau tei eh lunghkelu gade ngau lula.

29 Rehangme kendu au penui kengking,

nah kecingme hezukeyi au penui peutam kepu deda.

31 Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;

penui pak zie nah leu dilak; penui tet zie nah nnei dilak.

10 Cu, ainie! RAMPAUBE rang kebeu de nzwa Ih mmi riakdaiemengei dida, Israelme hetaideu ga gwang kela dau, RAMPAUBE Moses dage pe sampet kebeu de nzwa. Cu, pie gailo! Ih au henai mmi riakheset-mengei dida. 11 Moses ne acu lang kegai benai de nzwa henai kecang de Ih au ngkieng bamreu. Cine cu a pum yi kebam de au hereu tei kera, nah nlüt nah mpet kera ziemne kengkieng bamreu.

24 "RAMPAUBE de peu nnui samlam beulu nah nnui ma pielu.

25 RAMPAUBE de peu nnui dade pe zaiyi nah nnuide ngaunggia beulu.

26 RAMPAUBE de peu pe suiyi eh nnui de pielu nah nnuide lungciep peulu."’

2 Kehung azangbo, n rabe kilam yi kebam nzwa, maleune gade peu yilu kerane nah pumteih yimcang bam kerane Ih kie gaila.