Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Kumzyuma Mlungu kwa uheri wakuyi
Mlongi mayagashii kwa Mtuwa Mlungu toziya ndo muheri,
toziya ufiru wakuyi ulikala mashaka goseri!
Ali ndo lishaka lyakalitenditi Mtuwa Mlungu,
tunemeleri na kufyapilira.
Zyuma kwa uheri wa Mlungu
Hanongi mayagashii kwa Mtuwa Mlungu vyaka vyoseri,
hapeni ndeki nakamu kuzikanta zyuma zakuyi.
Mtuwa Mlungu kampanan makakala na kandolera,
hanimtumbiru kwa moyu gwangu goseri.
Kandopola na moyu gwangu gumema nemeru,
na hanimwimbili nyimbu za mayagashii.
Kumbiti neni gumpanana nemeru nkulu mmoyu,
kuliku yawawera na
nganu na divai ivuwa.
Gunanguziya njira ya kufikira ukomu,
kuwera kwaku kumemiziya nemeru ya nakaka,
muliwoku lyaku lya likakala mwanamaheri ga mashaka goseri.
Mlandu gumu nimluwa Mtuwa Mlungu,
na gweni ndo yanigusakula,
nilikala mnumba mwa Mtuwa Mlungu mashaka goseri ga kulikala kwangu,
niwuwoni uherepa wakuyi Mtuwa Mlungu na
kusakula malonguziwu gakuyi Muhekalu lyakuyi.
Gutufundi kuwalanga mashaka getu,
su tuwezi kuwera na moyu gwa luhala.
Kuwera na neziwu ndo handa lijengeri lya ukulu, zipatikana kwa njira yakulikala ntambu yakafira Mtuwa Mlungu.
Shawalitumbira wantemba ndo makakala gawu, uherepa wa wazewi ndo neziwu zawu.
Kumbiti vinu guloli! Ndo shaka sha vinja malongu msheshi na muhanu kwanjira Mtuwa Mlungu pakayoweriti na Musa, Waisraeli pawaweriti wankupita kushiwala. Kwanjira shaka ashi Mtuwa Mlungu ntambu yakalagaliriti, kantula mkomu mpaka leru na vinu neni nana umuli wa vinja semanini na mhanu Kumbiti nankali na likakala ntambu yaweriti shaka shilii Musa pakanagaliriti. Ata vinu wera na makakala ga kuweza kulikomana nkondu ama kutenda shintu shoseri shilii.
Mtuwa Mlungu kawatekeleri
na kuwalolera.
Mtuwa Mlungu kawaloli kwa uheri
na kakutenderi maheri,
Mtuwa Mlungu kawapendereyi
na kawapanani ponga.
Ganja gwangu, nukuluwira kwa Mlungu gupananwi vitwatira viheri, viraa nukuluwira kwa Mlungu guweri mkomu munshimba ntambu yaguwera mkomu murohu.