20 Baruuh toon imkireenaay harꞌii, Wꞌankwanaay malak hawsooteeb bariiyooh dehaay lawiyaayt, "Yaa Yuusif Daawidi oor, Maryam takatook tikwasiyeet toona baarakwiya. Batooh Aashuuk Imugaddasa sinakwaaba.

5 Umalak timꞌatee dehaay, "Biirakwiina, bataak Yasuuꞌaab isallabamiyaab tehariwneet toona akteen. 6 Baruuh tooy kiihaay, baruuh suur diyaab iiktiyeet tunaatiit yakamiya. Mꞌaanaat baruuh hooy daasamaab iiktiyeeb oomhiin shibibna.

53 Ani Baabiyu uwaliikti baaꞌadgiraayeeb hiisteena han? Baruuh anii dehaay tamna malu malaki dheesha gaal door fandiig.

30 Laakiin umalak batiiyooh dehaay, "Maryam, biirakwii! Ukwaasanaayt nꞌima timrii. 31 Inaakw tindii aree oor ifaar tindii. Barooh Yasuuꞌaab iisim tindii.

10 Laakiin umalak bareeyooh dehaay, "Baarakwiina! Uudehay kassaah winneet haay afirheeni daayi sakana iyaaw hookna andi.

14 Baraah "Umatuun Ukwaasana teebri titageegaateeb eefeenaay baꞌiikti,

aree umꞌasig tubuuti kehii eefeen baliib barooh afirhiseen udehayiib baꞌiikti." idiin.

10 Oontꞌaaneet, ani andi hookna, amaag sakanaab gaal tuubiiniyihoob, Ukwaasanaay imalaki suurii bak firhaat ikatiin." idi.

10 Baruuh teebri reewee, baraah iishbibna. Gaalhoob malu da eera halaka akway idaraagoohna gadee rhiyaan. 11 Baraah "Jaliili da, naanhooy tooy tingadiina, teebri tishabibna han? Uun Yasuuꞌa teebri beeti yakamiyaab uukna, toon tehayꞌa haay giigee rhitaaneet haay itꞌigir indi." idiin.

1 Sanaayeetwa kwaateetwa taktakeeb wꞌareeti soorarimna. 2 Igirbaani wꞌamnaasti baabaadhiinna, een iweer gwadi kanaab baakay imalak amnaasiyaan.

1 Kasseeh ibhali toobuutiib eefeenwa imalakeewwa whadiidti adgiriyeek, laakiin eeraw baꞌareeyayeek, kilintiit wayꞌaat oobhaat iikti, tari kadhawtiit garawaani iikti.

16 Udiiniyoon kwabaast tuuna, kak wint tikatiyeet toona gaal han kiitiwi:

Baruuh wꞌaadamiit hayꞌaatiit lawiya,

Aashuuk barooh nhast hayꞌa ikwaasna,

imalak barooh rhiyaana,

kasseeh yhasheeb bhaliimiya.

Tuduniyaatiib aamanamiya,

aree umatuuniib yakamiya.

16 Akra sootiiwwa, umalaktaayi oowinnaayt waliiktiiwwa, Ukwaasanaay oodꞌaay thiwtiiwwa, Wꞌankwana tibreetee itꞌigir indi. Malya uudehay suur Umasiih aamanee iiyaan baliin iidhhan iyadna. 17 Malya, Wꞌankwana tibreeteeb nimeeri jillaay, hinin idhhani kassaan hiddaab bꞌaluukiib reewi niyad. Been udoori harꞌii, hinin kassaan diimaab Wꞌankwanaay geeb daamni niyad.

5 Been wꞌansiramiini aree bareeh tꞌiiteeb eera halaka iitkwi indi. Been barooh ani oosmooh door han umidhhani kitaabii kaahati. Laakiin bariiyooh oosim Baabiyu suuriiwwa imalakeeyooh suuriiwwa isuukin andi.

38 Ukwaasanaay reerii naat han door ishiishimidh hoon bitdiyeet toona winneet akteen. Yat tari midhhan, malak tari jin, amseeneeb udamaaniib tari gayii yꞌiiniib udamaaniib, tari ikatiin akrir han Ukwaasanaay reerii ishiishimidh hoon kiidiin. 39 Tibreeteeb asti eefeen akrirwa, tari tubuutiib nꞌati eefeen akrirwa, tari kastaah Ukwaasana kwaasaab ikatiyeet taanaawwa han, door han adgiriit Ukwaasanaay reerii ishiishimidh hoon kiidiin. Been uureer Yasuuꞌaab Umasiih Wꞌankwanaayoon lawi indi.