Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Kwuye ungwu e yi mu egbo ɛnyi ibyima akwɛyi e wolo ondo tee, ɔlɔgbulɔ uwu Ɔkwu, e bo a za wu tee, <<Ɔzhɔsɛfu, umɛ uwu Odevidi, ki wo iyi iyi Omeri itomo kaa lakwu oko ŋɔ mo, moo rifo nyɛ ngyi ri ngyi mbaa Kwundu uwu Ukpo.
Akwɛyi ɔlɔgbulɔ awu a za laa ekokpayi mbamba tee, <<La lu wiyi mo.>> <<Mi yitu tee Ɔzhizɔsi, uwu bɔkɔ ɔ bɔ wu iba awu gba lu yi mu igagyima le. E yi munɛ fo; e yimo o, mate bɔkɔ e so awu. La lu bo kaa lu ma mbaa bɔkɔ a nɔ.
Lu yitu te mi do te mi ya Ada mi ma kaa la mbwa mi ma akwɛyi kɛlɛlɛ a lɔ alɔgbulɔ wu umba bɔkɔ riba mba ri pika uzhi uwu asozha uwo la epo ma kaa lo gbo mi mo moo?
Akwɛyi ɔlɔgbulɔ uwu Ukpo awu a za wu tee, <<Omeri; ki wiyi mo, ŋɔ fya esheshi ma-a mbaa Ukpo. Ŋɔ shi rifo ŋɔ mba umɛ ɔnzɔnu, akwɛyi ŋɔ kpowu ɛnyi tee Ɔzhizɔsi.
Ɔlɔgbulɔ uwu Ukpo awu ba a za mba tee, <<La lu wiyi mo! Mi ka yi laa ɛza iyeshi iyi i ka laa enzu lɛɛbi ɔnyɛ uwakwu.
<<inzumbɛku akwiyi Ukpo moshi,
mu kwudu kwɔlɛ ba, oloto lu yi mbala enzu umba bɔkɔ Ukpo a mwɔnyɛ mbala mba!>>
Mi so yi ele, tee gba ii yi le, alɔgbulɔ umba Ukpo ɔ mwɔnyɛ kwuwongu onzu uwu ingbomo ɛnyi uwu a ta mɛzhi.>>
Tabɔkɔ o bɔ eyi moshi akwɛyi enzu wepo o wɔ kporo mu ɛriga iruwu o ri mbala mba. O za mba te, <<Enzu umba Ogalili, kwuwongu kwuwongumbe lu ri munɛ lu yese moshi te? Ɔzhizɔsi ele, uwu o to wu yi mo o ka moshi ele, mate bɔkɔ lu ma wu a ka moshi awu, tatayi gba a gbama le.>>
La lu pwu idɛnyi iyi esu kyamate wa mbwalu ngboro tayi. La lu lolo kaa lu na agboga yi mu ewo epo, moo enzu umbafo o wo tayi ba o yitu tee akwu alɔgbulɔ umba Ukpo mo.
Akwiyi gba mi so lunzu undu enzu mbala lunzu undu alɔgbulɔ umba Ukpo kego, ba mi yi idɛnyi mo, mi yi kyamate kwoso ungwu kwu wanu ngɔngɔngɔ naa kalɔ unga ka wanu ngingingi tayi.
Onzu ukpɛnyi te e do te e ri kambwu te iso iyi bɔkɔ Ukpo a wu yi a ta nzu awu akwu i yi kenzu iyama mo:
e to ɛnwu iyi onzu,
O zɔ wu te akwu ongbulolo,
Alɔgbulɔ umba Ukpo o ma wu.
O tanu iyi ilɔ iyesheshi wu la enzu munamuna,
O kwidu o fulo mawu munamuna mu kwudu kwɔlɛ.
O to wu mo o kawa moshi.
Moo Ɔkwu nzu Okrasi mafyi wu aa wɔ moshi a nyɔ la anu itama mu opwu uwɔkwu, akwɛyi ɔlɔgbulɔ uwakɔ a kpa kwongangaraki akwɛyi wa mbwalu umba bɔkɔ o kpomo-o awu o da la iyimo keyi. Mizhikembo iyi ɛnyi, kinzu umba bɔkɔ ki degbo lakwunyɔ bɔkɔ ki shimo, Ukpo akwu nzu ma ki bi kpolo esu mbala mba moshi. Tayi gba ki yi mbala Ɔkwu Ɔzhizɔsi le iyɔkpɔɔ.
Enzu umba bɔkɔ o rimo, o lo mbo ekpayi iruwu kyamate mbɔlɛ tete. Mii ngbɛ ɛnyi mba ma mu kwokpo ungwu kwunyɔ mo. Mi so gedegede midu iyi Ada mi mbala alɔgbulɔ wu tee, enzu mbɔlɛ akwu umba mi.
Moo Imi mi yitu te kiya kinyinyi ki do nzu i kama mbala idɛnyi wu mo, kala lukwu naa kwunyɔ, naa alɔgbulɔ umba Ukpo, naa eyo umbeyi, laa kekelele naa kwu ta kwu sheye keyi, naa ekpasu iyinayina, naa ɛzhi iyoshi, naa indomo, naa apula iyi bɔkɔ o wo yi lɛɛbi, iyi bɔkɔ ii do te ii ka nzu ma mbala idɛnyi iyi Ukpo iyi bɔkɔ i yi mu Okrasi Ɔzhizɔsi Ɔkwu nzu, i yi mo.