Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Pa ma aidungde cet kebamdau, ainie, Rampaube gwame ge pe mangle de peda gwang eh ranggai, "David napei, Joseph, Mary de n nau kera ngngidi helo, kedanemene pa tetlak kela de au Kemci Rabe gade lu.
Dede tinggimgwabe mipui dage rangdi, "Ngngi so, kedanemene nnui gwaktset kedibe Jisu de peei kela Ih cibam. Pa rang kegai nzwa pa au ringcuh dida nah pa aika bam meda. Gwang delwe pa kezeuni de pielo.
Mi nang Ih a Pei dage kiegai cai, pa piage gage tinggimgwame reugwamaa kereiekena swade kiee eh acu langgai beugai laklie cetbam ni?
Nah tinggimgwabe pe dage rangdi, "Ngngi so, Mary, kedanemene Tinggwang ncu ngau pesuilu delu. Nah pielo, nang tetlak luzie, nah mipeina ge de mna lu zie, nah nang pe zi Jisu qu zie.
Nah tinggimgwabe penui dage rangdi, "Ngngi so, kedanemene ainie, Ih nnuida misui yisüt kecu samliakeyi teu gwangla, cide mina leune da gwang zie.
"Hutu ga kebam Tinggwang de peu hetwa pung kelube tei lulo,
nah kideu ga, pa pesui kelame minadung kakga
lungciepbe bam lulo."
Cide nzwa eh, Ih nnui dage ranglia zie, kemaume ge helung nreu kelu ziemne Tinggwang gwamedung de penui sui yila."
Pa nghang kecu penui tinggimle pie lingci eh kebamdau, zette, mi hangna penai nia keha teulwe penui taiga sapdi. Penai rangdi, "Galileeme peidung, daitei nnui tinggim pie eh sap bamno? Nnui dade tinggim ga ngngwa nghang kedi Jisu aipaude, pa tinggim nghang kedi nnui kengau kesiakge cailigwang daizie."
Kecungkegai sam kekambe
Peu caihereiswacing kereku bam jüja lu. Mide hegia kecude nsungta diso, kedanemene aide gade, midungge cimene tinggimgwame de hegialu dilu.
Keku
Ih mina let gade nah tinggimgwame let gade maranglu liede, Ih keku gah cai, Ih au hegeu kehedeu kwa ge mede hebam kedap kwa ge dida.
Kesang, renetkecok de au di kesang lie:
"Khrista de pumteihbe gade liagai,
cide kesang kecu Kemci Rabe gade cilu,
tinggimgwamedung ne ngaulu,
heleuhdung kakga ledeu,
kideube pecu nlumlu,
nah pecu tinggim ngngwa nghang di."
Rampaube tinggim gade nghung zie. Pa ma sahbak gai eh gwang zie, tinggimgwame kedibe aja kai gaizie, nah Tinggwang teluibe kwagai zie, nah Khrista da la eh tsaikedime ringcuh raizie. Pecai anui ring kebamme, bang kelume, penuide ngngwa nghang hemwa gade keu ncütlwe tingkai gade Rampaube de redau zie. Iciu eh anui Rampaube de ngngwa lamui dizie.
Penui nzwa ngkieng kelube penui paini keha bah zie, nah Ih madaude Kering Laisiukwak gade pe zi mai ngga dilak, nah Ih pe zi Apei dwa gade, nah pe tinggimgwame dwa gade ndu gaizie.
Kedanemene Ih cisiakte luda ketsai liede, mede kering, mede tinggimgwame, mede kengkiengdung, mede cu kebamdung, mede gwangdai kerabedung, mede kengkiengme, mede kecehu, mede kecok, mede damkelu keheibe de, anui Rampaube Khrista Jisu gade Tinggwang keku de gade anuide teuntsam gailak.