20 Paawelili akali anguuwachilila mghalu hau, Mpumulo wa Sapanga akamuhumila kundotu, akamlongela, "Yusufu, mwana wa Daudi, ukotoho kutila kumposa Malia aweli mhumbu ghako, kwaikiva kumila mata haku ni kwa uwesa wa Mpumulo wa Sapanga,

5 Ila yula mtumikila wa kundumba wa Sapanga akawalongela wala Wadala, "Mwenga mkotoho kutila! Ningumanya yiwa mngumhaka Yesu yula awambilwi. 6 Kabaha ng’ogha kahinduka handa ailongili. Hinu mhiki mloli mahala paawelili kawonja.

53 Ghuli, mmanya ng’ogha yiwa ninguwesa kumluwa mtanga Tati ghangu na mweni akawesa kuniyeghela kwa kuloposela mapinga yapiti ikumi na ivili gha watumikila ghaki wa kundumba kwa Sapanga?

30 Mtumikila wa kundumba wa Sapanga akamlongela, "Ukotoho kuwela na holu Malia, kwaikiva Sapanga anguyendelesa kukula kwa luhala ghaki. 31 Utewela na ndumbu, utelela mwana mlumi, na utemkema lihina lyaki Yesu.

10 Mtumikila wa kundumba wa Sapanga akawalongela, "Mkotoho kuhola. Niwayeghela Habali maha litewahekelesa wandu wogha.

14 "Ayinulwi Sapanga kunani kundumba, na kulikala kwa kuponga kuweli kwa wandu anguwashukwile kumlima wogha."

10 Hilahila, ninguwalongela, havi ndiwa watewela na luheku watumikila wa kundumba wa Sapanga kwaikiva gha mundu avile na sambi mmonga kalekiselwa sambi na kumhyukila Sapanga."

10 Pawawelili wangukwenjula mihu kulola kunani, mweni akiyenda zyaki, bwitu wandu waivili wawelili wavala nguu mbulete pee wakagholoka pabehi na weni, 11 wakalonga, "Mwenga wandu wa Galilaya. Kwa kyani mngugholoka baha mkilola kunani? Yesu hayu avile atolilwi kuhuma kwa mwenga kuyenda kundumba atehika kangi handa nagha mumlola akiyenda kundumba."

1 Muyendeleli kupalana handa vila ingupalwa kwa wandu weni kumkwinila Kilisito. 2 Mukotoho kuisemwa kuwakema wahenja pakaya, kwaikiva kwa kughola nagha, amonga gha wandu wapatili kuwakema watumikila wa kundumba wa Sapanga wakiva wamanya ng’ogha.

1 Ninguwesa kuwela na uweso wa kulonga luga zya wandu na zya watumikila wa kundumba wa Sapanga, ila paniwela ng’ogha na upalo, ningughola hela lilowi handa lidebi lyeni kuwela ng’ogha na kindu au kengeli gha kushuli.

16 Kwa chakaka uhighu gha mighalu gha Sapanga ihighwa ni kulungwa:

awonikanili kunjimba handa mundu,

akahighiliswa na Mpumulo yiwa ni mlungwana,

akawoneka na mtumikila wa kundumba wa Sapanga.

atangasiliwi ku milima hyogha,

akajumilwa kumlimawogha,

akatolwa kunani kuukwilikihi.

16 Kwaikiva Bambu mweni atehuluka kuhuma kundumba pamonga na lilowi lya lilaghilo, na lilowi lya mtumikila wa kundumba wa Sapanga mkulu na lilowi lya lipembi lya Sapanga. Na ndiwa wala wahovili wakiva wangumkwinila Kilisito watehindulilwa mtumbulo. 17 Badili gha hali kuphita twenga tuvile wakomu lipindi hali tutekungulwa pamonga na weni kumahindu kukongine na Bambu kunani. Hinu tutewela pamonga na Bambu machuwa yayendelela.

5 Na wala watesinda atevaliswa nguu mbuleti handa weni, na nenga nitehumisa ng’ogha lihina lyaki kukihitabu kya ukomu ila nitemtangasa kuulongolo gha Tati ghangu na kuulongolo gha watumikila ghaki wa kundumba yiwa ni wanenga.

38 Kwaikiva ningumanya chakaka yiwa kwahela kindu kinguwesa kutulekanisa na upalo ghaki, ng’ogha kihu, au ukomu, au watumikila wa Sapanga wa kundumba au mahoka, au makakala ghangi gha Lihyukana, hata yeni kuhumila hinaa, hata yatehumila kuulongolo, hilahila weni uweso, 39 au mighalu yeni kuwela kumlimawogha wa kunani, au mighalu yenikuwela kumlimawogha gha pahi, na kwahela kiumbi chochose kitewesa kutulekanisa na upalo wa Sapanga uvile ku Kilisito Yesu Bambu wa twenga.