20 Edi ke ini enye okosuk ekerede ñkpọ emi, sese, Enjel Jihofa ama ọbiọñọde enye ke iso ke ndap, onyuñ ọdọhọ enye, ete, "Josef, eyen Defid, kufehe ndik ndida Meri nte ñwan fo: koro idibi oro enye oyomode oto Edisana Spirit.

5 Enjel ama ọdọhọ mme iban oro ete, "Ekuyak ndik anam mbufo, sia ami mmọfiọk nte ke mbufo eyom Jisọs emi ekekọñde ke eto. 6 Enye idughe mi; Enye eset, kpasuk nte Enye ọkọdọhọde mbufo. Eduk edise ebiet emi okpo Esie akanade.

53 Nte mbufo ekere ete, ke Ami ñkemeke ndikot Ete Mi, ndien Enye eyenọ se ikande mme enjel tọsin kiet ebine Mi ini kiet.

30 Edi Enjel ama ọdọhọ enye ete, "Kufehe ndik Meri, koro Abasi, enende iso ye afo. 31 Idibighike afo eyeyomo onyuñ aman eyen eren, ndien afo eyesio Enye enyiñ Jisọs.

10 Edi asaña-utom Abasi ọsọñọ mmọ esit ke ndidọhọ mmọ ete, "Ekufehe ndik! Ami nda ata eti mbuk akwa idaraesit nsọk mbufo.

14 "Ubọñ enyene Abasi ke ata enyọñ, ndien emem odu ke isọñ ọnọ mme mmọ emi enemde Enye Esit."

10 Ami ndọhọ mbufo nte, kpasuk ke ukem usuñ oro ke idara odu ke iso mme enjel Abasi kabaña idiọk owo kiet emi akabarede esit."

10 Nte mmọ ekesuk ekade iso ndiwuk enyin nse ikpaenyọñ nte Enye okosuk ọdọkde, sese owo iba emi ekesinede mfia ñkpọ ema ewọñọ eda mmọ ke ñkañ. 11 Enyuñ ebup mmọ ete "Iren Kalili, ntaha mbufo edade mi esuk ewuk enyin ese ikpaenyọñ-e? Kpasuk Jisọs emi ema ekemen edọk enyọñ ekpọñ mbufo, eyefiak edi kpa ke ukem usuñ emi mbufo ekekutde nte emende Enye edọk enyọñ."

1 Eka iso ndima kiet eken nte nditọ ete ke Kraist. 2 Enyuñ eti ndidara mme isenowo ke ufọk mbufo. Ama enyene mme mmọ emi ekenamde ntem, ndien mmọ ema edara mme enjel ke ini mmọ mikọdiọñọke ite ke mmọ ekedi mme enjel.

1 Mmekeme ndinyene ukeme ndisem mme usem owo ye idem eke mme enjel, edi edieke ami meñnyeneke ima, ikọ mi idighe ñkpọ ndomokiet, ibọhọke nditie nte ñkoñ emi anamde uyom, ye uyom ñkanika.

16 Owo ndomokiet ikemeke ndineni mbaña nte ndedibe ñkpọ ido ukpono ñnyin okponde eketre. Enye ọkọwọrọ owut idem Esie ke mbiet owo, Spirit ama etie ntiense abaña nte Enye enende, mme enjel ema ekut enye, ema ekwọrọ Enye ke otu mme idut, ema enim enye ke akpanikọ mi ke ererimbot, ndien ema emen Enye edọk ke enyọñ.

16 Ọkpọsọñ uyo edinyik eyedu, uyo Akwa Enjel, uyo obukpoñ Abasi, ndien Ọbọñ ke idem Esie ọyọsuhọrede oto ke enyọñ edi. Mme mmọ emi ekenimde Kraist ke akpanikọ ndien mmọ ekpa eyebem iso eset ke ñkpa. 17 Ndien ñnyin emi idude uwem ke ini oro eyetañ ñnyin kpukpru ye mmọ edọk ke enyọñ ndikosobo ye Ọbọñ ke ofum. Ndien, ntre ke ñnyin ididu ye Ọbọñ kpukpru ini.

5 Owo emi akande eyesine enye afia ọfọñ nte mme mmọ emi, ndien ami ndisioho enyiñ esie mfep ke ñwed uwem. Ke iso Ete mi ye ke iso mme enjel Esie ami ñyeyarade añwa añwa nte ke enye edi okim.

38 Koro mmetim nnim ke akpanikọ nte ñkpọ ndomokiet ikemeke ndidiañade ñnyin ke ima Esie. Ñkpa mme uwem, mme mme enjel, ye mme mbọñ, mme odudu, mme mme ñkpọ emi edude idahaemi, mme mme ñkpọ emi edidide, 39 mme ererimbot emi odude ke enyọñ, mme ererimbot enye emi odude ke isọñ, ñkpọ ndomokiet iduhọ ke kpukpru se ebotde, emi edikemede ndidiañade ñnyin ke ima. Abasi, emi edide eke ñnyin, oto Ọbọñ ñnyin Jisọs Kraist.