Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
N shɔbiiyi ɓa nizɛ ɓa, n ji lɛri ɓa ang sisɨn nɛ Ɗa sharintɛttɔ gboti ɓa; vigbete n pɛliyɛ, ukɔ ɔ̃rɛ ko-pikoviya n sukitɔ a vigbete ang kɨntiyɛni n pɛli vigbete n yɛn pɛliyɛ n kpaa vigbete ang ɗekɨntɔ. Aruukɔ n yusururu yɛnɛ u nyayisinɛ aru n kpaa vigbete Ɗa yɛ sharin au yuuyɛ, ukɔ Ɗalapa nyaɓaanɛ yɛnɛ kolapa aru vigbete Kirisi Yesɔ pɛli ang yuuyɛ.
Bi Manɛ Yɛnɛ u Nyasinɛ
N jo tung yuu ɓanɛ Ɗa shaarintɛttɔ gboti ɓa ko nɛn zɛnɔɔ tɛttɔ tɛpɛ-tɛpɛ ɓa. Ama n ɗɔgbete n yɔkiyɛ n kpaa Ɗa shaarinɛ gbete Kirisi Yesɔ kpaarin tɛttɔ gboti au yuu. N shɔbiiyi ɓa nizɛ ɓa, n ji lɛri ɓa ang sisɨn nɛ Ɗa sharintɛttɔ gboti ɓa; vigbete n pɛliyɛ, ukɔ ɔ̃rɛ ko-pikoviya n sukitɔ a vigbete ang kɨntiyɛni n pɛli vigbete n yɛn pɛliyɛ n kpaa vigbete ang ɗekɨntɔ. Aruukɔ n yusururu yɛnɛ u nyayisinɛ aru n kpaa vigbete Ɗa yɛ sharin au yuuyɛ, ukɔ Ɗalapa nyaɓaanɛ yɛnɛ kolapa aru vigbete Kirisi Yesɔ pɛli ang yuuyɛ.
U shɔgbete u kpẽnɛ aɗɔn a suruyɛ u vipɛlinɛ u ɔ̃ gbete. Ama naa ɔ zɔ gãsiyi ikɛ ɔ̃nɛ a sisɨn wɔɔni tot, Ɗalapa yɛ tasɔɔ vimtɔ wasa-wasa.
Ko-piya kɛ ɔ̃nɛ a Kirisini u pɛ shɔzɛ sɔɔ; vi gbaali tɛɛtɛ gboti, u sɔɔ akɛrɛ.
Sisɨn Pɔ̃nɛ pɛ̃niba
U dɔ̃ri Ɗalapa Da a Uɓeyelapa Yesɔ Kirisi tɔ! aru u raantanɛ pɛ̃niba ãu suru sɔɔtɛ a nyaba au yusi Yesɔ Kirisi a saa yɛ. Vim pɔ̃ntɛ u ɔ̃nɛ sisɨn pɔ̃nɛ pɛ̃niba ɗɔn,
Vigbete au tɛɛ vimiyi kpai ukɔ ɔ̃rɛ zɔ ɔrinɛ, ukɔɔ ɓasi vimiyi yuurɛ ɗɔgbete kpai dangdang. Ɔ̃nɛbiinyatɔ̃nɛ gbete Kirisi ãwɔyɛ pɛ aru u tasɔɔ nyaba vigbete ɔ pɛliyɛ; si jo aru ɔ̃nɛbiinyatɔ̃nɛmkɔ Ɗalapa ɓawɔɔ nya nɛ ɔ ɔ̃ gbete. Nɛ ɔ ɔ̃ shɔ dɔ̃rinɛ kopiɗaviya.
U ɓeye bi jashɔzɛ i yusho gɔ̃nɛ ɓa dangdang nyaba gbete i zɛnaa tɔ̃vɨn ai nɔɔ yɛ, ama Ɗalapa gɔ̃ yusho a nyaba gbete u shɔ tɔ̃vɨnyɛ aru nɛ u kpa tɔ̃vɨn mijo a vigbete yɛ shɔyɛni. Aɗagbete shɔkɛ gɔ̃u yusho nɛ kɔutɔ sisɨn waanɛ, ɓa yɛti puru ntanɛ ɓa, ama au knti n ti tɔ̃vɨn pɛlinɛ a ɔ̃biinyatɔnɛ a shɔgbeteyi masisɨn a vimatinɛuni wɔsɔ̃n a yusho gɔ̃nɛni.
Yusho Gɔ̃nɛ Aru Gūgū Ãnɛ
Ɔ wesho pɛ dɔdɔrim, ɔ shɔgbete ɔ shanɛ, << Nɛm ko ɓuru u yɛ yɛ komoo wɔɔ, u yɛ ɔ̃ aɗɔn saa gbete u mɛli vi u kpaa saa ɗɔrɔrɔ.>> Ɔ ji zɛ nɔgbete ɔ suru yɛ ɔ̃ yɛ ɓa! Ɔ naa miisɨi au shɛ a gadi ɗaa kɛ tanaa nɛ nirɛ. Vigbete ɔsi shayɛnɛ: << Naa Uɓeyelapa kɛ kasinɛ, uyɛ ɔ̃rɛ a pɛli vim a viwaa.>> Ama dɔdɔrim ɔ ɗɔɔ pɛrɛ pɛlinɛ a baasinɛni; baasinɛm ɓa tɔ̃ ɓa. Aru gbetenkɔ, ukɛ zɛnɛ u ji pɛli ɓa vitɔ̃vɨng ɓa u pɛlitɔ, aru gbete yɛ ɔ̃riurɛ ruuvini.