Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Əmi azaje azanugbai n anyikwozai, mi ta gye əmihni tukwo lo nge mi lá kwo lu gwogwo nu m. Ama əɓo gbmanyi nu n mi zhni: mii ya aɓo n avnu n ɓa la duya, mii yi əmihni ntu aɓo ɓo, n ɓa ye ɓeɓelo n abye nyi. Mi gwodu lo n awyei ce n awnagnyiba nabai ma gwo gyiba n kwo nu ɓə zhni Shekwoyi wa yì mi lo əshemiɓwai dna n Kirisiti Yeisu.
Kwo to lo nge mi kwu aɓo ye pmaɓwashi nu vnyanya m, kwo nge mi la pma əmi awyeceba si nu m, ama mi nyiwye ce nabai ma taɓwashi ənya n kwo ɓə zhni Kirisiti Yeisu wa wna mi shi nyi. Əmi azaje azanugbai n anyikwozai, mi ta gye əmihni tukwo lo nge mi lá kwo lu gwogwo nu m. Ama əɓo gbmanyi nu n mi zhni: mii ya aɓo n avnu n ɓa la duya, mii yi əmihni ntu aɓo ɓo, n ɓa ye ɓeɓelo n abye nyi. Mi gwodu lo n awyei ce n awnagnyiba nabai ma gwo gyiba n kwo nu ɓə zhni Shekwoyi wa yì mi lo əshemiɓwai dna n Kirisiti Yeisu.
Bwulus ɓədogbe vyivyi
Nlonu əyi vnyanya, n yi la kwnuaza nyi, nsayi, yi shi aɓo ye awye nlonu. Ama n kwa zè nge fye zhni ɓənubwo lo gbowo kpe n aɓəho, əkwohni ce, Shekwoyi ɓa kna fye kwo awyeya.
Ntucenu, ngye zahozahoyi dnalo n Kirisiti, shnazhni woiwoyi n la ɓe, aɓo akwokwoyi ɓa la duya aɓo awoiwoyi n kwu ɓe!
Shekwoyi cici ntu awyetu wyewyeyi nya ɓo
Cici zhni Shekwoyi nya nu n Dadai əyi Dagayi Yeisu Kirisiti nya! Ntu əwo snusnugye yaakwo ɓo, wo la yi shna ma fyi n awyetu wyewyeyi nya, dna n Yeisu Kirisiti kala la ń əfyi,
Jesnu kpe n alu amanai ye vnyanya, fye kwu yeye kpe, n əkwo nu ye ɓa ɓədo ń abagbmanyi dna n ɓwadodna nunui.
Fye fa Kirisiti bwugbafu kwa gyibe fyi n əfye adu, shikwonyi fye zhni aga nayi gbmanyi nya nu, a ɓə yi fye fyi n bwugbafu nu. Jesnu fye kwu zhni Shekwoyi amisayi.
Ba ta yi n əsai fyewyi shi ɓa gye kwo gnadu n bmyabmya; ama Shekwoyi ta yi ntu n əyihni bmyabmya ɓo nu, nabai n yi ɓa ɓwa əwo gyigyi. Tata ho to lo n kwo dagbma nsayii m, ama kwo snasnai. N tata avnu, kwo zhni kwa ga gyigyi n əkwo nu zhni ɓəfyece n bwugbafui, ga aza yi n ɓa kwu mwutu ɓwa n kwoi nyi.
Gbegyi ntu nsu ɓo
Nsaiye knatnubwa, əfye n fye gna, "Nnaiye kwo nsu yi ɓəi lo əzhi dəye kwo əzhi dəyi, yii ɓwa əye ɓwugyi fyi n ɓo, yii zeaɓwa ya ɓwa agyiwye." Ntu knyiɓei ya, kwo əhohni ho ta kpe əɓəye lo n kwo ɓə zhni nsu m. Əho wyewyeyi zhni knyiyi nu a? Əho wyewyeyi wulo ngye ɓwugye nu n kwo kpeya ɓe əsa fyewyi jesnu kwaa kpma. N əkwoɓwi ho ɓə gwo ha gna, "Ngye kwo zhni Dagayi ɓəye nu, yi ɓa gyianyì jesnu yii zhni dəye kwo dəyi." Ngye shi kwo gnyi nyi, ho gbma dna n əho tukwognanakwo nu. Gbegyi ye pya vnyanya kwo zhni ɓənukwoi nu. Nlonu, ngye əza lo n wo kpe əɓo manai ye n wo gwo wa zhni, to wa zhni kwo m, kwo zhni leifyi nu n əwo aba.