Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Kuhitila mu lutsilielo Noua omo vamunanguile kuli Njambi ha viuma vije kanda acimone, uononokele kaha uashongele vuato muje muvovokelele ikeye na ntanga yendi, mu ngila eyi vene mavu vahisile kaha uapuile suana ya vusunga vuje vukeja kuhitila mu lutsilielo.
kuli vaje kuvononokele laja, omo kusimpa ca Njambi ca vandamenene mu matangua a Noua, ha ntsimbu ya kushonga vuato, muje mukemo muovokelele vantu vavandende, vakupua vatanu na vatatu kuhitila mu mema. Kumbuitika, cendelela neci, honi cikeco covola yeni, keti ngue kuhumisa mazilo ha muvila vuno honi ngue kulomba kuli Njambi linga a mihane visinganieka viacili, kuhitila ha kusanguka ca Yesu Kilistu, uje nayi muilu kaha ali ku livoko liacilio lia Njambi, na tungelo, na vaka nzili yakama, na vinzili vije vili muintsi liendi.
Ngue mucafuile ku matangua a Noua, mukemo vene mucikafua hakuija ca Muna Muntu. Muomu ngue mu matangua aje tele livazi kanda lije vantu vakele nakulia na kunua, vambatele na kushombuesa, kutuala na ha litangua lije Noua uakovelele mu vuato, kaha kuvazivukile kuvanga noho livazi liezile nakuvanongesa voshe, omu mukemo mu cikafua nahakuija ca Muna Mutu. Kaha vamala vavali vakakala mu lihia, kaha umo vakamuambata mukuavo vakamuseza. Kaha vampuevo vavali vakatua mucini cimo, kaha umo vakamuambata, mukuavo vakamuseza.