Ascensão

9 Pa aidungde rang kedicai, penui ngangcuh pie kebamdau, pecu ngngwa cuhdi, nah hemwa gene penui miakngau gade pecu sung teudi.*

10 Pa nghang kecu penui tinggimle pie lingci eh kebamdau, zette, mi hangna penai nia keha teulwe penui taiga sapdi. 11 Penai rangdi, "Galileeme peidung, daitei nnui tinggim pie eh sap bamno? Nnui dade tinggim ga ngngwa nghang kedi Jisu aipaude, pa tinggim nghang kedi nnui kengau kesiakge cailigwang daizie."

19 Rampaube penuide mpau kegaicai, pecu tinggim ga ngngwa nghang di nah Tinggwang ba zetle bamdi.✝

Cuhkedi

50 Iciu eh pa penuide nzangpwa Bethany lebie gwangdi, nah pa pe ba hwacuh penuide samlambeu. 51 Pa penuide samlambeu kebamdau, pa penui dade tetdi, iciu eh pecu ngngwa tinggim nghang di.

2 Apei ki ga kibungdung kekiee ge bam. Dede Iciu melie cai au, Ih nnui dage ranggai beu dizie nage, Kedanemene Ih au nnui ziemne heni ge mtei beulai eh bam.

12 Ih nnui dage rangsiakte liazie, mina keheibede de acu nlum kelume, Ih tei keladung, pa de teizie; nah pa cidung swade diki kecu tadung teizie; kedanemene Ih au Peibe da gwang di lai eh bam di delu.

28 Ih Peibe dade gwang, nah Ih kideube ga gwang lie. Ih kideube de pwet dai di eh Ih au Peibe da gwang dizie."

17 Jisu pe dage rangdi, "A cu deu helo, kedanemene Ih cude Peibe da nghang mereu lu, dede a siname da gwangcu nah penuide rang beulo, Ih a Pei nah nnui Peibe, nah a Tinggwang nah nnui Tinggwang da nghang lai eh zeulie kecu."

33 Ge Jisu rangdi, "Ih au nnuide ngngwa bam reu peting kedui nage ziemne, nah cipau cai Ih peda tetgai dizie acu lang kegaibe da.

16 Kesang, renetkecok* de au di kesang lie:

"Khrista de pumteihbe gade liagai,

cide kesang kecu Kemci Rabe gade cilu,

tinggimgwamedung ne ngaulu,

heleuhdung kakga ledeu,

kideube pecu nlumlu,

nah pecu tinggim ngngwa nghang di."