9 Ekubindaho kugombeka ayo, wose wakamkauwa akadoigwa na kuita uwanga kwa Muungu, zunde dikamfisa na khawekumwona vituhu.

10 Wekuwaho wafua meso uwanga, kisingi Yesu adoigwa kuita uwanga kwa Muungu, ahoaho wantu waidi wekuwao wavaa ngwanda zekung’aazo pee wakagooka hehi nao, 11 wakagombeka, "Nywie wantu wa Galilaya, kwambwai mwagooka hanu mkakauwa uwanga? Uyu Yesu, mwekudoigwa kuawa aho henu na kuita uwanga kwa Muungu endaeze vituhu inga mwekumwonavyo akaita uwanga kwa Muungu."

19 Naho Zumbe Yesu ekubindaho kugombeka nao akadoigwa kwe maangwi akekaa phande ya kuume ya Muungu.

50 Naho akawaongoeya wahina wakwe kuita chongoi ya mzi hadi Besaniya, uko akenua mikono yakwe uwanga, na kuwajaiya. 51 Ekuwaho awajaiya, akawabada, akadoigwa uwanga kwa Muungu.

2 Kaya mwa Tate yangu mna vyekao vingi, ati nee khayekuwa ivyo nee khiwamba kae, isasa naita kuwaikia hakwekaa.

12 Nawamba ukwei, anizumiiae endaagosoe mbui nizigosoazo miye, naho endaagosoe makuu muno kwaviya naita kwa Tate.

28 Miye nalawa kwa Tate ncheza mwe inusi, isasa nahauka mwe inusi inu na kuuya kwa Tate."

17 Yesu akamwamba, "Usekunitoza khizati kuita uwanga kwa Tate, akini uite kwa wandugu zangu ukawambe, naita uwanga kwa Tate yangu na Tate yenu, Muungu yangu na Muungu yenu."

33 Yesu akamba, "Nikeaho na nywie kwa kisingi kijihi, nikabinda nendaniuye kwa yuda mwekuniagiiya.

16 Haika sii ya mbui zekufiswazo za Muungu ni khuu muno,

Akaoneka ana umbo da mntu

Akaikwa pwii na Muye wa Muungu kuwa ni wa kwei

Nee aoneka na wandima wa uwanga kwa Muungu,

Akabiikiwa gatigati ya wantu wesao kuwa Wayahudi,

Nee azumiwa mwe inusi ngima,

Akadoigwa uwanga kwa Muungu akahokewa na ukuu.