Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
Ulonzi ulingunojeza wangudetaga na kunoga kwa kumeho kwangukolaga himahima,
ila mdala yalingumdumba Mkulu Nguluwi kotogoligwa.
Kuli kinoliga kwa hemwe, kuleche kuwa kinoliga kwa kunze, kota vila mbuli ya kudalanga mnvili kwa vinji na kuvala vinhu vya zahabu na nguwo zinojile. Ila kinoliga kwa hemwe, kwanguganigwa kuwe mgati mwa nhumbula za hemwe, ila kinoliga kuli vinhu vyohambe viwifigwe, kota vila, muhe wa uliholile na kusindamala, uwele na katogo ng’hulu ng’hatu hali Nguluwi.
Ila Mkulu Nguluwi nakamlonjela Samweli, "Uleche kulola kumeho kwa heye na vyoyawele ng’wemang’wema, kwa vila heni nandimlema. Heni, Mkulu Nguluwi, hambe ndole vila vinhu vyoyalingulola munhu. Munhu kangulolaga kwa kunze, ila heni Mkulu Nguluwi ndangulolaga mnhumbula."
Hihyo du, ndanguwagana wadala wagoloche na walinguhulichiza kuli kuvala mivalo jilingukundigwa hali wanhu, haiwele kwa kinoliga kwa kudalanga mnvili na kinoliga kwa zahabu na lulu ama nguwo zilinguguligwa kwa sendi nyinji, ila kwa madito ganojile kota vyoilinguganigwa kwa wadala walingumfugamila Nguluwi.
Hegwe nakundita heni, nhumbula na muhe,
nakungongomanya mmunda mwa mayangu.
Ndangukutogola kwa vila nditigwa kwa kububuwaza na vinduzanduza,
madito ga hegwe ndo ga kububuwaza,
nhumbula ya heni yangugazela ng’hatu.
Hegwe kwa unojile kweng’ha, gwa yondikuganile,
kwahela nongwa mgati mwa hegwe.
Lelo Nguluwi nakamlumba munhu kwa kiwhana na heye. Ena, kwa kiwhana na heye nakamlumba. Nakawalumba mlume na mdala.
Hetwe twa wana wa Nguluwi, kwa kilumba na Kilistu Yesu, nakatulumba kwa chiwalo cha kikala kwa kudita madito ganojile goyagawichile.
Yelusalemu inyale
Winuche gwa Yelusalemu ulangaze
kwa vila lumuli lwangulawa kwa chiwalo cha hegwe,
ukulu wa Mkulu Nguluwi wangukulangazila.
Misolo janguswinha na uluwa lwanguswinha,
ila ulonzi wa Nguluwi wa hetwe wangikala mazuwa gose."
Kikala kwa makundo
Kwa chiwalo acho hambe tutweguche nhumbula, hanga ng’huli za hetwe zokola, ila kwa mgati twanguditigwa tuwe goya chila zuwa.
Mleche kuwa na lunhwinhwi
"Ndanguwalonjelani hemwe, mleche kijesa kuli ukomu wa hemwe, molya choni ama monwa choni leka muwe na ukomu, ama movala choni. Ndaze, ukomu unoga kusinda chilyo na lukuli lunoga kusinda nguwo.