Beleza
A verdadeira beleza vem de dentro. A Bíblia ensina que o encanto é enganoso e a formosura é vã, mas a mulher que teme ao Senhor — essa sim merece louvor.
शोभा हआ झ़ुठी अर हेरनी बित्ती बी निं सदा रहंदी,
पर ज़ुंण बेटल़ी बिधाते डरा हेठे रहा, तेसे हणीं सर्राफी।
थारअ हार शंगार निं लोल़ी दखाऊटी हुअ, थारअ शंगार लोल़ी इहअ हुअ ज़ुंण परमेशरे लोगा शोभा दैआ, नां कि कई रंगे गुछ़टी बाली करै अर सुन्नैं-च़ंदी, मोती, अर किम्मती झिकल़ै बान्हीं करै। तम्हैं लोल़ी भितरी थारै दिला का शोभलै हुऐ, ज़ुंण शोभा सदा रहा। मतलब थारअ सिधअ-सादअ सभाब अर शांत बभार ज़ेतो मोल परमेशरा का खास्सअ शुझिआ।
पर बिधाता बोलअ शमूएला लै, "तूह निं इहअ भाल़अ लागै कि अह आसा हेरनअ बित्तअ अर खास्सअ लाम्मअ। मंऐं अह आथी छ़ांटअ द किल्हैकि हुंह निं तेऊ साबै भाल़दअ ज़िहै मणछ भाल़ा। मणछ भाल़ा बाघलअ रूप पर हुंह भाल़ा मणछो दिल कि सह किहअ आसा।"
तिहअ ई, बेटल़ी बी करै लाज़-शरम डाही भलै कामों हार शंगार करनअ इहअ शंगार ज़ुंण परमेशरे लोगा शोभा दैआ, नां कि कई रंगे गुछ़टी बाली करै अर सुन्नैं-च़ंदी, मोती, अर किम्मती झिकल़ै करै। पर तिन्नां लागा होरी लोगा लै भलै काम करनै सह आसा तिन्नों शंगार अर असली शोभा।
तंऐं आसा मेरी देही भितरे सोभै गल्ला बणाईं दी,
मेरी आसा आपणैं हाथै मेरी माए ओदरै हुंह बूणअ द।
हुंह करा तेरअ शूकर किल्हैकि ताखा लागा डरनअ ई,
ज़ेऊ साबै तंऐं हुंह बणाअं सह आसा बडअ ज़बर अर नोखअ!
ऐहा गल्ला समझ़ा हुंह ज़ाथी राम्बल़ै करै।
ए मेरी झ़ूरीऐ, तूह आसा सोभी गल्ला दी लोभणैं आल़ी,
ताह दी निं खोट आथी ई।
तेखअ बणाऐं बिधाता मणछ आपणैं रुपै आप्पू ज़िहै, तिंयां बणाऐं बिधाता मर्ध अर बेटल़ी दूई रुपै।
किल्हैकि हाम्हैं आसा तेऊ परमेशरै बणाऐं दै अर मसीहा ईशू दी आसा हाम्हैं नऊंऐं मणछ तिन्नां भलै कामां लै बणाऐं दै ज़ुंण परमेशरै पैहलै ई आसा म्हारै बारै सोठअ द कि हाम्हैं करे।
एरुशलेम, खल़ी उझ़ू संघा च़मक सुरज़ा ज़ेही,
ताह प्रैंदै आसा बिधाते प्रतप्पो झ़ामण लागअ द!
घाह ता शुक्का अर फूल बी मछैंआं,
पर बिधाता ज़ुंण बैण बोलअ, सह हआ अटल़।
म्हारअ मन्न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं।
"तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि किज़ै खाणअ किज़ै पिणअ? नां आपणीं देही लै फिकर करी कि हाम्हां किज़ै बान्हणअ? ज़िन्दगी आसा रोटी का अर देही आसा झिकल़ै का खास्सी किम्मती।