Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Ila pamlongoswa na Mpumulo wa Sapanga mweni atewaghola muweli na kupalana na luheku na kuponga na kufumilila na umaha na kutangana na uchakaka, unyalinyali na kuikanisa mweni. Kwahela laghilo lyeni kuwesa kulonga mighalu hai ni mihakata.
Kwa nagha, kwa vila tungupokela fwasi na tuwagholeli wandu wogha ghamaha, nesu nesu wala walongo weni kumkwinila Kilisito handa twenga.
Mkotoho kulongela milando mihakata, lipindi lyogha mlongeli milando gha maheli yeni kuwachenga waghangi ili yawatangi wala wenikuyoghanila.
Hinu muweli na luhungu na muweli na moyu wa kulitanga, na kila mmonga na amlekeseli mahakata myaki handa vila Sapanga amlekesenili mwenga sambi kupitila Kilisito.
Muwapali wayenu kwa moyu mbuleti. Kangi mkotoho kughola sambi ila muweli mkighola ghamaha lipindi lyogha.
Ukotoho kusindwa na uhakata, ila wenga uusinde uhakata kwa ulungwana.
Wandu waghangi paghati gha mwenga wangulonga vindu vyogha vilekeselwa ila ng’ogha vyogha vingutanga ila nenga ningulonga pamonga na yiwa vindu vyogha vilekeselwa ng’ogha vyogha vyeni kuwesa kuwatanga.
Mukotoho kungongwa na wandu weni kulonga nagha kwaikiva, "Maghanja wahakata wanguyalamisa ndyangilu ghamaha."
Sapanga kanguwesa kuwapegha mwenga kupiti vila mngupala kupokela, ili pamuwela na kila kindu mpati kupegha kukila lihengu maha.
Hilahila ningupala wadala wavali kwa utundamilu na waweli ndyangilu maha, ng’ogha kwa mitindu gha kuluka hwila, kulilemba kwa zahabu, au lulu au nguu zya mapesa ngoo, Ila kulipamba kwa weni kungupalwa kuvile kwa matendu gha maha handa ingupalwa kwa wadala wayitikila kumkwinila Sapanga.
Mweni alihumisili mweni baha kwaikiva gha twenga ili atulokoli kuhuma kuuhakata wogha na kutughola tuweli wandu maheli wa mweni baha, wandu wavile na luhujulu lwa kughola mighalu maha.
Kwaikiva nagha, myangalayi kuukwinila wa mwenga muyongesi ulungwana, na kuulungwana muyongesi kujivula, na kwa kujivula muyongesi kujilongosa mweni, na kukujilongosa muyongesi kufumilila, na kukufumilila kwa mwenga myongesi kumtundamila Sapanga, na kukumtundamila Sapanga muyongesi upalo wa ulongo, na kuupalo wa ulongo muyongesi upalo.
Ghani atewesa kuwahakili mwenga ikiva mnguyangala kukughola ghamaha?
Kwahela wandu wanguwesa kukosa taa na kugubika kwa lidebi, ila wanguvika kunani kindu kya kuvikila taa ili iwesi kuwalangasila wogha wa mlighuta. Hilahila, mhana wa mwenga ulangasi kuulongolo gha wandu, ili wapati kulola matendu gha mwenga maha na wawesi kumyinula Tati wa mwenga wa kundumba.
Mvile na luhungu handa Tati wa mwenga avile na luhungu.