16 Uuktaab kassuuh Ukwaasanaay Ishuukee attiyeewiyaab, wꞌallamtii dehaay anfꞌiini, danniin, eetkwiikw, aree tooshbu islamiid. 17 Aflaay uutak Ukwaasanaay dehaay shagaamiiniib tudaayiinaayti shagaay dehaay daayiib gadhꞌamaab ikati.

15 Baruuk dis oor tiiktiyihoob shꞌaa! Baruuk Eektab Imugaddasa tikana. Aan aaktab barook umidhhan istoobiint tifagarandi yhiin hook, umidhhan Umasiih Yasuuꞌiib wꞌaamantii ikatiib yhiin hook. 16 Uuktaab kassuuh Ukwaasanaay Ishuukee attiyeewiyaab, wꞌallamtii dehaay anfꞌiini, danniin, eetkwiikw, aree tooshbu islamiid. 17 Aflaay uutak Ukwaasanaay dehaay shagaamiiniib tudaayiinaayti shagaay dehaay daayiib gadhꞌamaab ikati.

20 Laakiin gaal han oodꞌooh eektabi tafsiir tari siruud biiꞌafhamayeet toona ibakii kanna. 21 Inabiya aakna teen teena kwinaab kiikeena, laakiin baraah Eeshuuk Imugaddasaayee mitiyaamaaba.

15 Ukwaasanaay suurii daayiib waasamaab tikatiyi jillaay daayiib shagaama. Ushagaamana ushagaayiisooh kiisikwꞌa, aree baruuh usidki bhali daayiib kaleewiini.

2 Tudiigwat oodehay kasseeh sikatima, tehibiiwwa umhagaayiiwwa oodehay shiishbooba, dinina, sꞌakira, winneet tarmuumaab dꞌiya aree daayiib sooyaa.

13 Ani yꞌaniyeeb ookiik baruuk oodehayii dehaay ooktaab agriitinyi jillaay maraa, oodehayi ibhaliisamtiiwwa wꞌallamtiiwwa dehaay maraa.

12 Ukwaasanaay ibhali dhhaniiba aree diimaab eefeena, baraah malu ginnali bꞌadhdhiika hasikaaba. Baraah eenfiswa eeshuukwa han yꞌadhidhna, eebꞌiiwwa tumiigꞌoolwa yꞌadhidhna, iginꞌiit kwoonaniiwwa tiniyaawwa han yꞌadhidhna.

35 Tuubuutwa taabreewwa iyaayiina, laakiin aniib ibhali door han iiyyi kiidiin.

4 Yasuuꞌa igwibi, "Tuun kataabtu: ‘Wꞌaadami mꞌariit toobhaanaatii kiikwiri, laakiin Ukwaasanaay yafii yꞌeen ibhali yharriiw.’ diyaabu." idi.

17 Bareeh usidkii marook abika, ibhaliyaak sidika.

39 Baraak eektab agriiteena, iktabeeb umidhhan udaayim timeerneeb hiisteena. Aan aaktab aree kassaah aniib hadiideen.

25 laakiin Wꞌankwanaay ibhali diimaab daayi iyadna." indi uuktaab.

Aree aan ibhali bareeyookna dehaay bhaliimiyaab Usakana Udaayiib ikatiin.

11 Uudehay Beeriiyaay iifiin Tasaaluuniikaay udehayiika daayikaabayt, afirhaa ibhali isnaakirna. Ibhali baraah iidneeb sidik iiktiineeb biikaayneeb iishbibnee dehaay bꞌeebka ooktaab agriiyaan.

2 Baawloos suur sakiyeet toonaatiit beentooy ibi. Mhayt Sabtaat aree oodehay ooktaabii bhaliisamiya. 3 Baruuh Umasiih ibakii lhamiiniyeet toona oodehay rhisi. Malya tooyat hooy yakiyaneet toona sooyi. Baawloos masi Yasuuꞌa, baruuh hooy hadiidiyaneeb Umasiih ikatiyeet toona han sooyi.

30 Fiilibus utanbiil idwilihoob, uutak unabi Isyaasiib ooktaab tageega hissii agriiyee imaasiw. Fiilibus barooh raatiya, "Toona tꞌagriitiniyeet afhamtiniya?" idi.

31 Uuntak igwibi, "Weer iishatamheeb biidiyeek, kak afhamani?" idi. Malya baruuh Fiilibus utanbiiliib geebooh eesitꞌeet toona hooy yhariw.

32 Uutak ooktaabiib een ibhali agriiyi:

"Baruuh wharuudi arginiit saloolamiya,

aree wꞌargin wꞌitoomiinnaayt diniya,

aflaay uyafooh han nigilaab kiiki.

35 Malya Fiilibus oon unabi kitaabii badooyaayt, barooh Yasuuꞌiib usakana udaayiib sooya.

25 Yasuuꞌa bareeyooh dehaay, "Naanhooy kaꞌafhamtaana? Inabiya iidneet toona kastooh kak diiseet aamanteena? 26 Umasiih teen teena haay lhameetiit malya umatuunooh shuumiiniyeet toona kitti han?" idi. 27 Malya Yasuuꞌa kasseeh iktabeeb bariiyooh kataabt toonaatiib bareeyooh dehaay fassariya. Muusaay badooyaayt, kassaah inabiya diyaab iiktiineet toona bareeyooh dehaay fassariya.

18 Malya Yasuuꞌa dehaay eeyaayt, "Kastuuh tehadꞌaayi toobuutwa tibreeteebwa teefeet aneeb attiyeewiyaatu. 19 Shaawti difnaat kasseeh yhasheeb gwida kwiriyaatay dꞌiina. Bareeh Ubaabaawwa, Wꞌoorwa, Eeshuuk Imugaddasaayeewwa simii misna. 20 Ani sooyaneetookna toona aree kastooh bareeh allamaana. Ani han sidik diimaab geebookna eefi, tuduniyaati agiya ookna ookiik geebookna eefi." idi.

7 Giigteenihoob, toon tudiigwat bhaliiyaana, ‘Tibreeteet hadꞌaayi dawiltu.’ diina!

18 Oon ooktaabi siruud eemsiiw kassaah ani akraab sooyani hookna; een bareeh naat han gaal hooy eeshiwiyeek, Ukwaasana han tinasiibi oon ooktaabiib soomamaat bariiyooh dehaay iishiwi indi. 19 Oon oosruudi kitaabii gaal han kalmaat hooy giigsiiniyeek, Ukwaasana han bariiyooh wꞌadhidh umidhhani hindi ikatiibwa tumadiina tumugaddastiiwwa barooh giigsi indi. Aan baraah oon uktaabiib eefeen.

6 Baraak willa Ukwaasanaay fidnaab yaktaaneet toona ani asgarib. Baruuh tinꞌimaateesooh waasiya hookna, aree baraak weer injiil aamantaana. 7 Gaal sidki injiil uubhaat sidkiit eefi. Laakiin dehay gali gwirhaayeeb dhibseen hookna, Umasiihiib usakana udaayiinaay fidinti giigsitiib isehariiwna hookna. 8 Oon hinin dehookna bhaliinayeeb wꞌinjiil nuun, weer dehookna bhaliiyiiniyeek, beet toona sakiiniib hinee gaal ikatiyeek han tari tibreeti malakee ikatiyeek, atooꞌitaab baꞌiikti. 9 Hinin toon toona suur akay diyaaba, oontꞌa han ani masi andi. Gaal oon baraak agbiltaaneeb wꞌinjiil nuun weer dehookna bhaliiyiiniyeek, baruuh atooꞌitaab baꞌiikti.

15 Wꞌankwanaay utarmuuma midhhan ikatiyeet toona baabaadhiinna. Toon han wꞌaraawuun whayis Baawloos baliit tifagarandi Ukwaasana barooh hiiyyaab iiktiyeenaatee dehookna iktib. 16 Baawloos kassooh ujawaabiyooh teen teena tiknaateeb hadiidiini. Laakiin baruuh diyaab iiktiyeet teena galit wꞌafhamtiyuuh akraabi. Dehay gali yꞌagimwa wꞌiimaaniib takwakw baakaywa baruuh diyaab iiktiyeet toona haligtiit igarooyeehna kwidhseen. Baraah eektab irawi geeb han bak tꞌiiteena sakeen.

4 Tuuna suur kataabt kastuuh hini allamti jillaay kataabti. Aflaay tarmuumaaywa eektabi sꞌakrooytiiwwa sꞌayaab nimeer.

14 Aflaay barooh ookna aamanaab baakaay uudehay kak barooh waliikeen? Aree barooh ookna maaswaab biikaayneek kak aamaneen? Aree tak gaal bareeh bhaliisamaab baakaay, baraah kak eemsiiwna? 15 Bareeh gaal dehaay diigwatamaab biikaayeek aree kak bhaliiyeena? Uuktaab bak indi: "Baliin usakana udaayiib haay yꞌeen kak iragadaayaahna daawriiba!" indi.

16 Laakiin usakana udaayiib agbiliyaan Yꞌisraaꞌiili kasseeh kiikeen. Unabi Isyaas bak indi: "Yaa Wꞌankwanaay, tudiigwattoon aaw aamaniya?" indi. 17 Aflaay tudiigwatti maaswii wꞌiimaan yꞌiini, aree Umasiihi bhaliyee tudiigwat titmassiiw.

16 Ani Usakana Udaayiinaay sikwꞌiib kaabari. Baruuh aree oodehay yꞌaamaneen kasseeh ishidhhiin Ukwaasanaay akrir ikati. Hankaab Iyahuudee dehaay, malya aree Ijintiilee dehaay ikati. 17 Usakana Udaayiinaay aree, tuushbu Ukwaasanaay lawi tindi, tuushbu been wꞌiimaanii tikatiit, tibadootee wꞌagiya ookiik tikati. Batuuh uktaabiib bak kataabtu: "Uushbu wꞌiimaanii ikwaar indi." diyaabi.

12 Hinin toon tuduniyaati shuuk nuunamaab kinki. Laakiin Ukwaasanaay ikatiin Eeshuuk nuunamna. Aflaay Ukwaasana tikwkwuuyt yhiiyyeetoon toona afhameen nikati. 13 Toon toona bak hadiidnay, dehayiit fagarandiiti bhaliyee allamamaab kinki. Laakiin bhaliib Ishuukee allamameeneeb Ishuuki sidkiiwwa ishuuki bhaliiyeewwa bareeh hadiidnay. 14 Uutak Eeshuuk anu, teena Ukwaasanaay Ishuukee yꞌeent kagabbalamiya. Baruuh Eeshuuk afreeb hiisiini aree Aashuuk naan ikatiineeb ishuuki dehay aabhat afhameenayt, baruuh bateeh kaꞌafhamiya.

21 Uudehay iknaayeet fagarandiiti salalii Ukwaasana kanaab kiikeen. Baliib yꞌaamaneen nishidhhiini jillaay bhaliinayeet tudiigwat "Yꞌafri" tittiyoodiit Ukwaasana batiisooh afirhiya.

22 Iyahuudi mꞌuujisaateet alaama raateena, aree Iyoonaani fagarandiit yhariwna, 23 laakiin hinin Umasiihi sallabamiyaab bhaliinay: Iyahuudi akraat goofi dehaay tikati, aree Ijintiili afreeb dehaay tikati, 24 laakiin baliib Ukwaasana waliikiyaneeb, Iyahuudiiwwa Iyoonaaniiwwa kasseeh Umasiih Ukwaasanaay akrirwa Ukwaasanaayt fagarandiitwa dehaay ikati.

17 Umasiihi ani anmiisee dehaay diigwataayu kiiki. Laakiin Usakana Udaayiib ibhaliiti jillaay diigwatiyaheeb. Dehayiit fagarandiiti kalmaatee kiiki, Umasiihi saliib yꞌakrireesooh harar iikti kiidi.

9 Laakiin baraakna waasama dehaywa, hadꞌaayi fagiiriyaayi jamꞌaawwa, mugaddas dehayaawwa, Ukwaasanaay dehaywa tikatiina. Bareekna uthibnii unuurooh wꞌajiibi beeti haay eeyaab Ukwaasana, bariiyooh whamaad sooyeen tikatiina.