Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
सारू पवित्रशास्त्र परमेशरेरे अगवैई सेइं लिखोरू, ते इन लोकन शिखालनेरे लेई मद्दतगारे, तैन ज़ोनेरे लेई कि ज़ैन तैनेईं कियूं तैन गलते, तैन केरि गेलती सुधारनेरे लेई, ते तैन केरनेरे लेई शिखालनेरे लेई ज़ैन सही आहे। ताके परमेशरेरो मैन्हु हर किसमेरां रोड़ां कम्मां केरनेरे लेई तियार भोए।
ते बचपनेरो तू पवित्रशास्त्रेरो ज़ान्ने बालोस, ज़ैन तेरी इन समझ़नेरे लेई मद्दत केरते, कि ज़ैखन तू यीशु मसीह पुड़ विश्वास केरतस परमेशर तीं मुक्ति देते। सारू पवित्रशास्त्र परमेशरेरे अगवैई सेइं लिखोरू, ते इन लोकन शिखालनेरे लेई मद्दतगारे, तैन ज़ोनेरे लेई कि ज़ैन तैनेईं कियूं तैन गलते, तैन केरि गेलती सुधारनेरे लेई, ते तैन केरनेरे लेई शिखालनेरे लेई ज़ैन सही आहे। ताके परमेशरेरो मैन्हु हर किसमेरां रोड़ां कम्मां केरनेरे लेई तियार भोए।
पन इन ज़रूरी कि तुस नेबी केरू वचन ज़ैन तुस पवित्रशास्त्रे मां पढ़तथ, तैन वचन तैन केरे अपने खियाल नईं। किजोकि कोई भी भविष्यिवाणी मैन्हु केरे मेर्ज़ी सेइं न भोइ, पन भक्त लोक पवित्र आत्मारे अगवैई सेइं परमेशरेरे तरफां सन्देश ज़ोते थिये।
बड़ी मेहनत केर ताके तू परमेशरेरे सामने कबूल भोनेरे काबल भोस, तू एरे मैन्हेरो ज़ेरो भोनेरी कोशिश केर ज़ै अपने कम्मेरे वजाई सेइं शरमिन्दा न भोए, ते ज़ै सच़्च़ो सन्देश ठीक तरीके सेइं शिखालतो भोए।
कि तू परमेशरेरू वचन प्रचार केर, वक्त बे वक्ते तियार रा, तू लोकन ज़ैना बुरां कम्मां तैनेईं कियां हिरा, तैन केरे पापां केरे लेई तैन झ़िड़क पन तैन होसलो भी दे ते तैन सबरी सेइं शिखाल।
ज़ांतगर अवं न एज्जी, तांतगर ज़ैखन विश्वासी लोक अकोट्ठे भोतन ज़ोरे सेइं पढ़ने मां, ते तैन केरो होसलो बद्धा ते पवित्रशास्त्रेरो मतलब शिखाल।
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
किजोकि परमेशरेरू वचन ज़ींतू ते शेक्ति बालूए, ते हर दूई धारण बैली तलवारी करां भी जादे तिख्खू आहे। ते तैन प्राण ते आत्माई गहराई तगर च़ीरते, ज़ेन्च़रे तिख्खी तलवार जोड़न ते हेड्डी केरे एन्त्रियों मासे वारां पार च़िरतां निसतीए ते दिलेरे खियाल ते मैन्हेरो इरादो भी ज़ानते।
अम्बर ते धरती टेली गाली पन मेरी गल्लां कधे न टेलेली।"
यीशुए तैस जुवाब दित्तो, "अवं न केरेलो किजोकि परमेशरेरी किताबी मां लिखेरूए,
‘मैन्हु सिर्फ रोट्टेइं सेइं ज़ींतो न राए,
बल्के तै हर गल मन्ने सेइं ज़ींतो राते, ज़ै परमेशर ज़ोते।’"
यहोवा ज़ोते, "ज़ेन्च़रे अम्बरेरां झ़ड़ी ते हिवं बखते ते तैना फिरी वापस न गान, बल्के ज़मीनी पुड़ पेइतां फसल उगातीए ज़ैस सेइं बेनेबाले बीज़ ते खानेबाले रोट्टी मैलतीए। तेन्च़रे मेरू वचन भी भोल्हु ज़ैन मेरे ज़बाना, तैन बेकार भोइतां मीं कां वापस न एज्जेलू; पन मेरी मर्ज़ी पूरी केरेलू, ते तैस मकसदे मां कामयाब भोल्हो ज़ेसेरे लेई मीं तैन भेज़ोरू थियूं।
तेरू वचन सच़्च़े। सच़्च़ेरे ज़िरिये सेइं तैन पवित्र केर।
तुस पवित्रशास्त्रे मां एन पढ़तथ, किजोकि तुस सोचतथ कि हमेशारी ज़िन्दगी तैस मां मैलतीए, तै ईए, ज़ै मेरे बारे मां गवाही देते।
पन प्रभुएरू वचन सदा बनोरू रालू, ते वचन मसीहेरे बारे मां खुशखबरी ज़ै तुसन शुनाई जेई।"
जुवान अपनि चाल केन्च़रे सेइं शुद्ध रख्खे?
तेरू वचन मन्ने सेइं।
तेरे सारे वचन सच़्च़े आन;
ते तेरो अक-अक धर्मी नियम हमेशा तगर अटल आहे।
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
बिरीया नगरेरे लोक थिस्सलुनीके नगरेरे यहूदन करां भले थिये, तांए तैनेईं खुशखबरी बेड़ि खुशी सेइं कबूल की, तैना रोज़ एना गल्लां केरे बारे मां गलबात केरते थिये, कि पौलुसेरी गल्लां सेच़्च़ी आन कि नईं।
पौलुस अपने रीतरे मुताबिक प्राथना घरे मां ट्लाई आरामेरे दिहाड़न तगर पवित्रशास्त्रेरी किताबी मरां तैन सेइं बेंस केरतो राव। पौलुस तैन केरो मतलब खोल्ली-खोल्ली समझ़ातो थियो, "कि यीशु मसीहे दुख झ़ैल्लनो ते मुड़दन मरां ज़ींतू भोनू ज़रूरी थियूं, कि ज़ैस यीशुएरे बारे मां अवं प्रचार केरतम, तैए मसीह आहे।"
फिलिप्पुस देवड़तां रथे कां नेड़े पुज़्ज़ो, त तैस करां यशायाह नेबेरी किताब पढ़ती शुनी, ते तैस पुछ़ू, "तू ज़ैन पढ़ने लगोरोस कुन तैन समझ़तस?" तैनी ज़ोवं, "ज़ांतगर कोई मीं न समझ़ाए त अवं केन्च़रे सेमझ़ी?" ते तैनी फिलिप्पुसे कां मिन्नत की, कि एई रथे पुड़ बिश।
पवित्रशास्त्रे मरां ज़ैन तै पढ़ने लग्गोरो थियो,
त तैन इन थियूं, "तैनेईं तै भैड्डरो ज़ेरो मारने जो नियो,
ज़ेन्च़रे गबड़ू अपनि उन्ना बरधांने बालां केरे सामने च़ुप रहते,
तेन्च़रे तैनी भी अपनु आशी न खोल्लू।"
तैखन फिलिप्पुसे ज़ोनू शुरू कियूं, तैनी पवित्रशास्त्रे करां शुरू केरतां यीशुएरो खुशखबरी शुनाई। खोजे तैना गल्लां शुनी ते विश्वास कियो।
किजोकि एज्रा यहोवारे कानूनेरो मतलब समझ़ने, ते तैसेरे मुताबिक च़लने, ते इस्राएले मां विधि ते नियम शिखालनेरे लेई अपनो मन लेवरो थियो।
यीशु तैन दूई चेलन सेइं ज़ोवं, "हे बेअक्ल लोकव! तुश्शे लेई पवित्रशास्त्र मां नेबी केरि ज़ोवरी गल्लन पुड़ भी विश्वास केरनो केत्रो मुश्किले। कुन मसीहेरे लेई ज़रूरी न थियूं, कि दुख झ़ैल्ले ते फिरी अपनि महिमा मां दाखल भोए?" यीशु अपने बारे मां तैना सैरी गल्लां समझ़ेई, ज़ैना पवित्रशास्त्रे मां मूसा करां देंते सारे नेबेईं ज़ोवरिन।
तैखन यीशु तैन केरे नेड़े एइतां ज़ोवं, "धेरतरो ते सुर्गेरो सारो अधिकार मीं दित्तोरोए। एल्हेरेलेइ तुस गाथ ते सैरी कौमां केरे लोकन चेले बनाथ, ते तैन बाजी, ते मट्ठेरे, ते पवित्र आत्मारे नंव्वे सेइं बपतिस्मो देथ। ते तैन तैना सब हुक्म मन्ने शिखाला ज़ैना मीं तुसन दित्तोरेन, ते हेरा, अवं दुनियारे आखरी तगर हमेशा तुसन सेइं साथी आईं।"
ते च़लते-च़लते, एन शुनाते गेइयथ कि सुर्गेरू राज़ नेड़े एवरूए।
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
तैखन यहोवा एलिय्याह सेइं ज़ोवं,
यहोवाए पतूएलेरे मट्ठे योएले ई सन्देश दित्तो,
फिरी यहोवा मीं सेइं ज़ोवं,
यहोवा मलाकी नेबेरे ज़िरिये इस्राएली लोकन सेइं एन ज़ोते।
फिरी यहोवा परमेशरे जकर्याहे सेइं ज़ोवं, "सेना केरे यहोवाए एन ज़ोवरूए,
तैखन यहोवा यशायाह नेबी सेइं ज़ोवं,
यशायाह नबूवत केरते ज़ोते, प्रभु यहोवारो आत्मा मीं पुड़े; किजोकि यहोवा खुशखबरी शुनानेरे लेई मेरू अभिषेक कियोरूए ते अवं एल्हेरेलेइ भेज़ोरोईं कि दुखी लोकन शान्ति देईं, ते कैदी लोकां केरे लेई आज़ादी ते कैदी लोकां केरे लेई छुटकारेरो प्रचार केरि; कि यहोवारे खुश रानेरे सालेरो ते इश्शे परमेशरे बदलो घिन्नेरे दिहाड़ेरो प्रचार केरीं; कि सेभी मातम केरनेबालन शान्ति देईं। ते सिय्योनेरे मातम केरनेबालां केरे दोग्गे पुड़ेरां मांज़न दूर केरतां खूब रोड़ी पगड़ी बन्धेलो, कि तैन केरो मातम दूर केरतां तैन खुशरो तेल लेईं ते तैन केरि उदासी हटेइतां तैन यशेरां लिगड़ां लुवेइं; ज़ैस सेइं तैना धार्मिकतारे बंज़ेरे बुट्टे हैठ ते यहोवारे लेवरे ज़ोए गाले ते ज़ैस सेइं तैसेरी इज़्ज़त बांदी भोल्ही।
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
परमेशरेरू अक-अक वचन तेवरूए;
तै एप्पु कां एजनेबालां केरि ढाल बनो।
तैसेरे वचन्न मां किछ न बधा,
एरू न भोए कि तै तीं डांटे ते तू झूठो ठहरस।
अवं हेर एक्की ज़ै इस किताबरी भविष्यिवैनरी गल्लां शुनते गवाही देताईं, कि अगर कोई मैन्हु इन गल्लन मरां किछ बधाए, त परमेशर तैना आफतन ज़ैना इस किताबी मां लिखोरिन, तैस देलो। ते अगर कोई इस भविष्यिवैनरी किताबरी किछ गल्लां कढे, त परमेशर तैस ज़िन्दगरे बुट्टे ते पवित्र नगरे मरां ज़ेसेरे बारे मां इस किताबी मांए, तैसेरो हिस्सो कढेलो।
अवं हैरान भोताईं, कि परमेशरे तुस मसीहेरे अनुग्रहे मां ज़ींनेरे लेई कुजाए; ते तुस तैस करां एत्रे जल्दी फिरतां होरि किसमेरी खुशखबरी मन्ने लाए। पन सिर्फ एक्के सच़्च़ी खुशखबरी आए, गल ईए, कि किछ लोक एरेन, ज़ैना तुसन धोखो देतन, ते मसीहेरी खुशखबरी बगाड़ने चातन। पन अगर असन मरां कोई या कोई स्वर्गदूत भी तुसन कोई तैस खुशखेबरारे अलावा ज़ै असेईं तुसन शुनोरी, शुनाए त लानती भोए। ज़ेन्च़रे असेईं पेइलू ज़ोवरूए, तेन्च़रे अवं हुना फिरी ज़ोताईं, कि तैस खुशखेबरारे अलावा ज़ै तुसेईं कबूल कियोरोए, अगर कोई होरो खुशखबरी शुनाए, त लानती भोए।
ते इश्शे प्रभुएरे सबरारे बारे मां सोचा तैने तुसन मौको दित्तो, कि तुस एजने बाले न्याये करां बच़थ। इन इश्शे ट्लारे विश्वासी सैथे पौलुसे भी तुश्शे लेई तैस समझ़रे मुताबिक अपने चिट्ठी मां लिखोरू ज़ै परमेशरे तैस दित्तोरीए। तैने अपने सैरी चिट्ठन मां ज़ैना तैने विश्वासी लोकन जो लिखी, इना सैरी गल्लां तुसन लिखी। पन किछ तैसेरी लिखोरी गल्लां समझ़नी मुश्किल आन। तैन लोकां केरे लेई ज़ैनेईं रोड़े च़ारे नईं पढ़ोरू ज़ैन इस बारे मां पक्को पतो नईं कि तैना कुन विश्वास केरतन, तैना गलत तरीके सेइं इन मुश्किल गल्लां केरे मतलब कढतन, ज़ेन्च़रे तैना पवित्रशास्त्रेरी किछ गल्लां केरो गलत तरीके मतलब समझ़तन। एन्च़रे केरने सेइं तैना अपनो आप इस काबल बनातन कि परमेशर तैन नाश केरे।
ज़ेत्री गल्लां पेइली पवित्रशास्त्रे मां लिखोरिन, तैना इश्शे शिक्षारे लेई लिखोरिन, कि अस सबरी ते पवित्रशास्त्रे करां हिम्मत हासिल केरम ताके असन उमीद भोए (परमेशर तैन्ने केरेलो ज़ेसेरे बारे मां तैनी वाधो कियोरोए)।
पन प्रभु पुड़ लोकेईं विश्वास न कियो त तैना तैसेरू नवं किजो घिन्न? ते ज़ेसेरे बारे मां तैनेईं शुनोरू नईं तैस पुड़ केन्च़रां विश्वास केरेले? ते अगर तैसेरे बारे मां कोई प्रचार न केरे त तैना केन्च़रां शुनी बटतन? ते अगर कोई प्रचार केरनेरे भेज़ो न गाए त तैना केन्च़रे शुनेई बटतन? ज़ेन्च़रे पवित्रशास्त्र ज़ोते, "तैन केरे पव केत्रे रोड़ेन, ज़ैना खुशखबरी शुनातन!" पन सेब्भेईं तै खुशखबरी कबूल न की। यशायाह नबी ज़ोते, "हे प्रभु कोई इश्शे सन्देशे पुड़ विश्वास न केरे।" एल्हेरेलेइ मसीहेरे बारे मां सन्देश शुन्नेरे बगैर कोई भी तैस पुड़ विश्वास न केरि बटे।
किजोकि अवं यीशु मसीहेरी खुशखबरी प्रचार केरने करां न शरमेई, एल्हेरेलेइ परमेशर अपने शेक्ति सेइं तैन लोकन मुक्ति देते, ज़ैना खुशखेबरी पुड़ विश्वास केरतन, पेइले यहूदन फिरी गैर यहूदन। किजोकि खुशखेबरारे ज़िरिये परमेशर असन अपने नज़री मां धर्मी बनाते, ज़ैन शुरू करां आखरी तगर विश्वासे सेइं भोते। ज़ेन्च़रे पवित्रशास्त्रे मां लिखेरूए, "ज़ै मैन्हु विश्वासेरे ज़िरिये सेइं परमेशरेरे सामने धर्मी बनाव गाते तैए ज़ींतो रालो।"
पन असन दुनियारी आत्मा नईं, पन तै आत्मा मैल्होरोए, ज़ै परमेशरेरे तरफांए, कि आस तैन गल्लन समझ़म, ज़ैना परमेशरे असन दित्तोरिन। एल्हेरेलेइ अस मैन्हु केरे ज्ञानेरी शिखैलोरी गल्लन मरां नईं, पन पवित्र आत्मारे शिखैलोरी गल्लन मरां आत्मिक गल्लां आत्मिक ज्ञाने सेइं समझ़ातम। पन जिसमानी मैन्हु परमेशरेरे आत्मारी सच़्च़ाई कबूल न केरे, किजोकि तैसेरेलेइ तै बेवकूफीए, ते न तै तैन सेमझ़ी सके, किजोकि तैना सिर्फ पवित्र आत्मारे ज़िरिये सेमझ़ी गैतिन।
किजोकि ज़ैखन परमेशरेरे ज्ञानेरे मुताबिक दुनियां ज्ञाने सेइं परमेशर न ज़ानो, त परमेशरे इन रोड़ू लग्गू, इस प्रचारेरे बेवकूफरे मुताबिक विश्वास केरनेबालन मुक्ति दे।
यहूदी त निशान चातन, ते गैर कौमां ज्ञानेरे तोपी मां आन। पन अस त तैस क्रूसे पुड़ च़ाढ़ोरे मसीहेरो प्रचार केरतम ज़ै यहूदी केरे लेई ठोकरारी वजाए, ते गैर कौमां केरे लेई बेवकूफीए। पन ज़ैना परमेशरे (अपने लोक भोनेरे लेई) कुजेवरेन, कुन यहूदी, कुन गैर कौमां, तैन केरे लेई मसीह परमेशरेरी शक्ति, ते परमेशरेरू ज्ञाने।
किजोकि मसीहे अवं बपतिस्मो देनेरे लेई नईं, बल्के खुशखबरी शुनानेरे लेई भेज़ोरोईं, ज़ैखन अवं लोकन परमेशरेरो सन्देश शुनाताईं त अवं मैन्हु केरे च़लाक खियालां केरो इस्तेमाल न केरि, एरू न भोए कि मसीहेरू क्रूस बेफैइदू भोए।
पन तुस तैन केरे ज़ेरे नईं किजोकि तुस परमेशरेरे च़ुनोरे लोक आथ, परमेशर ज़ै राज़ोए, तुस तैसेरे याजक आथ, तुस एरे लोक आथ ज़ैनेईं अपनो आप परमेशरे सौंफोरोए, ते परमेशरेरे अपने लोक आथ। तैने तुस आंधरे मरां बड़े लौई मां कुजेवरेथ, ताके तुस परमेशरेरे महान कम्मां केरे बारे मां एलान केरथ।