Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Ngmami tsuaa Ngmami nɛ a ngɔ ha wɔ ɔ je Mawu Mumi ɔ mi, nɛ e hi kɛ ha anɔkuale tsɔɔmi, konɛ wa yɔse nɔ nɛ hi ngɛ wa si himi mi. E kaa wa hɛ mi nɛ e daa wɔ, nɛ e tsɔseɔ wɔ nɛ waa pee nɔ nɛ da. E ji Mawu blɔ nya tomi nɛ e kɛ dlaa wɔ nɛ waa hi kɛ pi si nɛ waa pee nɔ fɛɛ nɔ kpakpa.
O le kaa o jokuɛwi a si nɛ a tsɔɔ mo Ngmami Klɔuklɔu ɔ ngɛ, nɛ lɔ ɔ ji nɔ nɛ pee mo ni lelɔ nɛ o he Mawu yi wami hemi ɔ ye kɛ gu Kristo Yesu nɔ. Ngmami tsuaa Ngmami nɛ a ngɔ ha wɔ ɔ je Mawu Mumi ɔ mi, nɛ e hi kɛ ha anɔkuale tsɔɔmi, konɛ wa yɔse nɔ nɛ hi ngɛ wa si himi mi. E kaa wa hɛ mi nɛ e daa wɔ, nɛ e tsɔseɔ wɔ nɛ waa pee nɔ nɛ da. E ji Mawu blɔ nya tomi nɛ e kɛ dlaa wɔ nɛ waa hi kɛ pi si nɛ waa pee nɔ fɛɛ nɔ kpakpa.
Nɛ ngɛ nɔ́ fɛɛ nɔ se ɔ, nyɛ kai kaa nɔ ko be nɛ lɛ nitsɛ e ma nyɛ tsɔɔ gbami munyu ngɛ Ngmami ɔ mi sisi ngɛ lɛ nitsɛ e suɔmi nya, se Mumi Klɔuklɔu ɔ nɛ haa nɛ a tuɔ munyu nɛ je Mawu ngɔ ɔ nɛ.
Mo tsu ni kɛ o he wami kulaa konɛ Mawu nɛ ha mo ayekoo. Moo pee o he ni tsulɔ kpakpa, nɔ nɛ zo be lɛ gbee ke Mawu ka o ni tsumi ɔ hyɛ ha. Moo le nɔ́ nɛ e munyu ɔ ngɛ dee kɛ nɔ́ nɛ e tsɔɔ.
Moo fiɛ Mawu Munyu ɔ be fɛɛ be, deka ngɛ jio, deka be jio. Mo ka a hɛ mi nɛ o tsɔɔ mɛ nɔ nɛ da, nɛ o wo mɛ he wami, nɛ o kɛ tsui si tomi nɛ tsɔɔ mɛ Mawu Munyu ɔ be fɛɛ be.
Moo kane nɛ o tsɔɔ asafo ɔ Ngmami ɔmɛ, nɛ o fiɛ Mawu Munyu ɔ kɛ ya si be nɛ i ma ba lejɛ ɔ.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Ejakaa Mawu munyu ngɛ he wami, nɛ e ngɛ hɛ ngmle, nɛ e nya ba pe ha nya enyɔtsɛ, nɛ e gbɔɔ kɛ yaa wa mi tsitsaa he nɛ wa susumi kɛ akɔnɔ ni ɔmɛ ngɛ ɔ, nɛ e jeɔ bɔ nɛ wa ngɛ ɔ kpo kɛ tsɔɔ.
Hiɔwe kɛ zugba maa be kɛ ho, se ye munyu ɔmɛ maa hi si kɛ ya neneene.
Se Yesu ha lɛ heto nɛ e de lɛ ke, "Dabi! Mawu Munyu ɔ deɔ wɔ ke abolo kɛkɛ be adesa klaa yi wami nyɛe ma he, se Mawu Munyu ɔ nɔ yemi mohu nɛ he hia."
Moo tsɔɔ mɛ o anɔkuale munyu ɔ nɛ e ha nɛ a he nɛ tsɔ nɛ a pee klɔuklɔu bimɛ.
Nyɛ hlaa Ngmami ɔmɛ a mi, ejakaa nyɛ he ye kaa a ma ha nyɛ neneene wami, nɛ Ngmami ɔmɛ nɔuu yeɔ ye he odase.
Se Nutsɔ ɔ munyu ɔ ngɛ daa." Enɛ ɔ ji Manye Munyu ɔ nɛ a fiɛ ngɔ tsɔɔ nyɛ ɔ nɛ.
Kɛ niheyo maa pee kɛ hi si pɛpɛɛpɛ kɛɛ? Ja e kaneɔ o Munyu ɔ, nɛ e yeɔ mlaa amɛ a nɔ.
O munyu ɔmɛ tsuo hine anɔkuale, nɛ o mlaa amɛ ngɛ kɛ yaa neneene.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Se Beroia bi ɔmɛ nuɔ nɔ́ sisi pe Tesalonika bi ɔmɛ. Lɔ ɔ he je ɔ, a bu Mawu Manye Munyu ɔ nɛ Paulo kɛ Sila fiɛ ha mɛ ɔ tue, nɛ a kaneɔ Ngmami Klɔuklɔu ɔ daa. A ngɛ hlae nɛ a hyɛ kaa nɔ́ nɛ Paulo kɛ Sila ngɛ mɛ dee ɔ ngɛ mi ja a lo.
Nɛ kaa bɔ nɛ Paulo pɔɔ peemi ɔ, e ya fiɛ ngɛ kpe he ɔ ngɛ Hejɔɔmi Ligbi etɛ sɔuu nɔ nɛ e tsɔɔ Tesalonika bi ɔmɛ nihi nɛ ngɛ Ngmami Klɔuklɔu ɔ mi. E de mɛ níhi nɛ gbali ɔmɛ ngma nɛ kɔɔ Yesu nɛ ji Mesia a e amanehlu kɛ e si temi kɛ je gbeje ɔ he.
Benɛ Filipo ya su trɔke ɔ kasa nya nɛ e nu kaa Gbalɔ Yesaia womi ɔ nɛ e ngɛ kanee ɔ, e bi lɛ ke, "Anɛ o nu nɔ́ nɛ o ngɛ kanee ɔ sisi lo?"
Nɛ Etiopia no ɔ ha lɛ heto ke, "Dabi! I nui sisi ja nɔ ko tsɔɔ mi sisi." Kɛkɛ nɛ e kpa Filipo pɛɛ nɛ e ba hi e kasa nya ngɛ trɔke ɔ mi.
Nɛ Ngmami Klɔuklɔu ɔ he nɛ e ngɛ kanee ɔ ji: "A kpaka lɛ kɛ ho kaa jijɔ nɛ a ya gbe lɛ, nɛ e kpɛ we e kuɛ si se e pee kpoo kaa bɔ nɛ jijɔ bi peeɔ kpoo ke a ngɛ e he bwɔmi nɔ sae ɔ.
Nɛ Filipo je sisi kɛ Ngmami Klɔuklɔu ɔ he nɛ e kane ɔ nɔuu kɛ he kpa komɛ, nɛ e de lɛ Yesu he sane.
Kɛkɛ nɛ Yesu de mɛ ke, "Nyɛ nɔ́ lemi se maa kɛ! Mɛni he je nɛ nyɛ he we gbali ɔmɛ a munyu ɔmɛ nɛ ngɛ Ngmami ɔmɛ a mi yi ɔ? Anɛ gbali ɔmɛ gbɛ kɛ fɔe si paa kaa Yiwamihelɔ ɔ maa na ni nɛ ɔmɛ loko e maa sɛ e neneene anunyami ɔ mi lo?"
Nɛ Yesu gba mɛ Ngmami ɔmɛ a mi sane kaa bɔ nɛ gbali ɔmɛ ngma kɛ je Mose Kekle Womi ɔ mi ngɛ e he ɔ, nɛ e tsɔɔ mɛ a sisi fitsofitso.
Kɛkɛ nɛ Yesu kɛ mɛ tu munyu nɛ e de mɛ ke, "A ngɔ he blɔ tsuo kɛ ha mi ngɛ hiɔwe kɛ zugba a nɔ. Lɔ ɔ he je ɔ, nyɛɛ ya nɛ nyɛ ya pee majemaje ɔ tsuo ye kaseli. Nyɛɛ baptisi mɛ ngɛ Tsɛ ɔ kɛ Bi ɔ kɛ Mumi Klɔuklɔu ɔ biɛ mi, nɛ nyɛɛ tsɔɔ kaseli he nɛ ɔmɛ nɛ a ye mlaahi tsuo nɛ i tsɔɔ nyɛ ɔ nɔ; nɛ Niinɛ, i kɛ nyɛ ngɛ daa kɛ yaa su je mi nyagbe."
Nyɛ ya fiɛ nɛ nyɛ de mɛ ke, Hiɔwe Matsɛyemi ɔ su si ta.
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Nɛ i ngɛ nɔ fɛɛ nɔ nɛ maa kane womi nɛ ɔ kɔkɔ bɔe ke, ke nɔ ko ngɔ nɔ́ ko ke piɛ nɔ́ nɛ a ngma ngɛ hiɛ ɔ he ɔ, Mawu maa ngɔ ajahi nɛ a tsɔɔ ngɛ womi nɛ ɔ mi ɔ kɛ piɛ he ha lɛ. Nɛ ke nɔ ko je nɔ́ ko kɛ je gbami munyu ɔmɛ nɛ ngɛ womi nɛ ɔ mi ɔ mi ɔ, Mawu ma kpɔ e blɔ nya nɛ e ngɛ ngɛ Wami Tso ɔ mi kɛ Ma Klɔuklɔu ɔ nɛ a je kɛ tsɔɔ ɔ mi ɔ ngɛ e dɛ.
Ye nya kpɛ ye he kaa e kɛ we kulaa nɛ nyɛ ngɛ nyɛ he tsɔe kɛ ngɛ Mawu he jee, nɔ nɛ tsɛ nyɛ ngɛ e suɔmi kɛ dloomi ɔ nya kɛ ba neneene wami nɛ e ha nyɛ kɛ gu Kristo nɔ ɔ mi ɔ, nɛ nyɛ ngɛ blɔ kpa nɛ kɛ nɔ yɛ Hiɔwe kulaa a nɔ gue. Blɔ kpa ko be pe nɔ́ nɛ wa tsɔɔ nyɛ ɔ, nɛ nihi nɛ plɛ Kristo he anɔkuale munyu ɔ hɛ mi kɛ bu si ɔ, a ngɛ nyɛ kuasia pee.
Ke nɔ ko loo ami po loo bɔfo nɛ je hiɔwe tete ba fiɛ yi wami hemi blɔ kpa ko kɛ tsɔɔ nyɛ ngɛ nɔ nɛ wa fiɛ kɛ tsɔɔ nyɛ ɔ se ɔ, Mawu gbiɛmi nɛ ba jamɛatsɛ ɔ nɔ.
I ngɛ dee ekohu ke, ke nɔ ko ma ba fiɛ Manye Munyu kpa ko kɛ tsɔɔ nyɛ ngɛ nɔ́ nɛ nyɛ he ye momo nɛ ɔ se ɔ, Mawu gbiɛmi nɛ tloo jamɛatsɛ ɔ.
Nyɛɛ ngɔ wa Nutsɔ ɔ tsui si tomi ɔ kaa he blɔ nɛ e ha nyɛ nɛ a kɛ he nyɛ yi wami. Wa nyɛminyumu Paulo, nɔ nɛ wa suɔ lɛ saminya a, de nyɛ enɛ ɔ be mi nɛ e ngma nyɛ womi kɛ juɛmi pɔtɛɛ ko nɛ a kɛ ke lɛ ɔ. Be fɛɛ be ɔ, e ngmaa níhi kaa kikɛ ɔ ngɛ e womi ɔmɛ a mi. Munyu komɛ ngɛ e womi ɔmɛ a mi nɛ a sisi numi wa, nɛ e haa nɛ nihi nɛ a juɛmi nya wɛ ɔ, a tsakeɔ e munyu ɔmɛ a hɛ mi kaa bɔ nɛ a tsakeɔ Mawu Munyu ɔ ekomɛ ɔ, nɛ e ji hɛ mi kpatami kɛ ha mɛ nitsɛmɛ.
A ngma ni nɛ ɔmɛ ngɛ Ngmami Klɔuklɔu ɔ mi kɛ je blema kɛ fɔ si nɛ a kɛ tsɔɔ wɔ ni bɔ nɛ pee nɛ wa na tsui si tomi kɛ bua womi kɛ hyɛ be nɛ Mawu maa ye yayami kɛ gbenɔ nɔ kunimi ɔ blɔ.
Se kɛ a maa pee kɛ bi lɛ nɛ e he a yi wami kɛɛ, ke a he we e nɔ yi? Nɛ kɛ a maa pee kɛ he e nɔ ye kɛɛ, ke a nui e he munyu ko? Nɛ jehanɛ ɔ hu, kɛ a maa pee kɛɛ nɛ a maa nu e he munyu ko ke fiɛlɔ ko fiɛ we ha mɛ? Aloo kɛ maa pee kɛɛ nɛ nɔ ko maa fiɛ kɛ ha mɛ ke nɔ ko tsɔ we lɛ? Nɛ lɔ ɔ ji nɔ́ nɛ Ngmami ɔmɛ ngɛ dee ke, "Nyɛɛ hyɛ bɔ nɛ nihi nɛ fiɛɔ Mawu he jɔmi Manye Munyu ɔ, nɛ a kɛ nɔ́ kpakpahi a he bua jɔmi sanehi ba haa wɔ ɔ, a nanehi ngɛ fɛu ha" a nɛ. E sisi ji, nyɛɛ hyɛ bɔ nɛ a nyaa nihi nɛ fiɛɔ Mawu Manye Munyu ɔ a he ha.
Se mohu tsa pi nɔ tsuaa nɔ nɛ bu Manye Munyu ɔ tue ɔ nɛ nya he, ejakaa Gbalɔ Yesaia de ke, "Nutsɔ, mɛnɔ he mi ye benɛ i de mɛ ɔ?" Se kɛ ɔ, he nɛ a naa hemi kɛ yemi ɔ kɛ jee ji Manye Munyu ɔ nɛ ji Kristo he Manye Munyu ɔ tue bumi mi.
Ejakaa Kristo Manye Munyu ɔ he pee we mi zo, ejakaa e ji Mawu blɔ nya tomi agbo nɛ e ma kɛ he nɔ tsuaa nɔ nɛ heɔ yeɔ ɔ, e yi wami. A fiɛ Manye Munyu nɛ ɔ kɛ tsɔɔ Yuda bi ɔmɛ pɛ kekle; se amlɔ nɛ ɔ, a ngɛ nɔ tsuaa nɔ tsɛe nɛ e ba Mawu ngɔ kɛ gu kikɛmɛ a blɔ kake too ɔ nɔ. Manye Munyu nɛ ɔ deɔ wɔ ke Mawu dla wɔ kɛ ha hiɔwe, nɛ e peeɔ wɔ dali ngɛ Mawu hɛ mi ke wa he Kristo nɔ ye kaa e ma he wa yi wami. Mawu dami ɔ jeɔ e he kpo ke wa hemi kɛ yemi ɔ pi si kɛ je sisije kɛ ya su nyagbe, kaa bɔ nɛ Ngmami Klɔuklɔu ɔ ye he odase nɛ e de ke, "Nɔ fɛɛ nɔ nɛ heɔ Mawu nɔ yeɔ ɔ, e yi ma na wami" ɔ.
Mawu ngɔ lɛ nitsɛ e Mumi ha wɔ. Tsa pi je nɛ ɔ mi mumi ɔ, konɛ e tsɔɔ wɔ nyakpɛ dloomi nike nihi kɛ jɔɔmi nɛ Mawu kɛ ke wɔ ɔ. Mumi ɔ nitsɛ munyuhi nɛ e tu wɔ ngɛ nike ni nɛ ɔmɛ a he ɔ, lɔ ɔ nɔuu wa ngɛ nyɛ dee nɛ ɔ nɛ, se pi munyuhi nɛ wɔ kaa nimli adesahi wa susu. Lɔ ɔ he je ɔ, waa kɛ Mumi Klɔuklɔu ɔ munyuhi tsɔɔ Mumi Klɔuklɔu anɔkuale munyuhi a mi. Se nɔ ko nɛ pi Kristo se nyɛɛlɔ ɔ, e be nɔ́ nɛ ɔmɛ a sisi nue, nɛ e be Mawu susumi nɛ ɔmɛ nɛ Mumi ɔ je kpo ngɔ tsɔɔ wɔ ɔ ngɔe. Ejakaa a ji kuasia níhi ngɛ e tue mi; se ni nɛmɛ nɛ Mumi Klɔuklɔu ɔ ngɛ a mi ji nihi nɛ naa nɔ́ nɛ Mumi ɔ ngɛ tsɔɔe ɔ nya. Nɛ ni komɛ hu pe a be nyɛe maa ngɔ.
Ejakaa ngɛ Mawu nile nya a, e ha we he blɔ kaa je ɔ nɛ gu nɔmlɔ ni lemi nɔ kɛ le lɛ. Nɛ enɛ ɔ he je ɔ, e he nihi kulaa nɛ he e munyu ɔ nɛ je ɔ susu kaa kuasia sane ɔ ye ɔ yi wami.
E ji kuasia sane kɛ ha Yuda bi ɔmɛ, ejakaa a ngɛ hlae nɛ a na hiɔwe okadi ko lolo nɛ tsɔɔ kaa anɔkuale fiɛmi i; nɛ e ji kuasia fiɛmi kɛ ha Hela bi ɔmɛ hu, ejakaa a dii ni lemi se, nɛ ja a he je ɔ, nɔ́ nɛ kɛ a ni lemi ɔ sɔ nɛ a heɔ yeɔ. Lɔ ɔ he je ɔ, benɛ Yuda bi ɔmɛ naa wa he abofu kaa wa fiɛ ke Kristo gbo bɔ nɛ pee nɛ e he a yi wami ɔ, wɔ jali ɔmɛ lɛɛ e ji kuasia sane ngɛ a tue mi. Se Mawu bli nihi nɛ e tsɛ kɛ ba yi wami hemi mi ɔ a hɛ ngmɛ konɛ a na kaa Kristo ji Mawu he wami agbo nɛ ma he a yi wami. Nɛ Kristo ɔ nitsɛ ji Mawu blɔ nya tomi nɛ e ma kɛ kpɔ mɛ ɔ e nyatsɛ.
Ejakaa Kristo tsɔɛ mi kaa ma ba baptisi nihi. Se mohu ma ba fiɛ Manye Munyu ɔ; pi ngɛ ni lemi nya, bɔ nɛ pee nɛ ma ko ha nɛ Kristo Sɛumi tso ɔ he sane ɔ nɛ pee gu.
Se nyɛɛ lɛɛ e slo nyɛ, ejakaa Mawu nɛ ji matsɛ ɔ nitsɛ nɛ hla nyɛ kaa osɔfohi kɛ e bimɛ, nɛ e pee nyɛ klɔuklɔu konɛ nyɛɛ ye odase kɛ tsɔɔ ni kpahi bɔ nɛ e tsɛ nyɛ kɛ je diblii mi kɛ ba e nyakpɛ la a he mi ɔ.