33 Ih ma aidungde nnui dage rang gaila iciu eh nnui a dade lungciep bamlu kerane. Kideu gade nnui keherei zie, dede kuulu, Ih kideube reu ngkieng luda".

9 Ih n dage aja kaigai meni? Ngking nah kuu lu! Ngngi diso; n suisa diso, kedanemene RAMPAUBE n Tinggwang nang tetkela leuga ncu ngngwala lu."

25 Ge Joshua penui dage rangdi, "Ngngi so nah nnui lungceu diso. Ngkieng nah kuulu, kedanemene RAMPAUBE nnui ngauraume nnui ngngwa keregi kerame pelane dage aide teigai zie lu."

10 Ngngi di so, kedanemene Ih nda la lu. N mlung ceu diso, kedanemene Ih n Tinggwang.

Ih ncu tei ngking beu zie, nah Ih ncu de ngha beu zie, nah kesamsang a ba zetle le ncu de teu ncuh beu zie.

7 Kedanemene Tinggwang anuide kengngi rabe peu ma, dede kengkieng, keku nah samzai ketei rabe peu.

13 Acu teingkieng beu kelabe ziemne Ih ma pelane tei lubui.

24 Ngkieng lu nah kuu lu,

RAMPAUBE de nlum eh kengha kie kela leune.*

3 Ih ncu qu kegai benai, nang a sam keli beu;

nang acu tei ngkuu beu nah a rabe tei ngkieng beu.

1 RAMPAUBE a kebaa nah acu ri kebeube;

Ih cau de hing lai?

RAMPAUBE a teilung kensiube;

Ih cauge de hing swa lai?

27 Dede Jisu zette penui dage maranggai, "Kuu lu! Ih lie! Ngngi diso."

50 Kedanemene penui pelane de pecu ngau eh penuide keheu süt kedine. Dede pa penuide mpau kelwa eh penui dage rangdi, "Kuu lulo, Ih lie, ngngi di helo!"

48 Ciu eh pa pe dage rangdi, "A napoi, n kenlum ne ncu teihemi luda. Lungciep gade tetlu."

6 Ciziemne anui kekuu bam muila, anui pumteihbe ki ga kebamtane anui Rampaube dade mdei kela cibam liede,

10 Kei hena bekei zie ngkai-kecum benai, Solomon au minadung de penui mlung suiyile kepui tei eh penui kidung gage lang gaidi kedanemene Rampaube David, Solomon, nah pe mina Israel dage pe zaikeyi pwalia kegaine.

7 "Ntiplu nah kuu lu. Assyria gwangpei nah pe da kebam reugwame pelane ziemne ngngi mede nnui lung ceu diso, kedanemene anui da kebambe au peda kebammedung swade ngkiengki lu.

10 Keherei kecudau nang ngngi eh mnei dicai,

nang ngking ma.

25 Ciziemne, minadung nnui lung kuu lulo! Kedanemene Tinggwang a dage kerangde siakte teilu kera Ih nlum kelane.

6 Nah Ih ma aidungde cisiakte bam, nnuida bata keyi ndeu kegaibe de Jisu Khrista cailigwang kera tingba benai kecang tei jüja teicang beuzie.

6 Cine nnui suiyi kesang lu. Miswakegah suiyi nnui dwaga bamlu. Keherei ketsamtsam nnui tingkakge lialu maisiadi liede.

39 Kesamsangme da kelikelu au RAMPAUBE dade gwangla;

keherei kecudau penuide pa gum beula.

11 Kedanemene Ih nnuide ngauneu bamla, iciu eh Ih nnuide rabe mapeu kesa peu kerane, nnui kenlum teingkieng lu kerane. 12 Cide cai, nnui kakgade acu de nah nnuide de kecunglu kera Ih regui bamlei, hangge ge kenlum, n kenlum nah a kenlum gade.

16 Cine anui lung siadi lama. Meliene, anui pumteih siala liede, anui rabe de tingba ramsang ne teiheci beula.

11 Cine nnui teibam kela nzwa, hange ge lung taumla nah ket ket de ngha bam lulo.

7 Aide ziemne, sinamedung, anui lungrei nah keherei kecu leune ga, nnui kenlum ziemne anui lungtaumla luda.

16 Pecai minadung sam keli eh rangdi, "Anui RAMPAUBE de pütdi eh hera keda ge de reca kera au lakzing, 17 kedanemene RAMPAUBE anui Tinggwang ne anui nah anui peime de Egyptme deu gade teu ncuh beu, hebaang ketei ki gade, nah mimakecang bata anui lambie ge tei gai, anui tet kela lampui leu ga anui de gum beu, nah mina leune kakga anui kahgwang kecudau de.

11 Aide RAMPAUBE ne ndukegai, kedanemene Ih rünne nnui ziemne riem pwa kela de ci, mariem cide kezuyi ziemne nah kengkap ziemne ma, nnuide gwang kera teilung nah keregui peu kerane.