Casa de Deus

10 Zuwa limwe hela haluga ha hegwe,

fola kusinda mazuwa elufu honhu hanji,

fola kwima hali lwizi lwa ng’handa ya hegwe Nguluwi wa heni,

kusinda kikala kuli mihema ja wanhu wehile.

4 Mbuli imwe nandimlanda Mkulu Nguluwi,

ayo ndo ndilinguipala,

ndikale mng’handa mwa Mkulu Nguluwi

mazuwa geng’ha ga ukomu wa heni,

ndijese ng’hatu kunoga kwa Mkulu Nguluwi,

na kupala ulongozi wa heye kuli ng’handa ya heye.

4 Wotambichizwa wala ulinguwahagula na kigaligwa habehi,

wekale haluga ha hegwe.

Tugutizwe ganojile ga ng’handa ya hegwe,

ganojile ga ng’handa ya hegwe yelile.

Lutogo ako Yelusalemu

1 Nasangalala vyowandonjele,

"Tulute kaye kwa Mkulu Nguluwi."

6 Kwa kukomya, kunoga kwa hegwe na igano lya kwimilila lya hegwe vyowa hamwe na heni,

kuli mazuwa geng’ha ga ukomu wa heni,

nani ndochikala kuli ng’handa ya Mkulu Nguluwi mazuwa gose.

8 Ila heni ndo kota igodi idodi lya mzeituni,

lilingudedemka kuli ng’handa ya Nguluwi.

Ndangitumbila igano lya heye lya kwimilila mazuwa gose.

9 Maya ga ng’handa ya hegwe gamema kwa heni,

mbuli zeng’ha zihile zowalingukuditila hegwe zangufika heni.

Yesu kangwinjila kuli Ng’handa ya Nguluwi

12 Lelo Yesu nakenjila mli Ng’handa ya Nguluwi, kawawinga wanhu kunze wali woguza na kugula vinhu mgati mwa ng’handa ya Nguluwi. Kagudula visaga vya wala wali wovunza sendi, kagudula vigoda vya wala wali woguza ng’hunda. 13 Kawalonjela, "Yandichigwa kuli Maandiko Matakatifu, ‘Ng’handa ya heni yochemigwa ng’handa ya kulandila.’ Ila hemwe muigalula iwa mhalika ya wabokaji!"

Yesu kanguyeliza ng’handa wa Nguluwi

13 Mnvina ya Pasaka ya Wayahudi loiwele habehi, ahyo Yesu nakaluta Yelusalemu. 14 Lelo nakawafika wanhu kuli Ng’handa ya Nguluwi woguza misenga na ming’holo na ng’hunda na wanhu wanji nawali wovunza sendi wekale kuli visaga vya hewo. Munhu yawele yovunza sendi 15 Nakabota ng’hobwa ya ngozi, nakawawinga wanhu weng’ha kuli nonhu ha ng’handa ya Nguluwi hamwe na misenga na ming’holo jawo, nakavigwisa visaga vya wala walinguvunza sendi na kuboholanga sendi zawo. 16 Nakawalonjela walinguguza ng’hunda, "Muse vinhu avi hano. Mleche kuidita soko ng’handa ya Mhaza wa heni!" 17 Walanguswa wa heye nawakumbuchila kota Maandiko Matakatifu gangulonga, "Maya ga heni kwa ng’handa ya hegwe wong’hopola."

19 Ndaze, hamvizelele kota ng’huli za hemwe ndo ng’handa ya Muhe Yelile yawele ka mgati mwa hemwe, yawele namumbochela kulawa kwa Nguluwi? Lelo, hemwe mwa wa Nguluwi.

15 Ila wone ndokawila, baluwa ayi yokuzelesa ndaze vyotuting’hana kuli Nghanda ya Nguluwi, iwele ndo chilundo cha wanhu walingumkunda Kilistu, wawele ndo wanhu wa Nguluwi yawele mkomu na yawele ndo izengo na msisi wa kukomya.

6 Ila Kilistu ndo wa kukundigwa kota Mwana yawele na ludali kuli ng’handa ya Nguluwi. Hetwe ndo ng’handa ya heye wone tulutilile kwima nzinzili kuli kikangaza nhumbula na tulutilile kidayila kuli kitumbila kotuwele nako.

44 "Kula kugunuche wasekulu wa hetwe nawali na lila Ihema lya Nguluwi. Nalyali ligongomanywe kota Nguluwi navyoyamlonjele Musa yalidite, kwa kiwhana na chila choyalajilwe. 45 Hamba wasekulu wa hetwe nawebocheleza lila Ihema lya Nguluwi, mbaka mhela wa, Lowaiholile yila isi kulawa kwa wanhu wa isi wawele Nguluwi nakawawinga hali hewo. Aho naliwa baho mbaka mhela wa Daudi. 46 Daudi nakaganigwa lukami na Nguluwi, nakamlanda Nguluwi yamkundize leka yamzenjele ng’handa Nguluwi wa Yakubu. 47 Ila Solomoni ndo yamzenjele Nguluwi ng’handa.

48 "Ila, Nguluwi Yawele Kuchanya hambe yekale kuli ng’handa zizenjigwe na wanhu, kota mloli vyoyalingulonga,

49 " ‘Mkulu kangulonga,

kilanga ndo chigoda cha heni cha undewa,

na isi ndo chigoda cha heni cha kuwichila magulu.

50 Lelo, ng’handa ilindaze yomuweza kunzenjela,

na honhu hachi hondikwesela?

Ndaze, vinhu avi vyeng’ha sividitile heni?’ "

Magazo na ulohozi

1 Mkulu Nguluwi kangulonga hino,

"Ulanga ndo chigoda cha heni cha undewa,

isi ndo honhu ha kuwichila magulu ga heni.

Lelo, monzenjela ng’handa ilindaze?

Kuli honhu hachi hawele ndoweza kwesela?

2 Heni ndo ndividitile vinhu avi vyeng’ha,

avi vyeng’ha ndo vya heni.

Ila ndolajila uganililo kwa munhu yalingunyenyetela,

na yalingulonga gehile ga heye,

yalingukakama hala hoyohulika ulonzi wa heni.

16 Ndo Yakobo nakalilimka muusinjizi nakalonga, "Ndangukomya Mkulu Nguluwi ka honhu aha, nani nasivizelele." 17 Yakobo nakadumba nakalonga, "Honhu aha hangudumbiza kota choni. Ne majesa aha ndo ng’handa ya Nguluwi na lwizi lwa kilanga."