Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Baraak Ukwaasanaay oodehay tikatiina, baruuh areeya hookna, ooknaay dehaay waasiya hookna. Aflaay baraak ibakii igarooyeekna hinnaatwa, nhisuuytwa, miskiinamtiiwwa, daayiinaaytwa tarmuumaawwa tistookwiineet toonaati.
Nhaswa rhamaat ibariinwa akeena, taktak afooyaana. Ukwaasana han Umasiihii afooya hookna.
Aakhar, kassaakna taktaki geeb hiddaab kwiriina. Shiboobna, isanaayeet areesamaana, nꞌakwmanaayaana aree baatatageegaana.
Gaal han miraay ibariyeek, aree malya oosan shanhayt barii rheetiit nꞌakwmanaatiib dehaay biidꞌiyeek, Ukwaasanaay uureer kak bariiyooh daayiini?
Whamaad Ukwaasanaawwa Wꞌankwanaayoon Yasuuꞌaab Umasiihiib Ubaabaaywa baꞌiikti. Ubaaba inꞌakwmanaayana, kastuuh tushamaam hooy eetniyeeb Ukwaasana, kasseeh hineeb igwirhaayeeb eeshtiimoon, aflaay baliib gwirhaayeeb eefeen han hinin iknaayaan Ukwaasanaay nimriyeet tushamaam bareeh neeshtiim nikati.
Win fagiiri hineeb inꞌakwiyeeb nꞌakwmanaatiib dehoon baabariib kinbari. Laakiin hinin gaal nibari kasseeh isalalaayee jarrabamiyaab, hinin han bak jarrabamna, laakiin baruuh maagnaayt gwibbaab kiiki.
Baliib yꞌafirhaana geeb afirhaana, baliib iwaaweenni geeb waawaana.
Isanaayaan, aakhar aree usalaamiib andi hookna. Timmiimaab tikatiineet toona hariwna, aniit tuwaliik sinaakirna, gaal girmaay tꞌiiteeb akeena, aree umꞌasgiib kwiriina. Aree ooreeri Kwaasanaawwa umꞌasigwa geebookna baꞌiiktiin.