9 Muungu endaagosoe ayo kwa kuwa yee ni mkwei. Yee nee ekuwetangae nywie ili muwe kintu kimwe na Yesu Klistu Zumbe yetu.

16 Ivi khammanya kuwa nywie ni Nyumba ya Muungu, na Muye wa Muungu wekaa uumo mwenu?

12 Mwii wa mntu una vimamo vingi, akini vimamo ivyo vyose vyagosoa mwii umwe, nee yeivyo kwa mwii wa Klistu.

14 Namuombeza Zumbe Yesu Klistu aendeee kuwa hamwe na nywie. Namuombeza Muungu ukundiso wakwe uwe hamwe na nywie. Namuombeza Muye wa Muungu awaambiize.

16 Vyadahika viivihi Nyumba ya Muungu kuwa ya vizuu vya uhokho? Kwaviya swie ni Nyumba ya Muungu, ekuwae na ugima inga viya Muungu ekugombekavyo,

"Nendanigosoe wekazi wangu na wantu wangu,

Naho nendanekae nao,

Nendaniwe Muungu yao,

Naho wendawawe wantu wangu."

17 Mntu akawa ndani ya Yesu kawa kiumbe kihya, ya kae yemboka na kauwa yawa mahya. 18 Ayo yose kayagosoa Muungu mwenye kutuivanisa swie na yee mwenye, kwa sia ya Yesu Klistu. Yee atekha swie ndima ya kuwaivanisa watuhu kwakwe. 19 Nee kugombeka, Muungu nekawa akiivanisa wantu wose na yee mwenye kwa sia ya Klistu kwesiho kutaazia masa yetu. Yee katekha mbui ya uivanisi.

20 Tegeeza! Nagooka he uvi na kutoa hodi, mntu yoyose akategeeza mgutio wangu na kuvugua uvi, nendanengie kwakwe na kuda hamwe nae, nae endaade hamwe na miye.

3 Nikategeeza mgutio mkuu kulawa he kigoda cha useuta ukagombeka, "Isasa Muungu ekaa gatigati yao, naho endaekae nawo na kuwatenda wantu wakwe nawo wendawatende Muungu yao.

20 Kwaviya hohose hada wakintanaho waidi hambu watatu kwa zina dangu, miye ni ahoaho gatigati yao."

20 "Khiwavikia wowo du, iya nawavikia wose wendao wakuzumiiye kwaawiana na mbui zao. 21 Naombeza ili wose wawe kintu kimwe, Tate naombeza wawe ndani yetu inga viya wee weivyo ndani yangu miye ndani yako, naombeza wawe kintu kimwe ili wantu wa inusi wakuzumiiye inga wee nee mwekuniagiiya. 22 Miye khiwekha ukuu udauda wekunekhao miye, wawe kintu kimwe inga viya swie teivyo hamwe. 23 Miye niwe ndani yawo nawe uwe ndani yangu, naombeza watendwe wawe kintu kimwe, kwaivyo wantu wa inusi wamanye wee nee mwekuniagiiya naho wawakundisa wowo inga unikundisavyo mie.

24 Mntu yoyose ategeezae na kugosoa viya miko ya Muungu ikundavyo, ekaa umo mwakwe Muungu, na yee Muungu ekaa umo mwakwe. Kwa sia ya Muye wa Muungu tekuhokeao kulawa kwa Muungu, tamanya kuwa Muungu ekaa umu mwetu.

20 Naho tamanya kuwa Mwana wa Muungu keza, akatekha umanyi ili timmanye Muungu wa kwei naho tekae mwe uhamwe na Muungu wa kwei kwaviya tina uhamwe na Mwanawe Yesu Klistu. Uyu nee Muungu wa kwei na nee ugima wa misi yose kwesiho kisiikizi.

13 Tamanya kuwa tekaa umo mwake, Muungu nae ekaa umu mwetu kwaviya yee katekha Muye wakwe.

7 Wambuya zangu tikundisane, kwaviya ukundiso walawa kwa Muungu. Kiya mntu mwekuwa na ukundiso ni mwana wa Muungu, naho ammanya Muungu.

3 Tawabiikia mbui za Yesu uyo ambae nee timuona na kumtegeeza, ili muwe hamwe na swie mwe umwenga ambao tinao na Tate Muungu, na Mwanawe Yesu Klistu.

28 Ivyo wanangu, endeeyani kuwa mwe uhamwe na Klistu, ili kisingi endahoauye vituhu tiwe na utintimavu, na tisekweza kwefisa kwa soni tendahotikintane.

1 Ivyo tizumiiwa hemeso ya Muungu kwa sia ya uzumizi, Ivyo wose tina pheho hamwe na Muungu. 2 Viavia kwaajii tamzumiiya Yesu Klistu katitenda timanye Muungu ekuwavyo yedi, inu yatitenda titintimae mwe wekazi wetu isasa na viavia tamanya tendatekae na Muungu uko uwanga kwakwe, ivyo tina nyemi muno.

22 Kwaivyo timtimie hehi Muungu kwa mioyo mitana yekumzumiiyao kwei, tukawa na mioyo yekuzingulwayo kulawana na mamakhanyi za ufyaimi za miili yetu na ikawa isuntwa na mazi matana.

7 Ivyo mtegeezeni Muungu, nae muemeeni shetani nae endaawaguuke. 8 Mtimieni hehi Muungu nae endaawatimie nywie. Nywie wenye mavigaviga ekani mavigaviga yenu na mgosoe yekuwayo yedi. Na nywie wenye nia mbii mbade mamaakhanyi zenu fyaimi na mamaakhanyani mbui zedi.