Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Sapanga ateghola hagha kwaikiva mweni ni mchakaka. Mweni ndiwa kawakema mwenga mkongani na Mwana ghaki Yesu Kilisito Bambu wa twenga.
Ghuli, mmanya ng'ogha yiwa mwenga ni lighuta lya Sapanga na Mpumulo wa Sapanga angulikala mghati mwa mwenga?
Handa vila mhigha uvile mmonga na weni uvile na vikongonu vitangala, na vikongonu havi pamonga na yiwa viwela vitangala vinguuchenga mhigha mmonga na ndiwa inguwela kwa Kilisito.
Ninguyupa yiwa Bambu wa twenga Yesu Kilisito aweli maha kwa mwenga wogha. Ninguyupa yiwa mapalo gha Sapanga yaweli na mwenga wogha. Ninguyupa Mpumulo wa Sapanga awatangi kuutumikila wa mwenga. Sapanga mweni upalo, na umaha wa Bambu Yesu Kilisito, na Mpumulo wa Sapanga mweni kughola mahengu pamonga na twenga, alikali pamonga na mwenga wogha.
Lighuta lya Sapanga liwela na ughanja ghani na ming'omung'omu gha uhwangi? Kwaikiva twenga ni lighuta lya Sapanga avile mkomu. Handa Sapanga mweni ailongile,
"Nitelikala na weni,
na kuwela paghati gha weni,
Nitewela Sapanga wa weni
na watewela wandu wa nenga."
Mundu pakanguwela mghati gha Kilisito, kanguwela kiumbi kihyonu, mighalu gha dahile ingupita, na kila kindu kinguwela kihyonu. Hyogha hagha yanguhuma kwa Sapanga yula mweni kutukonganisa twenga na mwenibaha kupitila Kilisito, na mweni kangi katupegha lihengu lya kuwakonganisa wandu na Sapanga. Hai ingumaanisa, Sapanga ndiwa mwenikuwela akiwakonganisa wandu wogha na mwenibaha kwa njila gha Kilisito akileka kuvalanga sambi syau. Na mweni katupegha ujumbi wa kuwakonganisa wandu.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Uyughanili, Nenga ningugholoka na kukuwa mlyango na kukema. Mundu pakayughanila lilowi lyangu na kuwoposola mlyango, niteyingila mlighuta lyaki na kulyegha mulyo pamonga na mweni, na mweni atelyegha pamonga na nenga.
Hinu nikahyoghanila lilowi likulunga kuhuma kukikalilo kya kiinkosi likilonga, "Hinaa Sapanga atelikala paghati kwa weni, Sapanga atelikala pamonga na weni, watewela wandu ghaki, Sapanga mweni atewela na weni na mweni atewela Sapanga ghao."
Kwaikiva kokosi kula pawalikungula waivili au waitatu kwaikiva gha nenga, nenga nabaha paghati ghao."
"Ninguwaluwila ng'ogha hagha wavulwa weka yau, ila ninguwayupila hilahila na wala wogha watenikwinila kupitila lila wateyughanila kuhuma kwa hagha wavulwa." Ninguyupa hagha wogha waweli kindu kimonga. Tati ningukuyupa hagha wogha waweli mghati mwa twenga handa wenga vila uwela mghati gha nenga na nenga mghati gha wenga. Ninguluwa waweli kindu kimonga ili wandu wa mlima wogha upati kumanya yiwa wenga ndiwa unilaghilili. Ukulu hula unipeghili na nenga niwapegha weni, ili waweli kindu kimonga handa twenga vila tuwela mmonga. Nenga niweli mghati mwa weni na wenga mghati gha nenga, ninguluwa watimiliswi waweli watimila kwa kuwela kindu kumonga, ili mlima wogha upati kumanya yiwa wenga ndiwa unilaghilili, na unguwapala weni handa ungunipala nenga.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Mundu mweni kuyitikila malaghilo gha Sapanga kanguyendelela kulikala pamonga na Sapanga. Na Sapanga angulikala kuumonga na twenga Kupitila Mpumulo wa Sapanga yula atupeghili, tungumanya yiwa Sapanga anguyendelela kulikala pamonga na twenga.
Tungumanya hilahila yiwa Mwana wa Sapanga kahika kala, akatupegha malangu ili tummanyi Sapanga wa chakaka, na twenga tuwela na umonga na Sapanga wa chakaka, kwaikiva tuwela na umonga na Mwana ghaki Yesu Kilisito. Hayu ndiwa Sapanga wa chakaka, na ndiwa mweni kutupegha ukomu wa machuwa hyogha bila mwihu.
Havi ndiwa tunguwesa kumanya yiwa tungulama kuumonga na Sapanga na mweni angulama kuumonga na twenga kwaikiva katupatila Mpumulo ghaki.
Wapalwa ghangu, kila mundu na ampali myaki, kwaikiva upalo unguhuma kwa Sapanga. Kila mundu mwenikuwela na upalo ni mwana wa Sapanga, na mweni angummanya Sapanga.
Tunguwatangasila habali zya Yesu hayu, yula tumlolile na kumhyoghanila ili muweli pamonga na twenga kuumonga tuwela nau na Tati Sapanga, na Mwana ghaki Yesu Kilisito.
Hinaa wana ghangu, myendeleli kumkwinila Kilisito, lukani lipindi atehika kangi tukotoho kutila na tukotoho kuwela na holu na kulihigha lichuwa patehika.
Kwa nagha, kwaikiva tujumilwa kala kwa ukwinila, tungulikala kwa kuponga na Sapanga kupitila Bambu wa twenga Yesu Kilisito. Kwa njila gha kumkwinila Yesu, Sapanga katupatila umaha ghaki hata hinaa tunguyendelela kupokela umaha hau, tunguhekelela nesu kwaikiva tungutumainila yiwa tutelikala na Sapanga kundumba.
Hinu tumhikili Sapanga kwa mioyu mbuleti na ukwinila utimila, tukiwela na mioyu ivile ighululwa kuhuma kulukani luhakata, na mihigha gha twenga ikiva ighululwa kwa masi mbulete.
Hinu mumyitikili Sapanga. Mumngingami Lihyukana, na lyeni litetuwa. Mumhikili pabehi Sapanga, na mweni atewahikila mwenga pabehi, mwenga weni sambi mleki kughola mahakata, mwenga weni mawaqchilo maivili maivili mleki na mgholi ghamaha.