Comunhão com os irmãos

41 Cine pe sam nlum kelume duipum teilu, nah cipaunai mina cangcum ge nlumkelume maa ga silu.

Kenlumme kangbau

42 Pecai penui langkegaime keledeu sam kingnei, ngngwa kekangbau nah ketaktyei nah kekie ketei jüja bamdi.

43 Mina pelane reu kengngi gwangdi, nah langkegaimedung miswakegah nah mimakecangh bata kekiee ge teigai. 44 Nlum kelume pelane ngngwa ket teidi nah ma pelane ga ngngwa kemacütdi, 45 nah penui penui gunia nah mabamdung zwalwe, cidungde teumaikesiame de mzi beudi. 46 Penui tingba ramsang ne kerecaki ga gwang ngkwala, nah penui kidung gade tangku tei poplwe penui suiyi nah ket tei eh ngngwa ketak tyeila, 47 Tinggwang de twa nah mina pelane de ngngwa kezuyi bamdi. Nah Rampaube Tingba ramsangne kelikelume de penui maa gage si gaibeu bamdi.

24 Nah anui kereku nah makeyi tei eh hangge gede dainzwa kecung eh bi cet lugo. 25 Midung ge nzwa, anui kangbau eh ngkwa bam kelade mtakdi helo. Meliene, anui hangge gede teingkuu si lugo, pe tingba de gwang nna reu reu kebamde ngau eh.

Sinamedung ket tei eh lungh kebam

1 Ainie, daikenzwa gede yi nah daikenzwa gede ramciem no

sinamedung ngngwa ncüt eh lunghbam kecu!

2 Cide au maca püt kelu pemi kehung pe peu gade

tangkeimai gage lwa nghung kecu nzwada,

Aaron tangkeimai,

nah cipaucai de cide pe mcwa ngwang riadung ga lwa kemie.

3 Cide au Hermon deutu gade hezindung

Zion deutudung ga keeimie kecu nzwada.

Kedanemene cikade RAMPAUBE kelungta pe samlam sampet gaibeu,

kering penli kegah de.

14 Anui ngngwa kangbau hemisüt lu;

Anui mina kieesüt eh Tinggwang kiga tet nlüt lu.

9 Mi hangge swa hangna yiki;

penai ncüt delwe penai bata gade ziehi keyi hi lula.

10 Kedanemene magade hangge kaumie di liede, kedage ne pe zangbe de teu cuh lubui.

Iciuliede, mige pekatei nli kebambe de au, pa kau kedi dau lungrei pecai sui dila

magade migede pecu teucuh lu kera gah liecai.

11 Magade hangna zeu ncüt lucai, penai lum lubui,

Dede dainzwa mige pekatei lumlu zie no?

12 Mi hangge pekatei kebambe de au ngam di lubui,

dede hangna au gwaketang kebam gade sap lubui,

nah heria kecum teu ncüt kelube cak zette di lama.

22 Nnui kesangbe samzai teikelu gade nnui de teimci luda. Aide au siname keku lungsang ngau kera ziemne; cine hangge gede nnui mlung mci eh lungsang gade kereku lulo.*

9 Ncamdi mene ketket de ngaungngia lu.

10 Hangge gede caireiswacing keku teu kulu. Herüt kepeu ga, hangge gede herüt peulu.

Khrista henahbai kecude kereli

1 Ciziemne, Khrista gade mide kecunglu kela, milung tau mlalu kela keku, Kemci Rabe gade ngngwa kekangbau kecu, mide keku nah kenggia kecu bam liecai, 2 iciucai nnui ngngwa lungge, keku ge, rabe gade ngngwa ket tei nah kelungzwa eh a suiyi teicang gailo.

16 Peu Khrista sambe de nnuida kepui tei eh bamlu. Maci pelane teu eh hangge gede ledeu nah maranglia lu. Lei, ketwalei nah kereca leidung teu Tinggwang de twa eh nnui lung gade pe dage lei tei gailu.

32 Meliene, hangge ge dade nnui zai yi nah helung ncieplu, ketket maugi beulu, Khrista gade Tinggwang nnui maugi kebeu nzwa.

13 Sinamedung, nnuide au suirang tei kera qu luda. Dede nnui suirang ketei de ziemne nnui pumteih lungning tei kera teiso; meliene, keku gade hangge gede nghalu.

11 Cine nnui teibam kela nzwa, hange ge lung taumla nah ket ket de ngha bam lulo.

6 Anui pecu ngngwa kekangbau lalie bam eh kemui ga tetla cai, anui au kenret la nah kesangbe tei mzai la meda. 7 Dede pa kebaa ga kela nzwa, anui kebaa ga tetla cai, anui hangge ge de ngngwa kekangbau bam, nah pe Na Jisu jai ne kemau leune gade anuide teimci beula.✝

Kelumkegai kekambe

11 Kekambe, sinamedung, nnui suiyi lu! Yicangsiak lu, hangge ge de kecunglu, kesuizwa lu, kezuyi eh lunghlu. Iciu de keku nah lungciep Tinggwang nnuide ngngwala luzie.

34 Ih nnui hangge ge de hung lulo eh samkak keheci ge peula; Ih nnuide hungkela nzwa, cine nnuide hangge ge hunglu maisia.