23 Ani bareeyooh eefi aree baruuk aniib tehaya. Aflaay baraah han winneet gal ikatiin. Shaawti tuduniyaati dehay aneeb baruuk diigwataayu tikatiyeet toona iikan iyadna. Aneeb areetaneet toonaatiit bareeh han areetiniyeet toona iikan iyadna.

34 Oontꞌa bareek gayiit wasi aniiw hookna: taktak areeyaana. Ani bareekna areeyaneet toonaatiit, aflaay baraakna han ibakii taktak areeyaana. 35 Baraak taktak areeteeneek, aflaay uudehay kassaah anii kwiriyaatay tikatiineet toona iikan iyadna." idi.

44 Kassaah yꞌaamaniyaan hiddaab iifiin, toona tꞌiibriineet kastooh imꞌadhdhaadhna. 45 Teena tꞌiibriineetwa oomraayoohwa iidlabna, imhallaga oodehay ishanha iyiwna. 46 Kassoohoob udiini gawi hooshiib hiddaab daayiin. Igawaayeeb yhadhi ikitꞌana, afirhaa hiddaab tamiina, aree iginꞌa rayhamaa iifiin. 47 Ukwaasana yhamidna, uudehay kassaah bareeyooh geeb ishboobna. Aree Wꞌankwana baliib shidhhana iideeb oodehay bareeyooh ishaawiit gaguudisiya.

3 Hinin iknaayaan sidik rhinaneetwa nimaasweetwa toona soona hookna. Aflaay hinin eetriim han tikatiin. Hinin imoormiyaan Ubaabaay geebwa Wꞌoorooh, Yasuuꞌaab Umasiihi geebwa ikatiin.

16 Bak aree uureer naan ikatiyeeb nikteen: Yasuuꞌa Umasiih hini jillaay umidhhanooh nuuniya. Hinin han isanaayeen jillaay umidhhanoon niyaweet toonaati.

11 Oon usabbii aree baraak ibakii taktak sꞌakirna, taktak shamna, oontꞌa sakteeneet toonaatiit sakaana.

12 Baraakwa aneebwa wꞌiimaaniisoon taktak nisꞌakiireet toona asehariiw.

25 Hiddaab nimmarriyeet toona ishna baadꞌiina, gwadi bak sakeena, laakiin taktak nisꞌakiireet toonaatu, aree Wꞌankwanaayt tuuyin han tidiwileet toona rhiteena.

2 Baraak taktak teeshtiimnihoob, Umasiihiib whag bak tisinaakiirna.

10 Shaawti, fursaat nibariyeebka, kasseeh oodehayii dehaay daayiinaayt nidꞌeet toonaati. Baliib wꞌiimaani dehayii ikatiin eekna han daayiinaayt dehaay nidꞌeet toonaati.